¹ Ipaulu,ọgun ẹgbẹ ibia eyhema Ijesu Ikiristi chaẹ ọgba Oyhokhose ọnọ yhanama kẹlẹki Ikiristi Ijesu ukẹhẹ muma, ² Naẹ Itimothy, ọmọ atah zhọ eguaẹ eyheyho, azhofẹ, ukọnọdọ, kẹlẹki Ijesu ono yhanẹma Zi. ³ Nyi mẹ zẹ wẹ ku weliria ẹshẹ mẹ lẹla Imacedonia, ziza Ephesusi ubọ ku họ ọgba kọse ibo nẹ kazhẹ ẹguẹni ria atah. ⁴ IKi kpati halizọ ẹka kẹlẹ kẹ ẹguẹ kaadẹ ni kẹ lẹ. Ẹnọ ẹzha oyhanunu zhi, vẹnẹ ka kpahẹ evuyho oyhiokose ubọ, ẹnọ ki uyheyho umẹh. ⁵ Anana, ọgba ozizha na uguuda nugbe egua nafun fizi, fi eguea neyhimi, kẹlẹ cha eyheyho na funna. ⁶ Ebọjọọ azabana gbe ọguẹnọ shee ẹkẹ hari akọlẹ aọgwua. ⁷ Ẹda kẹ lẹ khazẹ ọgba, amanọ, ẹyhanẹ ahọlẹ ẹguẹ nẹwẹ, kẹ ẹguẹ ni whulu mua. ⁸ Ama ma nẹ ki ọgba oyhemi, ka ha gbakayan cha nyi la yhani. ⁹ Me ri no nẹzẹ, kẹ onyo họ ogba suẹkẹ na onyo nori ogunu cha, ama ozizha na ibo nẹ ta ogba zhazẹ kẹlẹ ki ibo ni ri eyhuzo, kẹlẹ na ibo ni kẹ nẹzẹ oyiokose ẹnẹ ibo azia, kẹlẹ na ibo nikẹ fuẹma, ki ibo no gbi iyha ko olo, ki ibo ni gbo ogbo. ¹⁰ Ki ibo nike ẹfuẹma ni riẹ ẹhẹna, ki ibo ẹhẹna ohozẹ zo ohozẹ, ki ibo ni muugbo ri ẹshala, kẹ ẹwẹrẹ, ki ibo nẹ jẹ ozhali ẹrẹ, kẹlẹkẹ ẹguẹ zakpa nẹ si ilo iyho zo ẹkhazẹ ẹnẹ cha. ¹¹ Ẹguẹ na wẹ no, cha ẹlakpayhẹ ẹwẹ uyhomi nu yhemi uwẹ echehe bao awo oyhiokose naha lenu ubo. ¹² Me whẹhẹ Ijesu Khiristi ọnọ oyhanẹ ma ọkpukpa zẹmu, ọmhẹhẹ ri onyo nọwẹ no ria, ọlahẹ ashọ akaya ugbe namu. ¹³ Mi ri onyo nọ wẹ ku ugu Oyiokose ushọọ, kẹ onyo nọ biamina, kẹlẹ kẹ onyo okpenu. Ama mẹ mẹ ukonodo yhe, ubọku mẹnẹzẹ je mẹha shẹ eyhesho. ¹⁴ Kẹlẹ ka azhofẹ ọnọ Oyanẹ ma ekpa ẹnẹ eyheyho kẹlẹ ki uguda ni zi egua Ijesu Khrisiti. ¹⁵ Uyhomọ, alẹ hẹinaọ, asẹ azakpa eli yhe, ki jesu khiristi ozi ugbọnọ zẹgua ni ibo azia. Mẹmẹ la ri onyo nọ zia va. ¹⁶ Ubọhunọ, na azhọfẹ ejemọ ọ. Namu, nyi onyo nọ zaru, kristi Ijesu, ọhẹhẹ ẹgbẹ kazhẹ cha efuezẹ gbẹ zho. Ohẹnọ ri agbẹheri ni ibo ni yhe yhoniyho, nẹ yha họlẹ ọgbọ pere pere. ¹⁷ Na Okpayhẹ ka adẹ, no hẹna pere pere, ni ki ilo ẹhẹmiẹ, Oyhiokose ọgun, ekozho ni zhọ, ahẹ ẹlakpayhẹ na ni gbi pere pere ji pere, uriọ. ¹⁸ Mẹ họ ọgbanọ zhọ wa aru, Itimothy, ọmọ mẹ, cha ẹwhẹ za aru, na whẹ ẹshẹ jọọ, ubọhu wa, ubọ kuwa ni gbena mẹ ni yhemi, ¹⁹ We whulu uyeyho kẹlẹki egua na fu. Ubohi ucheze ẹguẹnọ, eyeyho eze ibọ ọjọ a. ²⁰ Iboiyọ kẹ, Ihymenaeus kẹlẹ ki Alexanda, ibọ ni mẹha le eshu ubọ, ubokẹ ahẹkazẹja nyi kẹlaye ko onyo lẹwẹ ki ugu Oyhiokose ushọ.