¹ Eyi mai ipi ọgbẹhẹ mi la chẹ ma zọ Jẹrusalẹmu ku mẹmẹ kẹ Banabas, mẹ ga mi Titus bai ẹgbẹ mẹ. ² Ilọ na miẹ, ẹnu miẹ wahazi mi ya wasu na zi ibọi Kẹfẹri, mi họ lọ kọli akoli ashiri na zi ibo ẹni ẹya mu lọ, ziki ẹnẹki ikumiẹ zila, abi miẹ zila waha ọfẹ. ³ Oyiọ ha gbara nu Titus ọnọ zọzi mẹ shẹ, nọ ri ọwẹ yala Giriki kpẹ ki a la wa zọ. ⁴ Ibọ ẹrẹ mẹ jọọ, ẹbẹ zia gbẹ hẹ alafia ani ma ya ni zọ ẹgbẹ Ijẹsu Kristi, tọri ikọzi aja ki ẹnini mu ma uyala. ⁵ Ma yọ fuẹzẹgbẹma na za jọ isọmisọmọ tọrikpa ki ẹyiyi akọli ọ Oshọkọzẹh ai zi za kpẹ zẹ ba. ⁶ Ibọ nẹ gwẹ gbẹ ya na mi, Emikẹmi na yanẹ ẹjẹ mika kpa zọ mẹ ilọ, ukpazi kọ Oshọkọzẹh oli ri lọ unẹ zi mẹ wẹ ki Emikẹmi nẹ yanẹ, iri mi kai kpa zọ mọ. ⁷ Eyimiẹni iziamẹ kpẹ ki ajẹ limi ki mẹ lẹ kali akọli aọ Oshọkọzẹh lẹ na zi ibọ ni ko yiọ hẹ wazi, ẹlẹ na la jẹ Pita kọlẹ kọli akọli aọ Oshọkọzẹh lẹ na zi ibọ na wazi. ⁸ Oshọkọzẹh ọnọ gbẹ ẹgbẹ Ipita ẹvuyọ gbakaya na zi bọ nọriki a wa zẹ, nọ gbẹ ẹgbẹ mẹ gọọ gbakaya na zi ibọ nọ riki i yiẹyhọ. ⁹ Eshẹ ni Jamisi, sifas, bai Jọhanu ẹni ziza ẹlẹuka, ẹnẹ miẹ ami gọ Oshọkọsẹh zọniẹ gbẹ ẹshẹ nẹ ni la rua ku mi baẹ Banabas zọ, mẹ la gbẹ lẹ li risi kugbẹ, i yiẹyọ ki mama lẹla uchu ibọ na wazẹ. ¹⁰ Ugu za kpa unẹ wẹhẹma ki, ma kẹ zami ibọ nẹ ru zuwa, ugu gọọ gọọ gọ nu shẹ mọ kọ ni mẹ da ku miliri. ¹¹ Eshẹ ni Sifas ọjẹ, ẹyala ẹwa Antiọch, mẹ wẹ zọ ni ilọ ẹlẹ gọọ nọ la mẹmẹzẹ agbọọ. ¹² Ibọ giọ ila jẹ asha Jamisi, Sifas ọzọzi ibọ ni ki yiẹ yọ rẹmi, ẹshẹ ni ibọ ni zi ọwa ha zi ọ gba ja shẹhẹ, tọri ọlẹ mi ai bọ na wa zi nọ riki i yiẹ yọ. ¹³ Ibọ Iju ẹni ẹkpọ ẹta baọ zọ ilọ mẹ agabagẹbẹ Banabasi gọọ ọshi ok ọkpọkpọ sha zu ilọ mẹ agabagẹbẹ. ¹⁴ Eshẹ mẹ miẹ kpẹ ilẹhẹ ma wẹ ya ẹyana tọ zọ ilẹhẹ ma ibọniyiẹyọ mẹ wẹ kazi Sufas aru ma agbazakpa kpẹ, ọwi ju nuri ani nu hẹnilẹhẹ ai ọfa ani ki yiẹyọ wẹ ha agbara ni ẹfa kpẹ ki li hẹnilẹhẹ ai ọfa ani ki yiẹyọ wẹ ha agbara ni ẹfa kpẹ ki li hẹnilẹhẹ ai bọ Iju. ¹⁵ Mẹ ri ọfa ẹni ẹshọ agwa wa zia, ọwi Ju ni mẹ ri, aja nẹ gbẹ bia kumama. ¹⁶ Oyiọ mẹ ẹyiọ ọnọ jarẹ ẹgbẹ ẹli zọzọ ọfi ka kọ ki ma yiani ẹyiẹ yọ zọ Ijẹsu kristi kumama yiẹ ni ẹ ẹyiẹ yọ zọ ẹgbẹ Ijẹsu Kristi ubọ zi ki ma jarẹ ọgwa ọti, chia ukpatẹ ẹyiẹyọ ma na zọ Ijẹsu Kristi, iki chia ukpatẹ uẹli zọzọ ọfi chai ukpatẹ uẹli zọzọ ọfu, ọyiọ kọ kpa na jara ọshiọ. ¹⁷ Kunẹ kunẹ ẹlẹma la da ku ma jarẹ ẹgbẹ kristi ni ma miẹ kpẹ ibọ azia ni ku mama ri Kristi ẹruzọ ma wa zia nọ? kpatakpata uriabọ. ¹⁸ Okiriki mẹmẹ mi kẹ zẹzẹ riẹ ẹmi ani mi bẹmẹzẹ wa tẹlẹ, ẹ ha kazi kọ giọ aọ azia ni mi ri. ¹⁹ Chia ukpatẹ u ọfi, mi gu wa na zi ofi, ziku mẹ shiọ na zọ Oshọkọzẹh. ²⁰ Asu ku mẹmẹ ma agbẹlẹbu ai Ijẹsu, ọkiri umẹmẹ ni mẹ shiọ ugbọ ka kọ ri ki Ijẹsu Kristi nọ shiọ ugbọ lu mẹ, ẹyiẹ ani mẹ yia ni na zi ọmọ Oshọkọzẹh, ani na kẹ ha mi shiọ ugbọ ọdanu ugu mẹ, ọhalẹ gbẹ bọ na mi. ²¹ Ma za iyẹ milẹ ọfẹ ẹọ Oshọkọzẹh gbọ shẹ, tọri ọkiri ki aẹ miẹ afuẹ ma ẹgbẹ ọfi nọ, ilẹ gu la Ijẹsu ẹri lọ fẹ wa.