¹ Ubohuno, mhẹme, Ipaulu, me riowhẹga Ikiristi Ijesu na whawa ibo nikẹ nẹzhẹ Oyhokose. ² Eholẹmu, ku whe yho, azhofẹ ugbẹmu wa no Oyhokose ohanamu. ³ Nyi Oyhokose ola haholẹ mu, mẹha chẹ ẹguẹ no. Eguẹ atah nẹ vhẹtẹ kẹno, Mẹ shẹo chẹ naiwha. ⁴ Eshẹ we ki kozi ẹguẹ no, atah ẹguẹ Ijesu na vhẹtẹ ẹlẹ holẹ wa, Walẹ miẹ nyi mẹla miẹso. ⁵ Oyhokose oru ogbo kadẹ ẹnẹzẹ atah nogbẹ. Ama, anana, Ehonẹfuẹma ẹkia holẹ ebia Ijesu nẹ ẹmiaru ẹnẹ fuẹma. ⁶ Atah na vhẹtẹ no ki, ibo nikẹ nẹzẹ Oyhokose, iki ri ibo nẹ jukpa ẹnẹ ibo niri ogun zẹ ẹgbẹ, nẹkẹlẹ jukpa zo ẹgua Ijesu owhẹ zẹkẹ cha uyhomunuyhemi. ⁷ Miki ri evuyho Uyhomu nuyhemi no, cha ẹkpupa moni ni gbakaya. ⁸ Nu mhẹmẹ, amano, mhẹmẹ ko ovuleyhi egbẹ ibo Oyhokose nẹ fuema - azhofe ano, ahazo, ka ha whu uyho na ibo nikẹ nẹzẹ Oyhokose ẹgua nigbima ẹwi Ijusu niko onyo ohẹ nẹzẹzẹ, ⁹ akẹlẹ hi kwea na kokonyo ekozi - ẹguẹ nẹvhẹtẹ akaadẹ ẹwẹ Oyhokose, Onoma kemi kemi. ¹⁰ Ekozi ano Oyhokose oda ko hi Ishoshi hakazẹ ẹho nẹ ma, kẹlẹ ẹkpukpa me nizi ẹhan orere, ẹhẹnẹzẹ ẹfẹ kẹ ẹfẹ ugbo umiah mo Oyhokose. ¹¹ Uno nuria, chai ekozi ugbo pere pere no Oyhokose ozaria chai Ikiristi Ijesu ono yhanẹ ma. ¹² Cha egua Ikiristi ma yhanẹ ahun kẹlẹkẹ ku ukpa nuziza, ubohi uyheyho mu ma zonio. ¹³ Ubohunẹo, mẹ whẹhẹ wa ku whe ki ka memeze egua a, ubohẹ ayan ni mẹ cha nawa, ẹnẹ niyheri ẹlagẹdẹ nawa. ¹⁴ Ubohuguno, mẹ kwi ikpo mẹ na Iyha. ¹⁵ Cha ubo onyo nẹ afẹ ku ugbo igbe re nene. ¹⁶ Mi vhinai ko olẹ ha asha zo nawa, cha elagede ẹnẹ elakpayhe ani, onawa izhuma ẹnẹ ẹkpukpa cha egua Ehoni, no ziwao. ¹⁷ Mi vhinai ki Ikiristi ulẹ shẹ uulo wa cha eyheyho, ẹnẹ ite kẹlẹ ki uguda nu pẹkẹ, ¹⁸ Ubokẹ ẹhẹ holẹwa ẹnẹ ibo Oyhokose nẹ fuema, nyi ẹla gbada, uzheli, uhan, kẹlẹ ku urimi, ¹⁹ Akẹlẹ nẹzẹ ogudamu Ikiristi, nẹ havẹ nẹ anẹzẹ, ubo ku hanabo yhanẹ omolomo Oyhokose. ²⁰ Anana, na onyo no hiriavhẹnẹ aja mahabo vhinai kẹlẹ ki mehi siko egua je, cha ekpukpa mẹ woni, ni gbugbo ma gbakayha, ²¹ ẹlẹgadẹ na mi zo egua Ishoshi kẹlẹ na egua Ikiristi Ijesu na uhena muu zhakpa pere pere je pere. Nyono.