¹ Sai Yesuu tekkho tih shibba foknih tah, khulli ekkle ban ytah pirinm, kin nin weh Janguloh yah sho lihnyah tih khu phebeyeh weh. ² Tah shobbih nunun shuknah, amma tehyeh regoh shenoh lihnyah weh tah shou mannih yu'anih. ³ Tah yah wallah mah kheluh panchih tah. ⁴ Bonghnih windinah tah bul tukkhu lihinyah wehtah shob shibban yuhtitihyen shuknah. ⁵ Meh kheu khimeh, mah molgho dahkhulghe gho weh, Jahnenih, mah dimbighegho khen yafenih. mah dakhilghegho. ⁶ Weh shou pahlelou, mah mennah in dambegho shou pahlelou dihyoh dohleh khen yafenih. ⁷ Sai anshuran khallan tewih tih shibba fokh nin yamba, mummuh bangh tah vullummuh, sai. ⁸ Anshuran tah im mah merr khan bangh yah losho khiyagha lah alsalih, mer tah wahroh foruh gvoroh kalkara men tuwih tah buruh. ⁹ Mahnongh tah tal-lameh dihyi khan shebbah tih kulli denyihnih mah. ¹⁰ Pengillah minnah tab teunih mah dihyan tih pishire man shuh gbanneh? ¹¹ Neh bon shakkhi tah teunih, tah tohyenoh gbenneh, khen wattu munnoh, non shui. ¹² Manneh kpado fokh shuanih penne kham shennih pennen khen kwegho? pennen shekkhin shui khan she shinim? ¹³ Shakki ar pammoh shebbehyen, lungkhu shebbe yuhgho foroh weh tekkhenih mah shakkhi yuh. ko ah kishen? koh meh mah. ¹⁴ Mahmeh yoh foroh piph weh tekkho tah. Meh yuh, mer teutah meh shebbeh weh ekkle foroh khumu. mu yoh foroh khumu neh. ¹⁵ Palang manih tih pir waruh Jerusalem, in bih tal-lah khu illih samariya khan Galili. ¹⁶ Tih pir lih manih piri, Khallangh kohmanih khan manih anbuhkhan kpwatin khuyuh gbummoh. ¹⁷ Yehleh shellanih kha talleh" khallan shokroh ellehyum yehnib tah, yah munggbure yesuu, shob duhghamu kpwadinah. ¹⁸ Khallan ningheyuh, khallan teuyuh tah mah yehle koh. Mah yehleh weh shikh angbahghanoh yamba. ¹⁹ Tih pir waranih, duhghayuh khallang kpadanih. ²⁰ Dokh tah tal-lah lungkhu duhghanih kpaddoi, khallong pengulluh kha tommon yahbongh tihn dimmoh yamba. ²¹ khin foranih, khallan gbushanih tah dohnih yesuu, khallan pambenih. linhnyah samariya. ²² Yesuu khallan yuh mahyah, nih ah lihnya gbumoh weh wannah pisheyeh duhghayun kpwadihnam? mah tongh dishi kommoiyih? ²³ Ashe ekkle lihnyah weh mennah yah pembih tih yamba kerren mihbah yeh? khallan teuwih, illoh kwehgho wen gbangh weh kheyoh, warkoh khan khe. ²⁴ Farisiyawa illah mahyinih, tah mah dimnih weh khujuknoh yamba tah wattun? khallam. ²⁵ Teuyun tah khujuknoh yamba ah wihyih kha allon, kuma ar teugho tah bahmineom koh bahmirem. ²⁶ Tih khujukmih yamba tah tal-lahmeh khallan teptih anshurenih tah. ²⁷ Palangh tah wattuh werh mer mehnid men weh dokh tih tal-lah palanghnoh lannihyeh, mar wehnim. ²⁸ Minishe tah teumeh, gammineh, gammoh. meh kha pattuh khen war piryum. ²⁹ Ammah khiygha malyoh weh malyih tih khomohreh in wattur khomohyeh, kisheyeh warranoh lannoh yamba. ³⁰ Ammah shakkhi tah sheh venneh khan khunneh tah pir lihnyah khuh phebeyeh. ³¹ khiygha weh yoh tah palanghnoh Nuhu, khisheyeh tah yu'anih tih palangh lannoh yamba. ³² Yehleh tih shu'anih khan shenih, khan tah pir dihghanih tin dihkhullon, Har palangh weh Nuhu lihghon yah gongh, am gangh khallangh wattuh gdukhilleyuh piph. ³³ Kheshe tah farnah tih palangh weh lannah yamba, tah wattun. palanghre, mah lihnyah tah kha minnah, kuma sharnih dih tah gahdah, mahkha jimruh yah sharuh. ³⁴ Sharnim, meh lihnya dihyih tih khullih mah kha mehruh minamizo. ³⁵ Bannoh tihkhu mannanoh lotu. Mah lihnyah menjih rainih, tah rasanih, ammah mah lihgnyah rasoh rainih tah wehnih. ³⁶ Neh tekkhemeh, kha piryeh, lihnyah pellou dihyi tih pir shonn dokh, Tah sharuh dokh im wohsho dokh, shehlep pellou tih pir isshoweh. Tah sharuh dokh, im wohsho dokh. Lihnyah pellou tih khulli; Tah sharuh dokh in wohsho dokh. ³⁷ Yehlen maynih tah tih tongh yah tah muh? Shakkhin teuyu tah, pir weh. Murranloh kham, ungulu mah kham tih pishirei.