¹ Kẹlẹ nuwawa, we gua zo egua Ozho kẹlẹ ki asia. Wa lẹ chao, nyi ugbo anana, wa hena. ² We heni le na ekpukpa mẹnẹ ma, nizi ẹhaorere ẹho nẹma ugbo ibo ni ria e yhezo. ³ Ehan ibo no mali hena eshejo, mahẹ egue nebe nẹ egbe da lẹ kakhe,maleke za egue da liria. cha nyi meri hena, ebia ne keufa mẹri, nyi ugbo zakpa nukpo egbe. ⁴ Amano oyiokhose omonu ukonodo ubouguda no ha dugun ma. ⁵ Eba ha gua no ozho ohazo, ohame heni kugbe zo egua ikrisiti - cha azhofe naha yhanau zo. ⁶ Oyiokhose ozhaheme ni ijesu vhahazi. ⁷ Uboki ugbo nuki uboki habo hakazema nyi elakpayhie azhofẹ alagẹdẹ, je ni konyo ⁸ Azhofẹ na ha yhanauzo, cha eyheyho, aku whẹwẹ unẹzẹẹri, ẹnahẹ Oyhokose no, ⁹ iki ubo ha akaya, iboki onyo ko gun okika vhẹna. ¹⁰ Ibo akayan Oyhokose meri, amama chaẹ egua Ikiristi Ijesu kume li ri ẹguẹ ni yhani, nyi Oyhokose ola mamazẹ. Kaẹshẹ nẹkpẹlẹ nama, ubo ku mehili zhoza. ¹¹ Wazana, ẹshẹjoho, ibo nike nẹzhẹ Oyhokose we ri zho egua ẹgbẹ. ''Awhazẹ" nalẹ guẹ wa, cha emia nalẹguẹ "Awhaze" zho egua ẹgbẹ emia na hubo ogbona. ¹² Kaẹ bajo nyi ala chiwa gbe ẹgbẹ Ijesu shee, Whaibo Israeli we riogun, ẹfa weri zo ẹguẹ na wẹzẹkẹ, wa yhanẹ ehoiti kẹlẹ ko Oyhokose zho ugbonuzakpa. ¹³ Ama chaẹ egua IKristi Ijesu, wawa nuwa ẹshẹ joho zheli zo Oyhokose O, ẹkẹ zhawa shẹhina bahoni, cha aza Ikiristi. ¹⁴ Onẹku uviali mu ma, okẹ hẹ ẹvava riogun a, cha eguẹ ẹgbẹ onemeze uka ifimia a, ni kemi ma. ¹⁵ Eguẹ no ogba ozina, owhulu ziza, oba ko hẹhẹ efẹ vava riogun nẹ ẹgbẹ oni, ubo ku uviah uhẹ shẹwo. ¹⁶ Ikiristi, okwi ibo vhava gbe riogun na ẹgbẹ Oyhokose cha usha uzun, aja no gbe ifimia a. ¹⁷ Ijesu ozhi owhẹ uyhomuniyhemi uwhu uviah na wawa niwelezi zonio kẹlẹ na ibo nẹ bahoni. ¹⁸ Cha egua Ijesu ibo ovava igbe riogun jukpa zo egua ẹho Oyhokose. ¹⁹ Obohunẹo, wawa ni kuwa nẹzẹ Oyhokose, we ki ri ẹfa ni ibo ni zheli. Eyha ano, we ki riogun egbe ibo nẹ fuema Oyhokose, kẹlẹ kẹ ẹgbẹ ibo ukpo Oyhiokose. ²⁰ Nyi ukpo, ahẹ ebia eyhimani Ijesu kẹlẹ kẹ emiaru pẹkẹ uma muwa, Ikiristi Ijesu onẹkẹ urumẹgbẹ nuwhulu ukpo mua. ²¹ Cha egua ni, nẹ ẹgbẹ Ukpo egbe riogun nẹ shẹshẹzo nyi aja negbe zha ikhama na fuema zo egua Oyhanẹ. ²² Cha egue ni, ẹnẹ egbe mawa kugbe nyi aja no Oyhokose Owẹ ẹho ohili hẹna.