¹ Ipaulu, oni Ijesu ogue chai ekhozhi ma Oyiokhose,Nyin egue na whe ewu gbo ni zhwgua Ijesu, ² Ni Itimoti, omo uguda: Azhofe, ukhondo, khu via munu gbi chi Oyiokhose iytha zhi khelekhi Ijesu Oyhane. ³ Me whehe Oyiokhose ogbo, oni mi sia gbi chi ewi iya, cha egua nafue ma, Iyi mizhi ri zhana wa iwi nahi eme ishozha kpa khowa-zhu khousha. ⁴ Nyin mila zhana evie wa,imahemu khu me mie wa, ubo khu me he mo nutana. ⁵ Azhamazhemu ugu egbu uyheyho mu we, eni sha sho ugbo ololowe iloisi kele ikho olowe iynisi, aeholeh mu khe ihene khu gbo we. ⁶ Ubo uno mi ha zhamazhe ukhu zhezhe eya ewe nahe me Oyiokhose eni zhi uo chia ubo ni mi ha zho wegbe. ⁷ Oyiokhose ohe hu uzhua na ma gbe, ama ewe kpukpa kuguda kele khu yehe. ⁸ Ubo une ukhimu ykha ewo zhali ewu ugu Oyane khu meme, Ipaulu, owe egha ni eyano, jukpa zho aru zhua ne uyho mo Oyiokhose. ⁹ Oyiokhose oyhane ma ogue ma ugue mu fuema. Oriuno, ikhi yin akaya ma, ama chai ekhozima oni kha azhofe ohe gue no nama chai Ichristi Ijesu eshelatezhina. ¹⁰ Anana ewuehe ufueya mo Oyiokhose yha chie ahegbe khazhe ma wi oyana Ikristi Ijesu. Ikristi ohe ogba gba elegu ozhu gbo niku voh vhu nokpa chie uyho me Oyiokhose. ¹¹ Ubo uno, ajemu oyono hee uyo me Oyiokhose oni Ijesu ogue kele kho okhazhe. ¹² Ubo uno me ruzhu negue no. Ama ukha mumuh gbe meme nezhe onyo me yhe yho. Ehole mu khe ohe gagazhe emia ni mi ha le oniu bo zhe je adane. ¹³ Ha gbe ri ekhazhe me ni zho enu gbu bo me yo yi, kele khu yine, yo khu guda eni zhi agua Ijesu. ¹⁴ Egue niyemi eni Oyhiokhose oha le ubo, gagazhe chie eho nefuema, no sho mao. ¹⁵ Une zho uno, kene zhakpa ne sho Asia ikie nua meyi. Egbe ja khe Phygelus khe Hermogenes. ¹⁶ Oyiokhose ole hukhu nodo no ukpo whe Onesiphoprus, isho zhakpa ole gbe he mu ukha ega eme imu oni gbe. ¹⁷ Eyia no, eshe oshi Iromu, okuegbe zho da uno mu okhekhe mie mu. ¹⁸ Oyhane ole ruee omiukhu nodo ni ada ma. Ikpokpo ezha kpa no gbe pae mu bo wa nezhe ezhezho.