¹ Orara Galatia, ọyọnọ yubi gaga zẹ wa ilọ? ilọ wa na nẹ gbẹ su Ijẹsu Kristi ma a gbẹlẹbu. ² Emi a za kpa ni mẹ da ku mẹ wẹna ubọ wa na kẹ nọ cha ukpati u ọ fi ni wẹ gbẹ yiẹ ẹmi, tabi ahalẹzọ awi ẹyiẹ yọ? ³ Orara wẹ ri? wa bẹrẹ a kaya a wẹ mi vọ, ni wa kẹ ta ku wa kpari ọ zọ ẹgbẹ nẹ kpa. ⁴ Ofẹ ni wa ruzu ẹgwẹ ni bubu, ọki ja ri ki ọfẹ nọ? ⁵ Oyọ nọ hẹẹmimimọ na zẹ wa, ọkili gbẹakaya aọ gbẹlunu ẹha wa na, ẹgwa ọfi nọ, tani ẹyiẹzọ bai ẹyiẹyọ. ⁶ Elẹ ni Abrahamu ọla yi Oshọkọzẹh yọ, ẹnẹ na ha wẹ ki ọyọ nọ fuẹ ma nọ. ⁷ Opọpọ nọ gọọ, wẹ u fọlẹwẹ pẹ, ibo za kpa ni yiẹyọ na gwẹ ni bia Abrahamu. ⁸ Iwẹ nẹ fuẹma, ẹmiẹ kpẹ ki Oshọkọzẹh ọfuẹzẹ kẹ fa, wa cha ukpẹtẹ uẹyiẹyọ awasu a kọli anọ na zi Abrahamu tẹlẹ kpẹ, ẹgbẹ wẹ nẹ gbẹ fuẹzẹ ayazakpa. ⁹ Ukpa iyọ ẹchiẹ biọ ibọ za kpa ni yiẹyọ bai kẹ Abrahamu, iya ẹyiẹyọ. ¹⁰ Ibọ za kpa nọ ha kọ kpazẹ ọfi, ni ulọlọ ushọ ẹya ikhama; iyọ nọ ha chiẹ, ulọlọ na zi bọ za kpa ni ki zọzi akọli azakpa na chiẹ zi iwẹ ẹ ọfi. ¹¹ Anana u họlinima kpẹ, ọyọn kọkpa ọshiọ nọ fuẹ wa, ubọ Oshọkọzẹh chia ukpatẹ ọfi, tọrikpẹ, afuma na ma shiọ chia ukpatẹ u ẹyiẹyọ. ¹² Ofi iki chia ukpatẹ u ẹyiẹyọ, ẹwi anẹ yọnọ ibọ za kpa ni zọzọ ọfi, ni a shiẹ ẹgwa aọfi. ¹³ Kristi ọdẹ ni ma fi ẹgwa ulọlọ u ọfi shẹhẹ tọripẹ ọ ha nẹ gbẹ wọ ri ulọlọ na zẹ ma, ẹlẹ na la chiẹ zẹ kẹ, ulọlọ na zọ yiọ kọ yiọ nọ ki si a wa zi ikama ẹu sha. ¹⁴ Ukpa zi ki ẹyiẹmi lẹ wa Abrahamu i jẹ ibọ ẹfa ẹzakpa nẹ shẹ ẹgbẹ i Ijẹsu Kristi, u kpa ziki ilẹri ẹwi ẹmimimọ izi na ma ẹgwa ẹyiẹyọ a ma na. ¹⁵ Ewẹmẹ, mi zi mẹ kọlẹ ẹlẹ ugbọ; ọyiọ nọ yiọ ẹkẹ kẹ ni na nẹ chivọ, ọfi ọya zọ ikama ẹnẹ vọ; ọwọ kọ kpa ọkẹ za gbọ shẹ tabi ọma ba ọ. ¹⁶ Anana ẹri ni ilẹri ẹnọ na zi Abrahamu bai ọyọ nọ gbẹ ọni ẹyi zi iki a wẹ agbọ, ibọ ni bu kẹ nẹ ugwu nọ wẹ aọyọ ọ nọ kpa ai bia ẹ wẹ ọnẹ ki Kristi. ¹⁷ Anana ugwu mẹ wẹ kunọ, ọfi ọnọ zi kai ukpu 430 waha, uziẹ mẹmẹ zẹ ọfi ọni Oshọkọzẹh ala za waha zi, kọ hẹ gbẹ ofi kuwa. ¹⁸ Okiri ki ọfi uzọzi ẹni na ma Jọgun, ilẹri ẹọ Oshọkọzẹh iki gba akaya kẹniọ, Oshọkọzẹh ọhana zi Abrahamu cha u kpatẹ u ilẹri. ¹⁹ Okiri ri yọ nọ, ẹnẹ kaya ọfi, azanọ fizi tọri ukpa azia yiẹ jẹsẹ ni ọmọ ẹyi ma Abrahamu ọẹzi na zọ ọyọ nẹ ri ilẹri na zẹ, Egẹli nọ ọfi ọnọ kpupa chia ubọ ọyọ ọnọ shọ ẹha. ²⁰ Oyọ nọ shọ ẹha na wẹ nọ, ọvẹ nẹ nọ yiọ nọ kpa, ubọsọki Oshọkọzẹh ọnọ kpa nọ. ²¹ Ofi ọki zọzi ilẹriẹ Oshọkọzẹh wọ, kẹkẹ a kẹ zọ ọfi fizi nọ kiriki ọna ọyọ ugbọlurẹ; afuẹma akia cha ukpatẹ u ọfi zi kanẹ yọ. ²² Iwẹ nẹ fuẹma imu nẹ gwẹ za kpa zọ ikama ẹwa zia Oshọkọzẹh ọri nọ, ziki ilẹri ẹwi ẹfuẹ wa cha ukpatẹ uẹ yi Ijẹsu Kristi yọ, ai mana zi ibọ ni yiẹyọ. ²³ Wyiẹ yọ ilazi, mama ẹzakpa ni ọfi ọmuza timọlẹ ọla jẹsẹ ni ẹyiẹyọ ahẹgbẹ kazẹ. ²⁴ Ka ẹshẹnẹ ọfi ọnu ma jẹsẹ ni Kristi ọzi ọkpa zi ki mẹ i fuẹ wa ẹgba ẹyiẹ yọ amana. ²⁵ Anana ni ẹyiẹyọ ẹzi vọ nọ, ma yọ kẹ shọ ubọ avẹlẹ. ²⁶ Mama ẹza kpa mẹ ri ni ibia Oshọkọzẹh wa cha ukpatẹ u ẹyiọyọ amana na zi Ijẹsu Kristi. ²⁷ Wawa ibọ zakpa na sami na zi ẹgbẹ Kristi, nọ hi Kristi ria cha gagazina. ²⁸ Oyiọ kẹmiẹ ju tabi Giriki, ọyiọ kẹmiẹ uyala tabi ọyiọ kọri uyala, ọyiọ kẹmiẹ ọza tabi ọhọzẹ, wẹ ẹza wẹ kiri ọkpa wa ẹgbẹ Ijẹsu Kristi. ²⁹ Okiriki wẹ ri nọ wi Kristi wẹ ri ibiahi ẹwi Abrahamu, bai ibọ ni a jọgun ilẹri.