¹ Yesuu in sasho tewih tih anshuranih tah, kham nin manih an kparai weh sharoh manih mah minghenih kparanih, Amma weu labari tah mihyai diyih tah yuh billang kha kparai. ² Ankparayeh kallan yehrenih, mah shadan weh nih weneh shiliyih tih khuhgoi? tewenoh weh dihyin taiteh fohroghoiyeh billang khar gbutto pir fohroyem. ³ Mungbureyeh khallan dahmanih, tah bunjeh mah shakkhi tah yuh yahghai im mah miyayeh khekho pir fohronih? Billangh neh ekkle khan bangh shittaum, nar billangh wahwoh dihyah andimman. ⁴ Ammah neh pennoh weh ner yuahnih in manneh wohsho fohroyeh. Lignyah tah kheunoh tah yaminah yuh. ⁵ Mungbureyeh Khallang yehruh mij weh amminanih bihyeyuh khuwoh, in mahyuh mundockhi, mah neh bihyegho tahghai? ⁶ Tah Vuhkhu Olive shink dokh, tah toh shar weh ballah khen ballon Nyah fat. Shakkhin sasho mahyuh mihyan pellovi tah, mah bihyegho taghai? Tah vukkhu shihk weh alkama, tah mah shakkhi ballon nyah pirpirou. ⁷ Ankhu kasuwayeh khallan munun nihgho tah yaminayeh lunghkhu shen weh shakkhi you. ⁸ Neh tekkhemeh meh yuh shellah an kurbe wen kpangh khan teu shabba, lungkhu mah kpwqadou, yehleh tah kheu mah tah yaminah mir an panguluh. ⁹ Lihnya weh yuhyih wen khuli tih khu wen top, tah yuh war khuli tihkhu we gbureh. ¹⁰ Mah-Mah yuh wan khuli kha kurbe mir weh ah penuh yamba mah nongh tah menih kha meh kha kparanih? ¹¹ Mah- kuma mah yuh weh khuli kha kurbe maninr, ¹² mah nough tab mungho kurbei? ¹³ Ekkle lihnya wehtah dimmoh mungbureh pellou lokaci tah lokaci dokhim. Ko shakkhi khur dokh im menuh dokh koh man menuh khan dokh, am forun shillah kan dokh. Mar wahwoh dimmoh yamba khan kparah pir dokhin. ¹⁴ Mah mungbudinah farisawa mij an menuh kurbe shilloh parayeh piph. ¹⁵ Mishe khallan pwanuh yahbonghyuh tih shikkhi khallan tenyuh, menneh, meh minghoytih weh tah bongh lihnyah, amma yamba minghiyih yahbongh meh. Weh lihnyah munjin gbureh khadangh, tehyeh ah mannih weh tih pirnoh yamba. ¹⁶ Takarda ataura khan takarda an kpagha khan har bonjeh tah yahaya. Tun tih pishei tah yuh paronoh yamba kohnongh tin tih yahteroi. ¹⁷ Duk kha kishe, tah khoh khui illih khan gagh tah kpwadanih amma paronoh yamba ar kpadinam. ¹⁸ Im mah winyah foron shillah kha mannanih in dihghu mannih, you jinnah, kuma mah hihnyah fohmin weh forghon shillah yuhyih jinnsh khsn tei. ¹⁹ Kham nim manih an weh weh dinyih shollom when kulbe kuma mun kpangh, tein yun foroh khuh phebe kha tih palang -palang. ²⁰ Khallan wattu khan manih hihnyah anduhgha tih fokminanih shommonih Liazarus, weh piph shiknih kedden pira. ²¹ Menji shakkhin shu biddih bwenneh weh daddiyih tih gunnih teburnoh ankparayeh, Har inde dan weth tin demmuloh alloh weh tih shikniyeh. ²² Palangh weh anduhghayeh murghon, Anshurano yamba khallangh wattu sharmih in warnin pirin Ibrahim. Ankpwarayeh mah murri. ²³ Kallan nannih, Dihyih tih yaminah neh sho, tih pir shuh venneh. Khallan shogroh khunih ninghon gagh, Khallan weh Ibrahim kha talli khan Liazaru tih fokh loshoni. ²⁴ Khallan tunnoh yeh, tahnoh Ibrahim khumuh tauseno, khen shurtuh Liazaru mah shou alshillanih tah an mah duhghirenoh tah fokhnoh, lungkhu ishanya fokh tah bwalenon tah wuiyeh. ²⁵ Amma Ibrahim tah, Lau, tah pennangho pishi weh khe tih khu phebeh, khe shou khu phebehgoh, khe khekho wen kpwangh, amma Liazarus shoh venneh. Amma benje dihyih tah khun tommonih, khe kuma kher pir she venneh, ²⁶ Koh ah kishen mah, kham nin khubi weh jolli tah tal-lamuh, lunghkhu mah hihnyah kha pirtuh pirmun, khar mum mah kha per pirmam. ²⁷ Sai Ankpwarahyeh tah, neh dinbiyehgho tahmu Ibrahim, shurnih tih pir tahno, lungkhu neh anyaminano. ²⁸ Kpwatin fat tih khu phebe, Mah sha mah yuhyun paro kar mah shunnuh kha wattuh pir vennehyem. ²⁹ Ammah Ibrahim teunih tah Musa, khan an shuran khan tih khu whelse, Mah yehleh shilleyuh. ³⁰ Sai an Kpwareyeh teuhi tah ah khishen tahmuh Ibrahim, im mah manih lihnyah weh murghoi illo waruh piryuh mishe tah shilleyuh tukkhu mij weh yelileh dihyih doi. ³¹ Amma Ibrahim tewehyuh tah mah yehleh ar khumu Musa khan piphanshuranim, koh mannih illou tah khubbi in war piryuh, yehleh ar menneyum.