¹ Anana, Eho Oyiokose ẹwhẹ funa, kẹ ẹshẹ ovuleyhi Ibojoọ nye che eyhi zo eyheyho, ẹkẹ halẹ ẹzo lẹ na ẹho alẹzẹ kẹlẹ kẹ akazẹ mẹ ẹho nẹbẹ. ² Cha ẹrẹ awẹ, onyo ri, egua ẹja eghu a vo. ³ Ẹgọọ ka lẹ yhanina, ẹkẹ whẹ ugbo ili cheze emiaria no Oyhokose oma, ni yhemi kẹ ibo ni yheyho nẹ nẹzẹ atah hẹdhi mogbo yhe. ⁴ kemi kemi no Oyhokose ọma ni yhemi. Iyhemni kẹ cheze emia kagun na cha abọ uzha jemaọ. ⁵ Ubọki akọlẹ Oyhokose ẹnẹ adiilo Oyhokose ahani fuẹma vo. ⁶ Wa kẹ za eguẹ nọ da ẹwhẹ nẹ họzẹ waẹ, we ri evusho awi Ijesu no yhemi. Akolẹ anu uyheyho kẹlẹ kẹ ẹkhazẹ ẹni yhemi we zhoza, ẹnẹ hi we riehenazọ. ⁷ Ama we cheze ẹkha ẹwuugbọnọ nẹ ezhamẹ rio ẹtanazẹ, eyhanọ, wa whẹzina nyi na la heni no Oyhokose. ⁸ IKalẹ pupkazẹ ẹgbẹ ẹẹsọ ẹkaẹ nọ, ama elihena nyi Oyhokose orida ẹẹsọ nibuno, na ugbo anana kẹlẹ ku ugbo nuzi. ⁹ kọlanẹ ẹri ẹmia na hẹna ẹzhanọ ẹkili yhẹnri kẹ yhẹ ọzakpabi. ¹⁰ Ubọhunọ ma yhana asha zumazi ẹgbe gbaka aya. Ehẹ mẹ ma, izi ugbọ zakpa ,kẹlẹ kẹ ẹni yhoniyhọ. ¹¹ Lẹ fiamẹzẹ ẹgue nẹ nọ ukulẹ ẹ ẹguẹ nọ. Ukẹ ruẹ onyọ ọhi ilọ gbẹ ẹlavala mẹwhẹ. ¹² Eyhaẹnọ, ri ẹgbẹhẹri na ibọ ni yhẹyhọ, ẹha akọlẹ ẹlẹhẹ uguda, awẹ ẹri ẹnu ufuẹma. ¹³ Kabẹ ẹshẹ mikẹzi, waha asha zọ ọkọzii, afazẹ ẹgua, kẹlẹ ki amazẹ. ¹⁴ Uki ka hi ilọ gbẹ ẹnaẹ nọ ziwọ, ẹna hanau cha awhẹzaru, nẹ ahubọ kpazẹ ibọ ẹriọ. ¹⁵ Waz zi ilọ lẹ gbẹhẹ ẹgue nọ. Wa shọ ẹgua ni, ubọki ẹriẹnazọ awa ẹhi ria zọ, ugbọzakpa ilọ. ¹⁶ Wẹ gbaakọ zhilọ lẹ gbẹhẹ ẹgbẹwa kẹlẹ na ẹkazẹ. Wa lẹ shẹ ẹguẹ saa. wẹ ki riọliria, wa yhana ẹgbẹwazọ kẹlẹ ki ibọ nẹ hẹlẹzọ zọwaọ.