¹ Piph mij an khewuh kurbe khuh khan mij an dingh tin wattuh pinnoh yesuu yah shilenih. ² Farisawa khan mij an ballah piph lidihyo yah fokh khan shabiryuh tah, mehyayeh tih keu an dingh tih minanih har mishe tan shu birenned doi. ³ Yesu tekkheyun misaliyah, tahmah nongh tah tal-lamahyeh, ⁴ Mah kham khan denyih shihk dohk (100), mun dokh in shehgi ar wohsho mun nya kwommoi khan kwammoi yen in banduh pir mun dokhye She wen.ah shighin? ⁵ In mah wehnaro in shattu takkhu dungh nih in watteran khan tommon yahbonghim. ⁶ Mah fonnah yaminah in yehnuh mah shedihlehnih, khan anjingh minamih tah mah yehleh wattu tainin tommon yahbough hugkhu shakkhi wenneh lah denyihnih weh shekko. ⁷ Neh tesshemeh tah yuh tommon yabong tih gagh tukkhu a dingh dohch weh khekho yamba, tekkhu mij an bih nyah kwammoi khan kwammoi. ⁸ Koh mah fomin nongh, im mah kham khan kurbe a zurfa gbummoh, mah dokh shekkhou, ar abuh wih fitila im ban yamina piph sai wehghom? ⁹ Im mah tah wehgho tar yehruh an shelehroh, kham anjingh minaroh, in tewih mah shunnuh tayaro tommon yah hosho kurbeyeh wehteh wegho. ¹⁰ Neh tesshemeh wah yungh yahbongh tigh anshuranoh yamba in mah andingh dokh tuboh. ¹¹ Yesuu tekkho tah, kham nih manih mihyai kham khan shibban pwatin pellou. ¹² Lantopgh wannah pir tahnih in teunih tah, tannoh, mundenoh weh shillah fosheno tihyah kpara weh khe khan tei. sai tahgnih khallagh gapeyun weh shillanih. ¹³ Tah tah tah sholn wiu lawu toph yeh khallang pallah piph weh dio shinih khallang kwehnih manih miybah khu illin talliy. ¹⁴ Khallan warah gbugh doh sharnih piph, tukkhu weh engleh khum, Khallangh gbuguh kulbenih tih weh an wallam. ¹⁵ Daga kpwadigoh gbourgh weh khan tei piph, khuyam kallagh lihru khu illiyih. Khalklangh dihya ankhinnih nin shakkhi. ¹⁶ Khallanggh warah shub khunih tih manih lau khu illih rai, Lau khallangh lihyehnih tah bannoh tuhyukminnah ¹⁷ Har, shakkhi menji shuh biddih dummuh weh shukhulo tah fokh tuhyuk, lunghkhu ekkle weh tah shuanih nin shakkhim. ¹⁸ Amma weh pir shihganih menan, khallan tewih tah, kai, bannoh shebeh minnah tahnoh shuhyih weh palangh khan pirih. ¹⁹ Ningho neh tih pir murranih khan khuyum. ²⁰ Bari ner tah penguloh pinnoh tahno, ner tahnoh neh kpwanoh yahbongh yamba khan yahbonghgoh, Nah menji khen showenoh tah tal-lab dokh slibbaghom, amma ner dihnah khiygha shebbehgoh. ²¹ Khallangh illoh war pir tahnih, amma daga tahnih wehgenih tih pir wattuh khan tahlih khallan kumkhunih (Tausayi), khallangh pothu kha danah khan khebenih, ²² Har shakkhi kan shummoh yeh fokhni Lawih khallangh teutih tahnih tah, Tahno, neh dahkilghegho weh, nah fobro fokh klen yehnoh kha lahghom. ²³ Amma tahni yehru shebbehni, in tenmyuh mah shunuh wattu khumun, meh wahtuh khan shallom ²⁴ mun kpangh nen shubnin, meh shobnih zobbe tih shihlanih khan tagha tah shohnih, men tangha weh khamanih men dil-tah. ²⁵ Khameh adihnah shobuh shellan shikh lunghkhu lannoh murgho in sasho illanih. ²⁶ Kuma sheghi munnun wehnih misheh khallan dunghoh yuh billaghi. ²⁷ Tih pir yah wishe piph, lannin gburei dihyih tih khulih, kham menih pihnih khan minnah khallan shilloh elleh shol gang-gang khallan yehru tah taileh shebbeh dokh im mahyenih weh tih pir warranih tih minayun. ²⁸ Shebben tennih tah malgho pengillah minneh shineh tahgho dihloh tangah lungkhu mah addoh lungkhu dommon yahbongh mennih. ²⁹ Lau mungbure khallan kpan yah bonghnih har khuttenih kha lihruh yahminai, khallangh shellehnih tih phebeh. Tannih khallangh pehtih khan dihmmoh yah boungrith. ³⁰ Ammahshakkhi kha teu tah tahnih tah, nighoh tah weh khangeh diyin, neh yohghoh fuhroh khiygya shebbegh, Nah tabbu khar shuranghom, ammah kha nan khen koh lah biyah khen dihlah lungkhu mah mum yuh dudleh khan mah shedire nom. ³¹ Amma lahgohyeh weh palou kpwaragon mun tih shehlep ammah khen dihlehnih tangham gbure. Tehnih khan teunih lannoh, khameh ³² chihyih doi palang-palang, weh neh khan tei wehgho, wegho kuma wehnoh. Ammah yoh wallah yahbonghmuh yuh tommon bohnih, lungkhu molhoyeh murro in sasho meru, in shehgih munnun wehni.