¹ Mẹ wẹ kpẹ ọyọ na jọgun, ẹshẹ kẹshẹ nọ ki ziri ọmọ, ọyatọ zọ uyala, ẹgbẹ unẹ ọ ọnẹ nọ yanu kpo. ² Egbẹ unẹ ọ; ọzi utuzu ọga bai kọ yọnọ yẹ ọyiọ, iẹ jẹ ada ni iya nọ kẹ zọ fizi. ³ I yọkpa nọ, ẹshẹ kumama mẹ ri ọmọ, mẹ ri uyala na zẹ ẹgwẹ u gbọlu nọ. ⁴ Eshẹ nẹẹshẹ i kijẹ Oshọkọzẹh ọ veh ọmọ ọwọ fivi, ọnọ ọyọ za mọ bia, ọnẹ bia ẹgwa ọfi. ⁵ Ori unọ zi kọ ha yana ibọ nẹ shẹ ẹgwa ẹfi zi ki ai gwẹ ku mama nọ ọmọ. ⁶ Tọri ukpa kumama mẹ rini ọmọ, Oshọkọzẹh ọvẹ nẹ ẹmi ọwẹ ọmọ ọwọ ki ẹkazi izi a shọ ọkọmana ẹni ẹgwẹ iya Abba. ⁷ Ubọ iyọ, wẹ kiri uyala, ọmọ ukiri ọkiri ki ọmọ nuri, ku wẹ u ki zi ẹgbẹ ibọ ni a jọgun ẹgbẹ Oshọkọzẹh. ⁸ Egbẹ ẹshẹ nẹ, ẹni ku wa zẹ nẹ zi Oshọkọzẹh, ahawa ri ẹyala na zi ibọ nọ ri kpẹ ki ẹya ni na agbara a wẹ gbẹ, ikia nẹ zẹ Oshọkọzẹh. ⁹ Anana nu ki zia nẹ zẹ Oshọkọzẹh tabi ẹni Oshọkọzẹh ọkẹ nẹ zẹ wẹ nọ kai ẹlẹ nọ ki la ri ki, ukẹ viẹna zẹ ẹmi ni ka pukpa bai ẹni ki ẹyana agbara, i sua ọfẹkọfẹ; ukẹ lẹ da ki, uki liri uyala wa? ¹⁰ Wa nẹ zẹ ọhọnakọ, ku uchi ufafa, kẹ ẹshẹ bai ku ukpọ! ¹¹ Uzua wana u ramẹ, ukpa zi ki akaya ni mi gbẹ ma zẹ wa, ẹki zi ẹri ọfẹ wa. ¹² Mẹ zalọ wa, ibọmẹ, wa ruẹ wa lẹ gbẹ lẹ mẹ, izi ku mẹmẹ mi la gbẹ lẹ wẹ, wa yiọ ri mu gu nu bẹ. ¹³ Akọnọ mi ani ashọ ẹgbẹ, nẹ fa mi ha kọlẹ akọli a Oshọkọzẹh ka zi wa ishọkẹnikẹ. ¹⁴ Egbẹ mẹ i sha wa zọ avẹlẹzẹ, kunẹ kunẹ wa yiọ ruẹ mẹ wa abi wẹ la na zẹ mẹ, ẹwiaunẹ ọnọ wẹ yiẹ mẹ ma ẹgbẹ ẹlẹ agẹli a Oshọkọzẹh tabi ẹlẹ Ijẹsu Kristi ghu ghu. ¹⁵ Kai iyẹmilẹ wa na bai, tọri mẹ jẹnẹri ẹwa na, kpẹ uiria nọnọ wa gẹ ku ilọ wanna fizi wa hana zẹmẹ. ¹⁶ Mi kiri ọfia ọwa na tọri ki mẹ kẹ wẹ atakazi wa. ¹⁷ Ezanẹ ma, kẹnẹnẹ vẹ nẹ wa, ikiẹ kọzi anẹ yẹ nẹ yanẹ zaọọ, ẹlẹ ni lẹ shi wa, wẹ kili zọzọ ya nẹ da. ¹⁸ U yẹma kọ yiọ kẹ zẹma zọ ẹkọzi ẹni yẹ, iki ẹshẹ na kẹ miẹ mẹ kpa nu la i zẹma. ¹⁹ Ibia mẹ ni kẹkẹ, ẹgbẹ wa mẹ ẹlẹmi lai ẹbia na zẹ wa, ka bẹ shẹ ni Kristi ọhọlẹ wa ẹgbẹ. ²⁰ Umai ni mẹ ki mẹ hẹ shẹ a sha nu wa shẹ anana, mẹ viẹ ọhun ọ wana, ugbẹ ni mu nu na zẹ wa. ²¹ Wẹ ka zẹ mẹ, wẹ wọ yiọ nọ da kọ shọ ẹgwa ọfi wa ha lẹ zọ ọfi? ²² Achẹzẹ kẹ kpẹ, Abrahamu ọ yia nẹ ni bia nẹ va ẹnẹ huzẹ, ọjiọ, uyala ọnọ za bia, ọẹva, ọza mọ ni kọri uyala nọ bia. ²³ Ozamọ uyala nọ bia ọjọọ, ẹgwa ẹgbẹ ọẹva ọza mọni kọri uyala nọ bia ẹlẹ nala ri ilẹri zọ ẹkẹ. ²⁴ Ugu i nọ, ikpọkpọ ẹnẹ va nai wẹ zọ, ukpa zi ẹza mẹnẹ va ẹnọ iziza ọ majẹmu ẹnẹ va, ọjọọ, ikamẹ ọgẹgẹ mọ isinai nọ gbẹ zi, ọzia bi bia ẹ uyala, ọnẹ ki Haga. ²⁵ Anana Haga ọziza zẹ ọgẹgẹ mọ Isinai ọnọ shọ Arabia, ọziza na zi Jẹrusalẹmu ẹwa uyala. ²⁶ Jẹrusalẹmu ẹnẹ sha ru, ẹshẹ ẹgwa uyala, onẹ ki ọlọma na. ²⁷ Achiẹ zẹkẹ, lẹtaina, wẹ wẹ ọni kọ bia, viẹ fizi utu hana utaina, wẹ wẹ ọni kọ ru zu, nikọ nọ ma inọma ẹwi la bia, tori ibia ọza mi ọni ẹchiẹzẹ iki ziẹ bu vẹ nọ za na yanẹ. ²⁸ Wawa ẹwẹ mẹ, ẹlẹ isiki, ibia ilẹri. ²⁹ Eshẹ nẹ, ọmọ ẹnẹ bia ẹlẹ ẹgbẹ, ọsui ilahu wazi zọ ọmọ nẹ bia ẹgwa ẹmi iyọ gọọ ni zi mẹ kanana. ³⁰ Enẹ gọn ni Bibẹli ẹwẹ, ku uzamọ uyala bia ọmọ wọ nẹ nẹ, wa ha, ọmọ ọza mọ uyala ọnẹ, ọi zọzi ọmọ ọza mọ ni kọri uyala jẹ ukpa ẹgbẹ ilẹri. ³¹ Tọri ukpa iyọ ni ibọ mẹ, ma yiọ ri ọmọ ọza mọ uyala, ọmọ ọza mọ ni kọ ri uyala ni mẹ ri.