¹ Me zhale u aru awi Oyiokhose kele ki Ikriati Ijesu, ono agalie iyo me ibo ni hena kele ki ibo ni guavho okha hegbe khaze no ahilakpayhe awoni su eke: ² Le we akhole a Oyiokhose; le zhema khori khe sheme elogbe keloegbe wgbe khu egbe zho khozhe, uwe he onyo ugunori khu ye gbe, ukhele kpehe ibo me ubo chiae ekhazheme ni yhemi. ³ Eshe izhi nikha khulugbo lahale zho ezha khaze me yemi kemizho. Leli zhozhi emiane gua jada ekele daino ibomia wehe je egue nada khe zho eja iliyo. ⁴ Iye chiezhe ata eyela ikhu egue alezhe. ⁵ Wewe uyani egua na fun chai ikhama khemi khemi. Ukhe vhu zhua euzhu na oyane. Gbakhayan owehe ibo ukha uyomu nuyemi; ugba khayan enehe me ni Oyiokhose oha nau. ⁶ Nu meme mehu gbo me zhekhe iyin uvie na Oyiokhose vho. Eshe elegu arue ishie no zhi vho. ⁷ Migbe ne igbe name ni yhemi vho, mu vhozhi eyela me ne vho, mizhi egua awe eria. ⁸ Anana eso ekhe he mu ade auez ri ugu nu chia, eni oyane, ono galie iyome ne fuema oha na mu ada ukha mia zhi moni. Eso ne akhi nu meme kpa, ne ni ewan ne hugunda khehi uzhi moni. ⁹ Itimoti, agua guau tu ha khi emia zhi. ¹⁰ Idemasi onu mu zho odugu gbo no alale Itesalonica. Icrecensi alale igalatia, Ititusi olale Idalmatia. ¹¹ Iluku kpa ozhi ana daino Imaku uzha ni bae gbe zhi ubo kho oyemi na mu zhe gua akayan no. ¹² Itychicusi mi vhe lali Ephesusi. ¹³ Ukhi zhi, mie he khi zha Icostu eni me rue zho ni Icarpusi zhi chi Itroasi. Zha iwe eme zhi, egbe gbe Ipeper eme. ¹⁴ Alexander ono riehe Kopper ori mu egue nekhiye, Oyiokhose oagalie iyo moni zhu gu nori. ¹⁵ Bamulo, whulegbe uboni, osilo iyho zho akhala ma. ¹⁶ Nyi usukhusu na zha mu zhe aruma onyo gahe uyo, kho onyo khogu ozho no chezemu. ¹⁷ Oyiokhose ozhi zha pazhemu ona he mu ekpukpa ubo ikhu me he me uyo mu nu yhemi zhezhe ni bo ni si Oyiokhose ukha ihi yo. Aokhe le yana mu gbehe elegu shehe. ¹⁸ Iyo, oyana oayana mu gbehe ubo ibo be ezhapa shehs ozha mu je kha be elakpayhe aferi. Elakpayhe azha kpa no Oyiokose. Amen. ¹⁹ Whehe Ipriscillia, Aquilia, khele khi ibo ukpo Onesiphorusi. ²⁰ Erastusi ozhi zhi Ikorinti, ama Trophimusi oyemi gbe mi ruoni zhi Imeletusi. ²¹ Rue umiehe khu je ana vho ola je eba osho. Eubulusi owe me le whehe wo iyo khe Ipudensi, Ilinusi, Iclaudia, khe ewe whe ne huzhe kele khe nezha me zhakpa. ²² Oyiokhose ozhizha kpezhe eho we khe azhofe awoni ezhizha kpezhe uwawha ezhakpa.