¹ Ubouneyo wewe omo me kpukpa zhe gua azhofe ni zhi egua Ijesu. ² Egue nu gbu nu me yo ehan ozali eni bu, ha le ibo ne we niria ubo kenehabo khazhe kibu kha. ³ Rumu ruzhu nyin onyo ilahunma Ijesu ono yhemi. ⁴ Onyo mie onyo ilahun mo no hi gbakayan okhi ti egebe zhe gue ugbo no, ono hi eri ugu nu yhemi zhi lo onyo no joni. ⁵ Kele khe onyo no eyela ikho onyo ahe wu ewazho ni ikho zhizhi ogba gbe. ⁶ Iriu gbegbe khe onyo no yume no gba khayan ezhezho osha yie upa akhanyo woni. ⁷ Sikozhi egua zhu gu ni me whe no, Oyhane o anewu ahole mae egue zhakpa. ⁸ Zha ni Ijesu, outo Idevidi ono vhaha elegu zhi. Eno khu yhemu Oyiokhose ni me whe. ⁹ Ene miha ruzhu nu ega iyin onyo gbo onyo. ¹⁰ Ubo une yo, me ruzhu ne gue zhakpa ni bo naje, ubo khi khe ne eheyhane ufue ya me ni zhi egua Ikiristi Ijesu, bae elakpayhe pere pere. ¹¹ Akole na he heinna kha no ikhu ma ruo ni gua ma khe le a ruo ni heni. ¹² Ikhu ma khe chiae gue ne kpukpa, ma ruo ni ma. Akhu me chiezhe oni, kho ne oe chizhe ma. ¹³ Ihku ma whe nikhu meri, oni gboni oweh oria, ohi chiezhe egeb oni. ¹⁴ Zhamazhe kho onyo onyo kho onyo egue no. Shi eja uzho zhikhama aya nunu zhe gue akhole, iri yemi khe gu gbe, ezehkhi memezhe ibo ne hale zho a. ¹⁵ Kpukpa zhe gbe uzhe gbe me zha ru ma Oyiokhose iyin onyo no wee kho ri yemi, onyo no gba kha yan ni kho emu kha ono khazhe akhu le ata ezhe zho. ¹⁶ Chiezeh akho le awo guagua ne hau eheni iyin onyo ni kho nezhe Oyiokhose. ¹⁷ Akhole aweja agbai na zho iyin ilakhuma naredo egbe. Egbe ja khi Ihymenaeusi kele khi Philetusi. ¹⁸ Ene raminaa gbe atha shehe. Ewhe khe urhaha zhi gbe legu shehe uria vha, imeme zhe uyheyho me wibojo a. ¹⁹ Efuna, aha sue khe ewo Oyiokhose izhi zha. Emiana chie zho kha no Oyhane onezhe eni ri ewoni a onyo kho onyo na kee he nana a Oyhane ne egue oeyila ne egu ebe. ²⁰ Afe ana gede akhe gba ewi golu khi siliva kpa esho. Isua na he isha khele ke amateh riehe izhio. Ejo oni ahari emi a ne kho zhi zho, ejo aha ri emia kho onyo kho zhi zho. ²¹ Ikho onyo khe he gbe oni fuzhu egbe oni ema oeri ugba ne khozhi zho azha mi zhe fe oyana oha ni egbe kha yan azha zho ne ma na khayan ne yemi azha kpa. ²² Yhilana emi khe mi na whelezhe egbe zho nyin ovhala. Khu kua mu fuema, uyineyo, uguda, khu via bahe ibo ne he gua na fuema gue Oyhane. ²³ Ama chiezhe ivinai mẹu ururuna kele kanezheje. Unẹ khẹnọ ni biahi ayhanunu. ²⁴ Evuyho ma Oyiokhose irugbegbe kọ si yho. Eyhano, irugbegbe kofo zhọ kokonyo ọ, ohabo le khazhe, ukule yhane ezhegbe zho. ²⁵ Oahegufo lekhazhe ibo ni vhahazhi zho nio. Oyiokhose oehegu vue neja zha nezhe mata. ²⁶ Ekhe heteshe gbe efue otu owhe su, eshe neriki omu eja uyada khi li ri emiemi nokhe da.