¹ Ubọhunẹọ, emia eru ugo, ne mahimu nawa kẹ we winai nu ugbozakpa, ko Oyhiokhose okpahẹ jubọ, wa cha eyhi maẹ ja vhinai, wa kẹlẹ whẹhẹ Oyiokose, ọmọ ọgbọ na koko onyo, ² na ẹkpayhẹ, ki ibo ni zi ikhama, mahabọ hu uviah li heni kẹlẹki ugbọ nu fọ chaẹ egua, ehenina oyiokose ẹnẹ iriyhema. ³ Eno iri emia ne yhemi, ne yhe ilo Oyiokose ọnọ yhanamazọ. ⁴ Oda ufuea mukoko onyo kẹlẹ ki anẹzẹ ma atah. ⁵ Ubọhuẹ Oyiokose ogun noziọ, Onyo ọgun no zhalọ nama ẹhan Oyiokose nọ ọgbọ, ọhọzẹ nẹ ki kiristi Ijesu. ⁶ Ọhu ọgbọ ni zhẹ ẹkẹ na ufueyha koko onyo, ẹnọ ko ọzhale noria zọ ẹshẹ nọ cha. ⁷ Ubọhunọ, na jẹmu ri onyo nọ kazẹ kẹlẹ ki evuyho- atah mhẹ whẹ, mẹ pẹẹrẹ - onyo ọkhazẹ ibo Igentiles cha eyheyho anẹ atah. ⁸ Ubohunẹ ọ, mẹ da ki koko onyo vhinai, kẹlẹki awhọlọ abọ ha fuẹma zọ okun eriki ufa nẹ ayhanunu ẹkẹshọọ. ⁹ Cha okpokpo ọgun nẹ, ibo ọọza uyhemi kẹ dẹma ezezoh, ẹnu umamazhẹ kẹ ehulẹ ẹgbẹ, iki eli rie ẹwhu ni zeli nakẹ igolu, nakẹ isunẹ, whichi nakẹ ẹmazi nẹ whichi. ¹⁰ Ama ẹguẹ nẹ cha na ẹzha nẹ ha elehe Oyiokose kazẹ, cha akaya ne yhemi. ¹¹ Onyo ọọza, iyhemi ko kwẹ ẹgbẹ zọ whẹzina kẹlẹ ke fue zẹ ẹgbẹ zọ asakpa. ¹² Mẹ hasha na onyo ọọza ko kazẹ, nako ma lẹ zi ikhama ọọhzẹ, amnọ ọhẹ egua na alo li heni. ¹³ Ubokẹ Adamu esua ma, ala ma ifu. ¹⁴ Iki Adamu alẹzẹ, ama ọnọ ọọza alẹzẹ no ki ri onyo azia a. ¹⁵ Eyhima uneọ, ayhama ọọza cha elebia, izhibo li hena egua uyheyho ẹnẹ ugunda, ẹnẹ afuzẹ onyo ẹma cha egua ne zuma.