¹ Phallang wahwoh, shakkhi lio yaminah ɗok tha tal-lah mungbudinah farisawa lunghu shuh weh shinah, linyah gbeh lighenin ɗoh. ² Ɓanmoh, manih an-pirah vuhlum-shoh tha ɗohnih. ³ Yehsu khan mayuh mungbuɗinah khan an-pennan weh farisawa, tha ɓenjeh tha yuh wallah manyuh ɗahgho phallan wahwoh yah ? koh aryuh wallam ? ⁴ Miseh khallan dinah shingh, yesiu khallan kheunih, khallam yunih dahgho-dahgoi khallah fornin shillah. ⁵ Khaldan maiyuh, tah manough tah tal-lahmahyeh khan lau koh jaji mah shukkho tah yahkubbih am palangh wahwoh ar pehtun kha shakkhi khumunim? ⁶ Yehleh a wahwoh mennin khah fokh parom. ⁷ Khan weh yesu wehgho pir shigah nir weh yenayuh mehgho pir dihyan gbangh weh tih tohm. ⁸ Khallan shopyuh misali tah mah manih yenahgho tih pir khanjagh digah, khar kha dihyah tih pir dihn gbanghim, lungkhu mah manih weh yenamah doi fonnah kha bih, ⁹ Tah wahwoh tekkho makkle illoh neh bih khen munin piddih tih mihyah neh fonnahyeh, kher wohsho pir dihyeh kha shih kauleh (Kunya) khen penguld piddih weh tih bih muh. ¹⁰ Im mah yehghegho tih pir kanjangh, war khen dehgho tih pir dihya weh tih bih muh, lungkhu mah lihnyah weh yenagho fonnah, tah tehkho shelemoh khe illoh ammoh pir dihyah weh tih tohn. ¹¹ Penneh lihnyah weh meh dihyih doi tih tohn rah mugho gburegogh mah lihnyah weh shokroh khunih tih gangh tah merenin illih, kuma mah lihnya weh mennan khunih illit, tah shokrenih tih gangh. ¹² Yesu'u khallang teu tih mihyah weh yunah yei, tah mah kher yehruh lihnyeh wattuh yah shuh weishinah, koh khanjangh, khar kha yehruh mah shehdilleh=gom, koh mah mulangom, koh anyaminogom, koh anjingh minahgo an wem, khigha weh yehleh yihyehgon, sai shunih yehghegho fokh shiyuh. ¹³ Am mah khereh yeh lihnyah wattuh pir kanjangh, yehruh ankhunnih, khan mir weh ar wahwoh yuh forhrom, ¹⁴ khan ankhuloh, khan an dwaleh. Ker weh shommon kpangh tih piryuh weh khar wahwoh ballanim. Lungkhu tah shopgoh albarka palang illan anyuhirengbangh. ¹⁵ Kha shillan paroyeh, dokh tah tar-lah mir weh dihyih khan yesu'u tih pir dih weh tih gangh khallan tewmih tah, mah albarka dihyah tukkhu lihnyah weh tah shuh bwenned tah minnah yamba.. ¹⁶ Amma, yesu'u tewnih, manih mihyai shiryoh kanjagh gbureh, im yehruh lihnyah gbeh. ¹⁷ Weh lokoci yuhghon, kallang shur shebbenih man yehru piph mir weh yehnayun, tah meh wattuh piph kpwadoh fokh weh piph. ¹⁸ Im mar wahwinam toh man sharuh lau anshuran tun yehleh tallih man mahyuh kho-kho dihyin tomnaon khisheyeh mah ekkho ¹⁹ Lihnyah tah tal-tahmah yem weh ar wahwoh raso weh khan tn ar wahwoh dihyah lanshuranom. ²⁰ Shuangh wehn tommon, ammah mah tommondoh kpadou mah tah yummih khrateh billanghi. ²¹ Shebbe kallang teunih tah weh lekkhe moyeh neh bwadigoh, amma khan nin shorih pirih. Amminai kallang teuntih shebbei, tah warru khen bih khu khokkho, khan khokkho kauyuka, khan duhkuri lihnyah man lihruh lungkhu mah khemuh yaminanoh. ²² Neh tekkhemeh ekkhe ko lihnyah dokh wehneh yehnayuh kha tohn im khuregun weh tah lihru yah kanjang yem. ²³ Lihyah bambirih tab bih binnih im penguloh dohri in tewyuh, piph mir waryih pinnoh, ammah a khur tehnih khan nahnih, khan mannahnih, khan shibbanih khan mah muhlangnih kpwatin khan shelep bim, i, ²⁴ khan khuni mah, ar wahwoh dihyah lan-shurano mah nongh tah tel-lamayeh weh menjih dihguh minnah gangh ar dignah in balluh weh tah gboughanim, Koh shakkhi kham kham kulbengbeh weh tah wahwoh bduk khu fohroi? ²⁵ Khar mah shakkhi kha dunghoh digh minah ah ²⁶ wahwoh bukh fokhim, har mi weh weu dihnah tah shulnim. ²⁷ Shunih tin tewih tah mihyoyeh dunnghuyoh fobroh minnata amma ah wahwoh gbuk khum. ²⁸ Koh kuma mah an khup nongh mah tah war yah khiyih kham manih khubih, ar dihnah in bal yahbongnih koh ²⁹ shakkli khan mir anden dubu khwumoh tah wahwoh yuh burch khan dokh khub weh ³⁰ khan tah dubu nyah pelou? ³¹ Im mar wahwinam toh man sharuh lau anshuran tun yehleh tallih man mahyuh kho-kho dihyin tomnaon khisheyeh mah ekkho ³² lihnyah tah tal-tahmah yem weh ar wahwoh raso weh khan tn ar wahwoh dihyah lanshuranom. ³³ Shuangh wehn tommon, ammah mah tommondoh kpadou mah tah yummih khrateh billanghi. ³⁴ Ekkhe fohroh khurom, sai mah dihyah taki, man patinah. ³⁵ Mah mihya khan khumoh shillan man shilloh.