¹ Akolẹ nahẹ hẹina kanọ: ika mie onyo no da ko nonẹ ori ikhama-ami ilo, akaya ne yhemi noda yo. ² ubohunẹo, ami ilo nohanva, iyhemi ko oyanẹ asi kẹ. iyhemi ko ri ohozẹ ozhamogun. Iyhemi ko yhanẹ umamazhẹ, onẹguẹ, oyhanẹ ubo zo ozugu, okiliri onyo ne liri ẹlafa. Iyhemi ko hanabo lẹ kazhẹ. ³ Oki ri onyo no nẹnazo isua owho, oki ri onyo nosi iyho, ama eyhano, ofoo, olẹ tanazẹ uviah. Iko ri onyo no dani ikiyha. ⁴ Ori onyo no habo whulu ukpo oni ezhezo, okolẹ ruẹ ebiani ili shuuzo, ikili kozoni lẹzho. ⁵ Iki onyo hi whulu ukpo oni gbẹ, kaiyi no le la habo zhi ilo gbẹhẹ Ishoshi awẹ Oyiokose? ⁶ Oki ri onyo no zila yheyho, ubo koki ka lzash ẹẹgbẹ okae ze ri oua nyi eshu. ⁷ Iyhemi ko memeze ẹgbẹa zo ogbolo, okai ze zho uka, kẹlẹ ke etakute ẹwe eshu. ⁸ Nyi gun ẹnẹ, ibo ni ri ikhama ekozẹ ẹja lẹzo, ikiri ibo ni kwuzi iyho. Ikiriibo nẹ whẹẹma ta, kẹ ariava. ⁹ Iwhulu ẹguẹ eyheyho nẹ vhẹtẹ ne kwea mua, cha egua na fun. ¹⁰ Esua yhe ẹja vo, kẹnẹ ẹlaki li gbakaya ne vẹja uboi kẹ izu ẹguẹ ri. ¹¹ Nyigu ẹnẹ, ẹzhamẹjẹ eli kozi ẹja zo, iki ka ri ibo ẹnẹta, ama ẹmama ẹgbẹ, amiẹ ẹja lẹzo ki ri ẹguẹ ẹzakpa nẹ whẹ. ¹² Ibo oohozẹ ni ri ikhama, iyhemi kki ri ohozẹ ozha mo gun. Ehabo kozẹ ẹbia kẹlẹ ki ukpo ezehezo. ¹³ Ni ibo nẹkẹ hi gba akaya yhemi , ẹda no ajaneyhemi nie ziza ẹnẹ ahẹna nagẹdẹ cha uyheyho nu zi egua Ijesu krisiti. ¹⁴ Nyi mila chẹ ẹguẹ no zhowao, Mẹ yanẹ kumẹlẹ cha je wao. ¹⁵ Ama, kunẹ tẹ ẹshẹ ba, Mẹ chẹ ẹguẹ no uboki wa nẹzẹ nyi ala hena ukpo Oyiokose, ni ri Ishoshi Oyiokose ne hena, ukuta nẹ onyo no whulu atah. ¹⁶ Maẹ zagba mahubo zo kẹ ẹguẹ nẹvhẹtẹ ne kwea, ẹwẹ elehe awo Oyiokose, agede.