¹ Zhamazhe ẹja khẹ ifuezhegbẹ zhọ ni uma khi ibo ẹnẹ ma, yuzhọ nẹja, uzhema na akhanyaane yhemi azhakpa, ² Whe khi khumu onyo,wha khe runyo gbena, ukhẹlẹ fọ, wha tẹzhẹgbẹ zhekhe na na. ³ Ebajọ khu mhamha mheri ibo ni khe ẹsikhozhe gua, iyezho. Aramazẹgbẹ mha a ahama riu uyala inema ugbono khi ivumia, Mhe li yielezhina mhalẹ biamina. ⁴ Ama ẹba ni eguyemi awho Oyiokhose Oyiane oma khu uguda mho ni no ogbo uzhi, ⁵ Ikhu ubo ha akhanya ne yemi eni mhe gbe, ama ubo hu ukhonodo ni no yianama zho, cha ukhofu whu ubia mhu ufafa khẹ afuzhema ẹwhẹ Ehonẹfuema, ⁶ Ono Oyiokhose ozhue zhu ugboma ọmọlọmọ cha oyiana ọma Jesu Kristi, ⁷ Khi khẹ akhẹ whẹ mhe ri yhemi cha azhofe awhoni, mhe khi hi ri owoluyiana oni ri khẹ okhẹ yianẹ ukhehẹ mu ugbo kperekpere. ⁸ Uyio mhu uwhi nyi na hẹ heino khunọ. Mheda khu whe whulu gbai. Ubo khẹ ibo ni nye pyiokhose yio iwhulu ẹgbẹ zho akhanya ane yiemi. Eguẹno ni yhemi ikhili ri iyhemi na khonyo khonyo. ⁹ Ama mhe chezhe uramina unuyana khe ikha ewhi kha adẹ khi igbena khi iyiomusọ zhẹ ẹguẹ ọọgba. Eguenọ nẹ yianẹ ẹsọ gbẹ ogua ọfẹ nọ. ¹⁰ Chezhe ọnyọ kho onyo ọnọ khe zhu ukhemina li hi ẹhawa, eyima ne khi shoni uzho iyagu ni iyava, ¹¹ Wha khẹ nẹzhẹ khẹ onyo owhi yio okhie ina gbe okwokwo atha shehe okhẹ iia ọkhẹlẹ hẹ gboni rio ofua. ¹² Mhi khi ve Atemasi khẹ Itichikusi na wha whetu khezhi zha whaẹhẹ mu zhi Nikopolisi, aja ni mhẹ whe mhie khuẹma zho ẹshẹ uwa. ¹³ Ri inyi khinyi whe ri zha khu whe i ve Izenasi onyo no nyeni yio sọ khẹ Apọllosi, ubo ke okhi ri khẹ ẹyanẹ emia nẹ da. ¹⁴ Ibo mha ẹwhẹ zhina inyi na la tu zhemi fizhi na akhanya neyemi, ubo khẹ mhe khi ri khi mha yiauya zhọ. ¹⁵ Ibo zhakpa ẹnẹ zhẹ kpẹ zhẹ mu ẹwhẹ hẹ wha. Wha whẹ hẹ ibo nẹ dugu mha zhe egua unyeyo. Azhofẹ ezhizha kpezhe wha ẹzhakpa.