¹ Nezhu no khe eshe uvuleyi eshe nezho ele sheo. ² Ulugbo ekhale dugu egbeja, uguda mikhiya, uvehna, azhahegbe, ememe zhina,eyezho ne iya nole, onyo heueo onyo riyemi, kele khe afuema. ³ Akhi yayane uguda khe lekhe ahashuzho, aikhi ele memo zho ibukha, akhi aya ne ewu lu egbe. Eayane eguabe, Ichiezhe emia ne yemi. ⁴ Ieri ibone wheheonyo a, ibone zhozhe ibo ne vehna, ibo ne dugu egbe vene uguda mu Oyiokhose. ⁵ Iehene iyin ibo nenezhe Oyiokhose, Chei zhe ekpukpa me Oyiokhose. Khiein ibo iyo kpa eyi. ⁶ Ejo eja ehozhe ne hule ukpo ugbo iyine ezha me nekhe nezhe ugue. Eno khe ezhamene hazhiya megbe ahe gue ne bu eni mahi eja sua eja waha. ⁷ Ibo ezhane ewiyo pere izhozhi exhazhe me fafa, ikhikhi zhozhi ata. ⁸ Ibo nekhaze no iwahazhi zho atao iyin Ijannesi kelekhe Ijambresi ila wahazhi zho Imosesi o. Eyane egua nechiezhe khele khu yomu ni khu riate gba. ⁹ Akhi habo miema zharu ibo adezhini kho onyo kho onyo o anezhe ibo ururuna me iyin niri, iyin Ijannesi kele khe Ijambresi. ¹⁰ Nuwewe, Itimoti, unezhegue nime kha zhe, khi iyin meri hana, khe mia nimi khua ugbono. Unezhe uyine yo muma, khe jugue ame, khu gudamu me khe yin ehe ugue zhe gbe ame. ¹¹ Unezhe abiama khele khi zhu ni iyin me ehegbe yine. Unezhe egua ubia ma ne mi gbo Antioki, Iconiumu kelekhi Ilistra chia- Oyiokhose oyana mu chue ezhakpa. ¹² Onyo onyo no khe heni ugbo Oyiokhose zho gua Ikristi Ijesu oaruzu ne biama. ¹³ Ibo be kele khi ibone shi onyo uo zhe gbe iyie gbu ugube zhe zhu memia ezho ishi iuka okpokpo kele ke gbe eja okpokpo. ¹⁴ Ama nuwewe zhizha zhe gue enu wezhi na nu yino yo ezhezho, ukhe khe nezhe khu e hena ibo ne kha zheu. ¹⁵ Kha bu mukha negbe khazhe u akhale a Oyiokhose, aekhe khe na u uria mu nu ha eyine ufue ya mu nu zhi chiae a hena Ikristi Ijesu. ¹⁶ Akho le a Oyiokhose azha kpa ahu le ma Oyiokhose no ekhikhi yemi nae kha zhe ma emi ane ri ata akeke rue ma ekhazhe ma iyin yie gbe zhi gbo ma ekhaze ma iyin ala ri ugunu chia eshe me khe ri memezhe a ekele khazhe ma iyin ala riugu nu chai. ¹⁷ Oyiokhoseoha rie okhile he zhazhe ibo one ma iha gbe akha yan ane yemi.