¹ A yakhonm yeshu wakhuro piri minna ti ukh paro minna nih yamba bhonmoh khan pelloh shun khan shakki. khan mannih shellep we ² shakka khayoh bih dikh limim khan bhgah shinyoh tih tahlla you maryamu shomoh magadiliya we shakki perkho khan limin palileuh. ³ khan mamokonih faminm kuza anshurah hiridus khan suzanatu khan mannih meimem bhgah we yelle yakheyoh sharih. ⁴ Khan meimem bhgah shuru khgauna linya shunnu tih watuh pirinih minnah minnah shakki yoh weh kha. ⁵ mannin penyeh waroh yah penyeh tih tahlla wahya shinram manniyoh shunkho tih deh khokho khan tauyoh dunyoh yelle wunlin. ⁶ mannih shunkho tih khun pandi shuna pennah yalle isham ele khun akham ilim. ⁷ mannih shonkho tih ya aliyoh shuna elon alinyoh khauyah. ⁸ mannih shunkho tih khun elih we walla yelle bhuroh shumu yoh aleh amin khun shinkk shinkk we shakki tehkho khishe shonroh elemih shakki tehwih anshillanih mashinko. ⁹ shipbha foknih yelle mahkhenih weneh khikha. ¹⁰ shakki tah kheyoh shinuh mekheyoh piri pennu we tukhanih diyah minnanih yamba khan sharin khikha wenin shuru ewuh yelle a pennom shinkani shunu tah shinllanih yelle pennom. ¹¹ Tih pisheh khikha shiram paro nih yamba. ¹² meweh shinkho khun khokho khikha mewe shinllo paro nih yamba jlim shom. wannah sharin paro tah Losho oyh mashuna kha munh shullin elekhun memeh we yelle shunu amkha we wemillan. ¹³ wekhun pandi memeh we yelle shinllo paro shunu khanwih kha yabhgoh shunnu akhan khan khgunim shunun munkho khullih we shonh wikhulu mapallah veneh yelle khelih. ¹⁴ Meweh shunkho tih tahlla aliyoh meweh yelle shilloh paro weshonh elekho bhgah bhah we khun pepeh khan bhara skakk khan pepeh khekhayoh yelle khanoh yoh manniwe. ¹⁵ meweh yelle penyoh tih khun elim we walla meimem weyelle shinllo paro yelle bhontoh bhgah khan ya losho dok walla shuna diyoh shunu we wushikhi. ¹⁶ A khan tunmoh wiyih lintih shun shomkhna lintin ghanin piri foshoh malirah tih tir linyanih ele khun meyah linyanih yelle maweh fah. ¹⁷ A khan we wetunkhanim ath pentunh a khan tunkhun we wetah pennanim wetah petum wetah diyah pekhillanim. ¹⁸ mebhanoh meih shinllo menyah wekhanwe tah manin mannih mehyah we khan teh wikhulin tah khewanih tih pir shakki. ¹⁹ Mahni khan mamolloni yelle wanah piri shakki shunu a fanoh piri sakki elikhu khgawah kuh, ²⁰ shunnu khan tehni mayanh tahkho kha mamollokho yelle shellanih tih pepe shunu meiji we shinkho. ²¹ shakki dewiyoh mehya shinllo paro yamba mehyah yahni shunu menih nanoh khan mamollonoh. ²² Pallan mannih linyoh ya khgokh kha shinebe foknih shakki teh shun mashunu peroh khomon shihre tunllin shunu elinah. ²³ yelle tih shekki yoh melleh foshoh khan shariyoh dilin wawuh elinna tih tunleh bhgokh yoh khegoh khan aman shun tih tallah shungeh. ²⁴ Shununh waroh ya penrenih shunun tewiw anminna anminna munh munro sahkki penkhro shakki janh wawuh khan hukh amam khan shinhani tih piri khan mellanih. shakki teh shunh matunh bhgamih yelle yoh shewoh khan linyanh ²⁵ shinlla shimu tih tehwanih tih shabir weyeh noh we wawuh tih shinllenih weuh tewanih. ²⁶ We shunu fonah khun elin Garasinawa wakhan shunlla shonwa tih elin Galilin. ²⁷ khan dunllah you tih yakho a shoshi shonllomin shakki adiyin tih minnam diyih tih khun folleh. ²⁸ We shakki wewuh yeshu shakki yoh yahloh khan shunkhani tah dehni shakki shokkhro elenih mannih anmammuh khan khai yeshu lanih yamba anyelshikk neirah demeh kho khero kha munoh veneh. ²⁹ Tekkho khishe ma yeshu ma peroh kha dakh limim ma wusho meyahyeh sha bhgag limim dan bhunnih khan pallanih shakki bhereh khellani limim khahnih we waroh ya shonyoh. ³⁰ Shakki yeshu meinih mashomokhon nih shakki teih zuli elekhu limim yelle bhgah shunu linyoh yatahyih. ³¹ shunu dimimkhenih makhere shakki kha munh fok we munroh. ³² Tih piri mannih bhoreh kholoh tunyuh piri ghal fok ya dunlla pandi shunu dimimkhenih manih piri mashunu linyahtayih. ³³ Shakki meyoh piri. tih pishe limim khan wushon meyah shun hinyoh tunyuk piri ghal fok yelle bhudekho tih yo dunkh shuru shunkho tih ya tunle shunu manro tih ya amam. ³⁴ Meiyah ghal fok tun yuk yeh yelle wewuw weyoh shinyoh dannah yelle tewu fok minna minnah. ³⁵ meimeh yelle pepenah shunnu maninkho we weyoh shunnu piri yeshu yelle wewuh mayah khan limim we wushinkhenih diyah tah dohni yeshu shellanih khan shonlom shakki khan shinkhganih shewuh khan kheshun. ³⁶ Meimeh yoh we tih khun dohyoh shunu khan tehshun we shakki bhadehkho khan anlimim. ³⁷ pip linyah Garasinawa yelle dimekhenih yeshu mashakki wushon shewoh we bhgah khekhe yoh shakki linyoh ghakh shekki. ³⁸ mehyah khan limim shunu bhallo dimikhenih mashunu yoh melleh khan shabir shakki wushekhenih shakki tewih. ³⁹ Moh minnah khan tewih shinram bhureh weh weyamba yoh khekhon shakki waronh tunkh shekki tehwih bhureh weh we yeshu yoh kherih. ⁴⁰ We yeshu mennah khgawan shunu mankhenih dakhna we yonh shunu tih ghonenih. ⁴¹ mannih mehyah shomoh nin yayirus migyah bhureh piri dimah wanah dunkh tah dehniu yeshu shakki dimikhenih mawaroh minnah nih. ⁴² shakki khan dok lawuh khan shenneh khi kha bhomoh khan pelloh mohton tih munroh shakki tih yoh milleh khgawah bhgah tih foyinih. ⁴³ Monnih famim wetekhan shennah bhomon khan pelloh tom tih shah tih shikk mohton bhadekh weshillo roh tih piri meyah wellenih akham linyah we bhadekh kha tom. ⁴⁴ motoh tunkho tih yabinih teh nakho shinkk shollom nih khumon tom shellih. ⁴⁵ Shakki yeshu tewih mannoh nakhe noh, kham meyah bhgah fok bitrus khan meweh yelle kha shabir yelle teh wih anminnah khgawah bhgah shunu tih foyehkho tih nemkho. ⁴⁶ Tih pishe yeshu shakki tehwih nakhenih neh shillo we pennah tih piri neh. ⁴⁷ Tih pishe fomim mohtoh nikho akham tunkhanim teh nenroh khan sholl shikk toh dinkhina tah doh neh tei shuwuh khuro tah doh pip linyah mohtoh tewuh weh teh nakho shinnih khan wetah wekho bhadan pira yoh khumon. ⁴⁸ shakki tehtun lanoh bhgah losho bhadakho kha piray diyah bhgah. ⁴⁹ Shakki tih shikki yoh paroh mannih khan watuh bhureh andima tih minna shakki tewuh lakho yoh munro khere munh veneh tih anshabir. ⁵⁰ shakki yeshu we shillo khishe khan dewanih tih bhure minnah andima mashakki kha yoh shewow mashakki munh khallin maneh mohtoh ta we bhgah shikk. ⁵¹ We shakki fonnah minnah a khun piri manni khan shakkimin shunnun khan Bitruu khan yahaya khan yakubu khan tanhni lafoninnih khan naroh. ⁵² Pip yoh shunun tih yoh khunyih kha yahllo elekhunroh shakki yeshu tewih shunnun ma woshon khunyih mohtoh khan deroh mohtoh tih yoh foshon. ⁵³ yelle yohkhoni shunllo shawanih shunu pennoh teh munhro. ⁵⁴ Shakki we khekho shinlloroh shakki yoh elenih lafomim illoh. ⁵⁵ jilim roh khan pekhgulu khumon teh illoh shakki yoh paro mamundeh woshinah. ⁵⁶ metahroh yelle hiyoh shinllo tih fokyoh shakki jan yoh mashunnu tih mannih weh weyoh.