¹ Ewẹmẹ, akẹ bai ọyiọ mu zi ikamẹ wa zia, wawa ni wa zẹ shẹ ẹgwa ẹmi, wa hẹ mi ẹrẹlẹ yiani ọfi ẹgwa azia ẹni fizi shọra wẹwẹ nu yianọ yiọ uki zẹzọ ẹgwa azia ẹlẹ iyọ. ² Wa ruẹ malẹ fọzẹ gbu bọ, ẹnọ ki ọfi ọẹ Kristi. ³ Ki nọ yiọ ki kọ zi ọnọnẹ jẹnẹmi, ẹshẹ ni kọ jẹ mi ka kpa, ọlẹ zẹ ẹgbẹ wọn. ⁴ Kọyiọ kọyiọ ọlẹ akaya aubọ wọ, ẹmi anọ mai vẹna ẹzi ẹgwa ẹgbẹ wọ, iki ẹgbẹ ọyiọ ọfa. ⁵ Oyiọ zuọ nọ swi swa ẹgbẹ wọ. ⁶ Ibọn na ka zẹ akọli a Oshọkọzẹh, kẹnẹ gọọ ẹnuẹ kpẹ ki da nẹ mia na yiẹ na zi ibọ nẹ ka zẹ ya. ⁷ Ukẹ bọ alẹzẹwẹ, ọyiọ ẹhilọ gbẹ Oshọkọzẹh ẹmi kẹ mi nọ yiọ kẹ kọ amẹnọa va. ⁸ Oyiọ kọ yiọ nọ kọ utọ isha u ẹgbẹ nọ ẹgbẹ ẹgwa ẹgbẹ va utọ isha uẹ vu wa ọyiọ nẹ kẹ kọ utọ isha uẹ ẹmi, nọ ẹgbẹ ẹgwa ẹmi va uta isha u ayẹ ai lai lai. ⁹ Wa kẹ bọ ọlẹ mọ mu ma zọ ẹgwa ugu nushẹ mu ri ẹshẹ nẹ shẹ iki jẹ, ma va, iki ma yiọ zi chẹ ma zọ ẹyhi. ¹⁰ Ukpa iya, ẹlẹmẹ kilamiẹ asha, ma ruẹ mẹ liri ugunushẹnẹ na za gba za kpa, kpata chi ibọ ni gbẹ akaya ugwa ukpọ ibọ ni yiẹ yọ. ¹¹ Wa yẹ hẹ iwẹ ni mẹ chiẹ zọ waọ. ¹² Ibọ za kpa nẹ da ki i malẹ kazẹ agbọ kpẹ kẹ nẹni yiẹ ma, ẹnẹ ni shi wa zọ ki wa wazẹ dọdọ ziki alẹ wẹ ki ibọm yiọ ni ri, ni kọyọn zọzẹ ya wo zo agbẹlẹbu awi Kristi. ¹³ Iki bọ na wa zẹ gọọ ni zọzọ ọfi, ẹda ka wa zẹ ya ukpa zi ẹ yanẹ urẹna zu ẹgwa ẹgbẹ. ¹⁴ Ikumẹmẹ miẹ vẹna, ẹvẹna mẹ mẹ zakpa izi ẹgbẹ agbẹlẹbu aọ Oshọkọzẹh ma na Ijẹsu Kristi, ukpa agbẹlẹbu, ẹmika kpa akẹ shọọ, nẹ mai mẹ ẹgwa ugbọlunọ ugwẹ kugwẹ ẹwu gbọlunọ nẹ mai mẹ ni guwa. ¹⁵ U wazẹ nọ iri mi ka kpa, wẹ lọ wazẹ iri ẹmi ka kpa, ẹmi nẹ ri kpataki, ẹni ki ugbọlu fufa. ¹⁶ Ibọ za kpa nẹ cha ulucha lu afuẹma nọ, Alafia bai ukọnọdọ na zẹ ya; na zi ibọ Isrẹali ẹ Oshọkọzẹh. ¹⁷ Gbẹ anana wa ha, ọyọn kọ kpa okẹkẹlẹ na mu zu, asanami a wi Ijẹsu Kristi zọ mẹ ẹgbẹ. ¹⁸ Iyẹmilẹ ọfẹ ẹwi Ijẹsu Kristi izi za kpẹ zẹ ẹmi wẹ, ẹwẹmẹ Amin.