¹ Ukẹ hẹ ẹhua kọlẹ zọ ọriọ ọ eyhaọnọ, yhehe nani nyi ki iya wẹ nọ. Hu ufọ ruẹ ẹvala kọlẹ nyi ẹwhẹ wẹ nẹ ẹhọzẹ. ² Ezamẹriọ nyi ẹlọ, kẹlẹ ki ibiẹza nyi ẹwhẹ ẹnẹ ẹzha, cha ẹmufun ẹzkpa. ³ kozi ezhame uwho zo ke ni ja ri euwho atah. ⁴ Ama, ozamuwho okeyhane ebia ke ebia-ebia, isha vhezina nyi ala yhehenana kabo afe. Erie khiemia na enibieja, inoni iyhemi zi ilo oyiokhose. ⁵ Ama, ooza nojari ozamuwho afah neja cheze onekpazo, ekene oni izi iuno oyokhose, olale da ilo oyokhose me evhinanim saa, ko was asun ko uwusha. ⁶ Eyhimaeno, onyo oozha no hena na egueegbe ogua to, oka hena. ⁷ He egua no la yae ji izhe, eriki ethane asike. ⁸ Ama ikonyo ri enhoni ezho, ala ewe ibo ukponi okheze uyheyho, ala merri gene onyo koni ni yheyho. ⁹ Areu onyo oozha nal pahubo nyi oruwho okika peiza gene omo ikpe agbalasa, ozhamo ohoze Ogun. ¹⁰ Anaze oni leso onyo no ri ogunuyhemi, ori onyo no habo gbe ebia,nake, ori elafu ne efa, nake hu ugunda khaze ibo ne fuema oyiokhose, nake, ofoze ibo ne miugue ubo, nake, ohe egbe zhakpa gbakaya ne yhemi. ¹¹ Ama, na eruwho evala we kika kozi eja bahe ibo na pahubo. Ebane nia he egbe ne egue egbe niki Ikrisiti oda, elae dahino uyhaina . ¹² Uulo eja uke baheke, uboike ,ela egue ne we ze eke zhaze. ¹³ Iyopa ne lakele ya uhezina elale kele ke, ekwemina chai ikpi-kpo. Ama eke elale po ni rio, ekele kole akole nika cha, ikili ria oyeme yeme, ele whe egue niki iyhemi ke whe. ¹⁴ Ubohune o, meda ke ibo ozhee me ni pepe eyhane ohoze, ili bialo, ele gagaze ukpo eja, ubohi ika la asha zo ne efia ili memeze nia. ¹⁵ Ejo e ja iezhabana vo, etazo efe eshu vo. ¹⁶ Ika ke mie onyo oozha noyane eruwho, ole pahe eja ubo, ubo ki ishoshi ikika swiswa taa, kene hele pahu ibo nija ri eruwho ata ubo. ¹⁷ Arue erio ne mayhema ahe umamazi era kozi eje zo, ibo ne he akole gbakaya kele ke ekazhe, nie yheva. ¹⁸ Akolẹ Oyhikose awhẹ, ''uki zu-unu ala ne bgiize'' ''koonyo akaya, iyhami ko yhe usa, akaya ni''. ¹⁹ Ukikayhe ugunubẹ uwhọriọ na whẹ, cha eyhima ẹzhali ẹva, ²⁰ Shi ebo azia uzho ilo asẹ azakpa, ubọ ki uzua ẹlẹva ibo nẹkpo ²¹ Mi zumazẹgbẹ họ ọgba nọ nawa ilo Oyhokose ki khristi Ijesu, kẹ ẹwa agẹli na jẹ, keli zhozi ọgba nọ, eriki gwe ebita, kẹlẹ kẹ onyo ri ilo onyo. ²² Ẹkẹ tuamina hu ubọ zọ onyo ikhama. uka jukpa zhọ asia onyo ọjọ. Shọ rgua ufuema saa. ²³ Ukẹ whamẹ pa, eyhaanọ,lẹ whọ ẹsẹ awhu ubohi egua whẹ, kẹlẹ kubọhẹ ẹlakun neriau saa. ²⁴ Asia ibo ọjọ amiẹ funazẹ, ọnẹ asẹja naẹ iyhomugaliẹ. Ama, azia ibo ọjọ erivo ẹla funa. ²⁵ Cha okpokpo ọgu ọnẹ, akaya jọọ neyhemi afuna, ama, ka na hẹgbẹ vhẹtẹ ekwenaa.