¹ Khan yabi Yesu bhadoh duklani tih yau dekh memumeh shakki liyoh Kafarnahum. ² Tih pishe yeh shebhe mannih anbhgah wetannih khumih tommonin yoh pirah khe kha tah diya fak mumro. ³ We shakki anbhgau yeh shillo pirshikk Yesu shakki khan shunrah manni meyah bhuna yahudawa tih nih shunnun madimmohni mawatuh bhadeh khan pirah shibhe nih. ⁴ Weyelle fannan pirh Yesu shunnu khandimeh nih khisheh. ⁵ Ele khuh we shakki yahyih khummeh khan linyah shakki weh dekhemun minnah piri dima. ⁶ Shakki Yesu waroh khan shumun shakki pekholoh mimim khan minnah anbhgah khan shurah anmunin tih pirinih mashunuh tewhwuh tamuh mashakki kha munnuh veneh tih khunmin nah foro kokhe khan watuh minnanoh. ⁷ Tih pishe noh ninkho nah foroh fokho khen. Tih pishe noh nukho nah faroh fokho khen neh watuh piri kheih yoh paro kho waneih lanno tah we bhgah ninh. ⁸ Nerah shila mannin an khiyih tih shilanoh manoh tehkho tih tehyeh waroh shakki wannoh manni monah tekho mawatah shakki watuh neih tehwe tih shebnenoh yoh khishe shakki yoh. ⁹ Shakki Yesu shunloh khishe lin shukke tih foknin shakki penkhugulu tehwuh tih khagawan tih binin shakki tih tehmem tih tallah Isa'ila nah weh anbhgah ya losho shinam tehyem. ¹⁰ Meman we shurkhe yoh shunu pehkhalo minna shunu wewwah shebhe khan bhagahnin. ¹¹ A yakhum Yesu waroh mannin piri shomo nayin shinbho fok nih khan bhore khagawan khun yelle warih tih bishabie. ¹² shakki neminah khokha fominnah yohu tih moyeh mannin khumon weyelle saroh shakki doknih tih nannih mannaroh munroh linyah piri bhagh weyelle linnah biroh. ¹³ Shakki tamun wewuh khan montoh ya losho roh shakki tehtah mamatuh wushoh khunyih. ¹⁴ Tih pisheyeh shakki nawuh jaleh ghokhoh yoh yelle shellih shakki Yeshu tohwi layelle nahkhe ellon shakki ellinah. ¹⁵ Khumon elloh yoh deyah dikhoh yoh paro Yeshu shakki munnu tih nannih. ¹⁶ Shewuh khan kheshun pip yelle khan yellk Yamba yelle tih tehwu overyeh anshumrau mungbure shunkho khun tih tallah muh Yamba bhannih linyanin. ¹⁷ Fok paro nihyeh bhallo pip khudin yahudiya khan khgolla toh. ¹⁸ Shubha faknnin Yahaya shunu khan tehnin pip weyeh. ¹⁹ Shakki Yahaya yehro shinbha fokei khun yelle pelloh shakki shunaroyoh tih pip tamuh shunu mameroh khai nahkho anwatan mun lih deh khan mannir. ²⁰ Welinya yelle porokha pir nin yelle tewih Yahaya anbinamin shunamu tih khai mehkho kheneh wutah watun watun, mun lindoh kha mannaih wutun. ²¹ Tih fok shinllah Yeshu bhidukho kha pirah linya bhgah khan pirah piran yoh khan dekh limin andedeulle bhgah munkhayoh ninkha. ²² Shakkih deweh yoh mewaro meh tewah tih Yahaya we meh shinllo khan wemeh wawuh andeulle weyih yapirih ankhulu tih yoh milleh bhadukha khan diro angbokha anbhallah shuniyih khan pinronih lih yah tih meyah khinnin paro nih Yamba. ²³ Wehwalle madeyah tihmeimin weyella ayah shunkhe elekhunnin. ²⁴ Kha yabih we an shunrah nih Yahaya yelle khokho shakki Yeshu dukkho yoh tih khgawah khur paro Yahaya shakki tewih mashun tah hinkho nih, tih yashoyeh wewahwu ta khyanin. ²⁵ Mameih waroh yo nihkho nih, manni anbharoshikk we atamin shunu mehyah bhara shikk khullik meiyah diya khau khun shunu tokho. ²⁶ Mihkho nih mawaroh yahnih anwawh khisheh neih tehkho noh wekho kho anwawh tallih. ²⁷ Tehyeh we fok paro bhallinin wenen shurna lanshurra bhekhe kho tomh wetah bhakhrekho khokho tih tamh kho. ²⁸ Neih tih tehmen tih tawlla memcih shellep we yelle liywuh akham meweh khokho Yahaya bhurei pip meyah we bhalloh khimtih piri diyah Yamba shakki khokhonih. ²⁹ Khan pip limyah meyah khepoh khgado shunnu shinllo kheshe diyoh Yamba weyoh wehni bhakh shakki khan bineh yoh khan bineh yoh Yohaya Shunnu. ³⁰ Farisiyawa khan meyah pennah attaura yelle foyoh we yamba meije shunnu khunro mayoh. Yoh beneh. ³¹ Manerra tehmon linya khun pepeh mashunu shinran nih. ³² Khekha shunble tih fok piri pellih shunnu tih yeh shabir muh piyoh pellah mayoh khuyim. ³³ Bhanoh Yahaya anbineh shakki ashunmin zukhuh da khuh shakka ashemin aman gburo mei tewih shakki khan wawuh. ³⁴ Bhanoh lalinyah wannah tih shonin tih shenih metih tewih anlawani khar shenih shelleh nih ankhauw khgadoh khan andakhella weh. ³⁵ Pip khishe wenh Yamba pip we yahnih wediyoh khunllih tehyin. ³⁶ Mannih Bafarisiye yekhenih kha shar weshinna shakki linminnah nih Bafarisiye linyoh pir show weshinnah. ³⁷ Mannih fomin minna andakhullah we wemotah shilloh Yeshu tih piri show weshinna tih minnah nih Bafarisiye motoh wannah khan mannih we lahdekhe khan moh we tohmon. ³⁸ Motoh shelleh tih yabinih tih piri shonnih teh dukho khunyih mohdeh dekho patanih tih shonim teh dukho khunyih mohdeh dekho patanih tih shonin teh foyihna khan shokk khun mohtoh khan khau shikki mohtoh shakhe yoh mow we duyah. ³⁹ Tih pishe Bafarisiye yehonanih weshakkhi wewuh khishe shakki tehwin tah bhonih meyeh anwawah matah pennah teih nokh shiran fomin nokh we tih nawuh shinnih teih andakhellah we. ⁴⁰ Yeshu dewikhenih shakki tewih nehkha paro khan khai shakki tiwih anshubir shakki mateiwu. ⁴³ Shki teh toh weshinkhero dakhillah we. Mehyah shownih khan shakki shunu deukho tahwani tih shabir mannoh shakki watah shakki tah wushoh dokhillawe. Shakki Yeshu tehwuh tih fomimnih bhgah ya lashi yih mimkhiyih diyah bhgah. ⁴⁴ We shakki pekhullo tih piri fomin shakki tehwuh tih Saminu khe wewuh fomin yeh, neih linna minna kha kha munnoh amim bhudeh shonnoh mohtoh patoh mundih tih shomoh mohtoh jidenah khan shokk khunnroh. ⁴⁵ Khai kha bhutehnom khan lintoh mohtoh awushe bhoteh shonom. ⁴⁶ kha shakhono moll tih khunom mahtoh shokhe noh moll shok khuh tih shonnoh. ⁴⁷ Tih pishe neira tekhoh dakhilla we webhgah yeh pip neh wushinkho wikhiluh khanmem nih wikhuluh we yohyih. ⁴⁸ Shakki teh toh weshinkhero dakhillah we. ⁴⁹ Mehyah shownih khan shakki shunu deukho tahwani tih shabir mannoh shakki watah shakki tah wushoh dokhillawe. ⁵⁰ Shakki Yeshu tehwuh tih fomimnih bhgah ya lashi yih mimkhiyih diyah bhgah.