¹ Na zi ẹfuẹ wa Kristi ọfuẹzẹ ni ma wa, ziza tara u kpa wẹ wẹ u kẹkẹ họli zọ ẹwẹlẹgẹ ẹ uyala ẹni lia ramazi ugbọ lu wẹ. ² Yẹhẹ mẹ pọlu mẹ wẹ, ukẹ zẹ gbẹ wẹ ya wa zẹ Kristi ọ yhanẹ ẹsọ jọọ nọ gbẹ ẹgbẹ wẹ riẹ. ³ Mẹ jẹri na zi ibọ za kpa ni ya wazẹ u kpa ki i zọzọ ọfi ọza kpa . ⁴ E chi ni wẹ gbẹ ẹgbẹ Kristi shẹ hẹ, wẹ yiọ nọ kọzi ẹli zọzọ ọfi ẹnẹ u mẹ fuẹ wa, wa kẹ miẹ iyẹmi lẹ ọfẹ, ⁵ Cha ukpatẹ u ẹyiẹyọ ẹgwa ẹmi, ni ma hẹ gbẹ za kpa kwẹ afuẹma. ⁶ Egbẹ Ijẹsu Kristi awazẹ nọ yiọ, ọyọn wazẹ ọyọ; ọfẹkọfẹ niri, ẹyiẹyọ zọ aduguẹgbẹ kpa na mẹ iri. ⁷ Uri ẹzẹzọ, ọyọ nọ chiẹ i wẹ gbẹ ẹgbẹ ata shẹ hẹ. ⁸ Eviẹ ina ẹnọ, igbẹ ọbọ ọyọn nọ gwẹ wẹ zi. ⁹ Ema ni kẹkẹ na sọ ẹgbẹ akara i ki mu ẹza kpa. ¹⁰ Mi yiẹ Oshọkọzẹh yiọ kpẹ i ku wẹwẹ wẹ kọ zi ugu fa; ọyiọkọyiọ nọ zọzi wa wọọ na ruzu ẹkwiyọ ma Oshọkọzẹh ọyiọ kọyiọ nọ ri. ¹¹ Ewẹmẹ, ọkiriki mi zi gba wẹ ugu awa zẹ ẹnẹ zi na zẹ sọ ilọ uwọ zọ mọ? ẹgbẹ unẹ ọ ọyiọ ki gbẹ agbẹlẹbu tuna. ¹² Egbẹ ibọ zakpa bikẹ wẹ ẹgbẹ wana ilọ, ọri ki ẹnẹ kpa ẹlẹ jẹ gbẹ ya uzi ukuyẹ. ¹³ Agwẹ wa zọ ẹgbẹ ọminira, ẹwẹmẹ; wa kẹ ha ọminira ọnọ ri ugu ẹgbẹ kpa, ẹgbẹ uguda ma lẹ fọzẹ gbẹ ubọ. ¹⁴ Ofi ọza kpa, okpa na ri zi ikama akọli ana kpa, wẹ dugu ọyọn ọwẹvẹ ẹlẹ ẹgbẹ wẹ. ¹⁵ Uki nọmi ọyiọ wa ha nẹ ẹgbẹ wana rẹ; lẹ yẹ asha ki kọ ọyọn ọfa ma ku wẹwẹ rẹ ¹⁶ Mẹmẹ wẹ hẹ ni wẹkpẹ lẹ cha ulu cha lu ẹmi uku wa ha ẹgwẹ ẹgbẹ ria kaya gbẹ. ¹⁷ Ugu damu ẹgbẹ, ẹyana tọ zu gu da mu ẹmi ugu da mu ẹmi ilọ nọ di zọ uguda mu ẹmi ẹgwẹ vava hẹ nọ iri ukpa, ukpa zi ki wẹ wẹ iri ugu nu ma i wẹ. ¹⁸ Okiriki ẹmimimọ nẹ ka zẹ wọ kpọkpọ, wa ẹ shẹ aba ọfi. ¹⁹ Anana aha akaya ẹgbẹ kazẹ, ẹhẹna, aa fuẹma ọjukọkọrọ (ọyọzaulọẹmiayọ). ²⁰ Elisiwiẹ, ẹmiẹsọ, ilahun, uwhọ, ẹgwuhẹ, alẹfuru, ẹlikẹmasha. ²¹ Alẹhẹgwaọyiọ, ẹma uwọn, ahisuwọn liri ẹ gwẹ ẹgwẹ inọnẹ za kpa, mẹ kinilọ na wẹ, ẹlẹ mi la kilọ na wẹ tẹlẹ, ọyiọ kọyiọ nọ hẹni lẹhẹ na wi nọ, ikọ hi ẹjẹ ẹga Oshọkọzẹh. ²² Utọ isha u ẹmimimọ uguda, utaina, alafia, ishuru, ẹfor, ọyiọnọyẹ, ẹyiẹyọ, ²³ Oyiọnọfọr, ẹnuẹgbẹ, ọyiọ nọ ri ẹgwẹ nọ nẹ za kpa, ọshẹ agwa ọfi. ²⁴ Ibọ zakpa ni ri ẹwi Ijẹsu Kristi nẹ suma agbẹlẹbu ẹgbẹ ya bai ki uguda mu ẹgbẹ ẹzakpa. ²⁵ Ma kẹlẹ shẹ ẹgwa ẹmi, aruẹ ma kẹlẹlẹ sha ọkpọkpọ ọẹmi. ²⁶ Ma kẹ vẹna, ma kẹ sẹ ẹgbẹ uguhẹ, ma kẹ hẹ na gwa ẹgbẹ.