¹ Ama nu whewhe, lẹ whẹ ẹguẹ ria hẹ ẹkhozhẹ awhẹ eria khazhẹ. ² Lẹ khazhe ehozhurio khe ili wulwgbẹ, ẹruẹ iri ibo ne khozhizho, ẹnẹguẹ, ekwukwa zhu unyeyo, zhu uguda khẹ ejugue. ³ Inyigu ẹnẹ, khazhe ẹzhamurio khẹlẹ zhaikhama, ikhi memezho onyo, ikhi riu uyala ẹwhe enyo, ama iri ibo nẹ khazhẹ ugunu yiemi, ⁴ ẹkhẹlẹ khazhẹ ezhamuro khẹ ẹlẹ dugu ehọzhẹ ja, ẹdugu ebia ẹja, ⁵ eyiane unia, efuema, irir ibo ni riehu ukpo yema, iyero lẹ na ẹhozhẹ ja, ubo khẹ onyo khi hu uka suazhi akhole Oyiokhose. ⁶ Ekhili rio khazhẹ ehozhuro khe ehu unia li hena. Zho kho kwokwo kho kwokwo wha he ẹgbẹ wha ri agbhẹ hẹ ri akanya ane yemi. ⁷ Zhẹ ẹkhazẹ mhẹ whẹ yianẹ ewhulegbe, khẹ onyo mie akhanya ni ria akhanya, ⁸ Khe uyio mie akanya ni khonyo hi mhemezhe ubo khẹ onyonyo no khi whazhi zho uwho ukha umio ni ubo khẹ ẹyanẹ ugu whẹ unube enia whẹ gbhẹ. ⁹ Khazhẹ uyiala kho oyuzhọ na ogazhe oni zhi khama khemi khemi, ili ri ugunu yhemi zho jilo, ukhe ruẹ ja yianumu, ¹⁰ Ukhi zuji, ama hu unyeyo unuyemi khazhẹ, ubo khẹ, kho kwokwo kho kwokwo igbo mhiẹhẹ ẹkhazẹ ẹwho Oyiokhose Oyiana ẹniyemi nọ. ¹¹ Azhofẹ awho Oyiokhose ẹzhi nu ufuea ẹwhi khonyo khonyo. ¹² Ekhazhe mha khu mhe chezhe ehenelehe awho Oyiokhose khẹ imhahi ewhu ugbono, onyo oli hai ugbo ewhulẹgbẹ, onyo ri yema, khe eleha Oyiokhose zhẹ ẹehẹ ugbo uni mha shẹ no, ¹³ Inyi mha zhila gbhẹhẹ zha ru iyemi ewhu ukhẹhẹ, uzhi mhu ẹwhi ẹlagẹdẹ Oyiokhose ono gẹdẹ khẹ Oyiana Jesu Kiristi. ¹⁴ Jesu ọhẹ ẹgbọne na mha ubọ khẹ ọhẹ yianama gbe aziia mha shehe, okhẹ hama fuẹma nẹ ẹgbọni, ibo ni ri ki ẹhẹ ẹgbẹ zhakpa gbakhanya ane yemi. Lẹ whẹ ẹguẹ no, wha fozhẹ ugbo egua ili ria, lẹ khozhẹ ja ẹnẹ ẹkpukpa na ha nau. Ukhe rue khonyo khogu ohilo gbeu.