^{3 1} Ipaulu, uyiala ẹwho Oyiokhose khẹlẹkhẹ evuyio ẹwhi Jesu Kristi na unyeyo ewhi ibo eno Oyiokhose ọjẹ khẹlẹ khẹ anẹhẹ mha atha ẹni ri elehe awhi nyi Oyiokhose, ² Khẹlẹ bahẹ ukhẹhẹ ẹwhu ugbo kperekpere ẹnẹ Oyiokhose, uni khọ kpẹrẹ, ola jẹshẹ ni ugbono utẹzhina. Eshẹ ije oha akhola ni khazhe cha uyio mhoni ẹnọ ha le mhu ubo inyi Oyiokhose ọnọ yianamha zho ola whẹ. ⁴ Ni Itatusi, ọmọ ọwha atha zhẹ egua unyeyo unu hama riu ugu. Azhofẹ khẹ uvhia unu gbi ichi Oyiokhose Iyha khi Kristi Jesu Oyiana oma zhi. ⁵ Ubohunọ mhẹ rue uzhi Ikristi, ubo khẹ uzhẹma na eguẹ ẹni kho onyo ri zhe gbhẹ, ukhẹli gbe eyiala ọzhọzhọ je ẹriọ. ⁶ Ọriọ oeri onyo ni kho onyo mhiehe ugube zhonio, ọhọzhẹ ọzha mhọ ọgu, ọnọ yianẹ ebia nẹ whẹ ni ria, onyo khẹ guẹ ja zhọ khẹ ẹzhozhẹ iyẹhọ. ⁷ Iri ugbe gbe na uminaru, inyi onyo ọnọ ri ikhama hu ukpo Oyiokhose, ori khẹ okhẹ yianẹ ẹbiẹ ẹ zhẹ. Okhi ri onyo nọ hilo gbonyo, otu riufa, okhẹ nina zho enyo unwon, okhi ri onyo ọnọ wa, okhi ri onyo ne mie zhe zho milo. ⁸ Eyanọ, oli ri ilafa khẹlẹ ọcha mu ugu unuyemi. Oe ri onyo no neguẹ, ori ugu cha, ọfuema, khẹ oli whulẹ gbẹ. ⁹ Takhana mu uyio mu wha atha ena he heina ẹna khazheu mua gbai ubo khẹ oha bo lẹ fozhẹ ibukha egua ẹnẹ ẹkhazhẹ ẹni yiemi okhẹlẹ ẹ khozhẹ ibo ni tuzhanẹna. ¹⁰ Eyanẹ orogodo eni whahi zho onyo ọ, ẹwha akholẹ eni khe shọọ, khẹ ẹwha alẹ zhẹ, ẹgbẹgbẹ ena gbazhẹ. ¹¹ Iri ugbegbe khe ewhuleja zhizha. Ubo khẹ ẹhẹ ekha mhe ni kho cha gbhe vhuzhu ibo ukpukpo egua ubo hi egue ukha enie gbu ubo ẹja miẹ. ¹² Ogu ẹgbẹ omiaru ọwhẹ ja owhe, "Ibo Ikireti ẹwhẹ rẹ ni ri, eluna mhi gwiyi ẹnẹbẹ, obua ni rieve." ¹³ Ugu na whe no atha no. Ubo hunẹo, kozhẹ ja ehezho, ubo khẹ ẹhẹ kpukpa zhu unyeyo, ¹⁴ ẹkẹ halẹzho zhẹ ẹkha ibo Ijiwu, khẹ egue ibo ni khiena gba atha shẹhẹ iha suẹ ẹkhẹ. ¹⁵ Ni ibo nẹ fuema, khemi khemi a fuema. Ama ni ibo ni khẹ fuema gbhẹ ni khi nyeyo gbhe, khemia khagu afuema gbhẹ ama egua ẹja khe ekhozhi awhe ja amaa. ¹⁶ Iri inyi ibo ne nezhe Oyiokhose, ama ẹhẹ elehe chezhoni. Iyielezhe, iyiezhọ, ikhili yemi zha akhanya ne yemi khagu.