¹ Tih palang manih memme yelleh takeni paro tih ku me weri Galilawa mehwe Bilatus saku Lengyohn yata toom yum wakulo wali. ² Yeshuh kan menukenyu tai mameta tehwani ta Galilawa sunu koke dihshi Galilawa dip Dakkulo weh yelle yu venne. ³ Ih-Ih neti piri tomme mama mun sabbon pipme meta matirani keka sanu. ⁴ Ta Lehnya gwammo kan pirperou yeh phesai kan yelle tih siluwam we dihgan mina gag kan sukkuru tih kuyun motto gbuhlikenytu yelle tih pir nehhani ta sunud shdihtse memme pip tih urusalima dagkillaniya? ⁵ Neta temme a kisheyem ma meya wah mungho sabboh pipyu sun ta mutirani. ⁶ Yeshu tekenyu kakigah ma miyan nun kan vuro Duyu weh shaki penyuh ti garkar Inabinsa sakun wato ya bahno lehn vuro saku a wain. ⁷ Miya Tsakuta mila wehta nehnho garkar, ken nehn na sheneru Gbunu weh ne wariye ya bah name shibbah vuro duyu na wain ma kuiyu ma paroneh ta washeni mah kuiyu piri ma diya wani. ⁸ Miya an nehnho garkar kan menani sakuta lah tohp mumun palang lah tohp nin yu tubbha nehn patton alswang. ⁹ Ma leu allehi shene weta watto dan ma,a leh allerom phan man kuyina. ¹⁰ Palang mane Yeshuh tih piri yu supir mani pir wai yamba palang Asabaci. ¹¹ Bahno, maneh fomin mutto kan shene gbommoh kan pirperou mutto Dagkilan Jilim sickro gunani mutto atih wawo shukuro sickrom. ¹² Yeshuh saku weh sicki kan yerero kan tetto pherayi gbadou tih shiram pherayeh. ¹³ Yeshuh saku lekoh shilami tih kutoi bahje bobje matto Illo shelami matto kan duhuho wawu yamba. ¹⁴ Mungbureh weh tih yamina pir wai wai kan dehni ta dihn paro yeshuh ghadih kan pheraro tih pallang Asabaci miyan gbureh kan menani ti memme pip ta kam nin palang phalomonih weh ketseye mayu foro. Me wato paro perame ma bahdo ata palang Asabacim. ¹⁵ Mungbureh kan menani tih fukne ta miyan yanjin ta kam tih shekime a bihdiyi Jashinim kan lau tanka anti bihdami tih fuk gerek tuwani ma warun man man nohm ma? palang Asabaci? ¹⁶ Ta fominye mutto Lami Abraham weh Limmi Kelkera shenne Gbumoh kan pirpirou atih wauwo bihderotih palang Asabacing? ¹⁷ Weh saku teko kitseye pip yun sunu kam yuh dehn kan saki sunu kan yuh shikaleh gawan kuii pip yele dehyo ka ya lotso phe kam we wei wallah weh saki yuh. ¹⁸ Yeshuh sakuta tah ma yakai ra yuh temu kujukne yamba ta makane suku temununi ka sakiya? ¹⁹ Tah kika alleh mastad weh mani miya sannah sakin wendihna tih ya Lambunni kan gburahni kandihya vuron gbureh Fiyami, tah Duhyoh sunu yoh seneh seneh tih ku younglarui. ²⁰ Saku nduhu te wani tai me ka ni neta madon ka kujukne yambai? ²¹ Kikai Lummoh melboh weta mane fomin motto sanna motto kam makkani tassa gbunu shireh Lumboh alsalih paro fulluhn kah tei. ²² Yeshuh saku wankuruw pirp piri bihne piri kan minna fukjeleng tih kokkoni weh waru urusalima. ²³ Tih pir suppheyu manni kam tenni mungbureh meh weta yelle ta we mellah hah whill wa? ²⁴ Sakin tessu ma lihn dohme me lih tih kokofominan mun top, neh ne tekkeme memme sunu gbah sunu ta bahnu kokko fomina pir lihyani yelle ati wauwo lihyanim. ²⁵ Ma ta saku an ku mina youglo Illou saku kam nunu fominai sunu kan sheleyon tih kokko. Fomina weh tih phephe sunu tin bhuko fominai sunu tin mungbureh, mungbuhreh, wushemu munlih yattai saku kan menani. ²⁶ Kam Tessu neh na phenemem ma tih toh meh phenam meh, ²⁷ koh tie phirin noh men tah meh an yuhru fohroh jilim dehghitho ke. ²⁸ Ti phishirerei mehtah yohru kuhyi mehn yehruikha wuhroan menane nete temene na pherimen ma me wanna wari tohg ma me ²⁹ phena tih tonfg me phengello tih pirin nei me pip keren miyan yah yangjin me ta yu kuiy kan yeran alwurou tih palang weh me wekon sickne Ibrahim kan Ishako kan Yakub kan angbahka gbahka tih Jukkne yamba tah mai tah wundeme tih phepeh. ³⁰ Sunu ta watto tih kenneh, laddih, kan degh sunuta showni tih ku gbutum shuw gbahnh tih ku juknih yamba. Teye me pheno we kabih sunu ta miru tih tohm weh tih tonm Ta meru bih bohnje bohnje mane farisawai sunu wanna sunu ka tenni ma phemo. ³¹ Ma kon tih phisheye tah paro hiridus menje ma shakun gbuko. ³² Yeshuh tah ma sunu waru man tew tih ansikah yeh tah ma nehnho ne pirkon ka lihmini bohme kan dohye ne foddihrou pira pirah tih sick memme tih palang kam sun gbunnum nen ta gbahdoh foronoh. ³³ Ma ka yakai neh ne ta koh maleno gbohme, kam dohyikan tuwa paro ati yuh walam man gbalou gbahkah tali kan urusalimam. ³⁴ Urusalima, Urusalima meyan gbah dovoh an gbakah meyan wento me we suneyun tih pirinyum so tikai neh menji nin gan woyu ku shibbahyi kika yabbeh motto gau wuyin ku shibbaru tih yatta bahbukro ata motto a minjiro kam shirim. ³⁵ Mehnho sunu folou ku minayi tih pir temme me atih we mani sicknom ma palang we me tekou, munan fuk ma dihya tih ku sakku we ta wato ka shomoni mungbuhreh.