¹ saku mungeyeu alpharo tih ku paro ta yuh wallah metun delima palang palang. ² Keren mekha yhu sewwom sakutah tih manih shekhi minnah manih miyah an yuh khon saku a shewri yih yamba saku a munji Gbureh tih memeim. ³ Kan nihn manih fumini kholoh tih shekhi minnah muto wariye pieinih muto tehkheni mah saki mileral. ⁴ Kokko weh tarah wehn khugha tih shelle an bohreru yangho saku melerum, kha ya bih tih yah gbuhgni paroh nah sewari yambam nah ninyeni wallamim memem. ⁵ Memmem tah paro fomimkollo dangkeno meta meltoh tah motohn weh khungho kokko weh tarah gbahlam kham nei paro waranto pirnih. ⁶ Mungbureh tah meh shello an yuh khon tah engeye gbanloghgo saku tekkoh yamba ati wauwo angho. ⁷ Tih sakanih weh simuh tah yuhni kuyi pirih kan phalang weh sick foronyuhn saku ta yuh yuhn sick tih piri meleyuhn neh tih pir saku ta anghoyuhn. ⁸ Wehsik yuhn, kumun tah Lani miyah wannah sakuh tah wehyuhn kham wehkullii tih khu phepeh. ⁹ Sakuh mungho paro tah kikah tih manih memmeh miyah menanih khan kuyun tah sunu miyan. ¹⁰ Khungho yelle ta yuh molohnih fuloh memmeh mannih memmeh heleuh suna liuh yamminanih yamba pir dihma, dohk bafaraisawa dohk an keppoh kulbeh ghandoh. ¹¹ Sakuh Bafarasawa Ilou yah yuh dehma tih khu manih wehi paroh khunih, yamba neh phamike koh neh akika ditsi memmeyem weh yelle an. ¹² Yuh suhm kham meh weh a yuyi khungham kham Anjnnah kikha teiye miyam kehpoh kulbeh. ¹³ Ghandoh tih shohn phalileu pip na sheyeh ahmim show pheleu neh dahn manu dok gbomu. ¹⁴ Tah miyam keppoh kulbeh Gandoh sakhu shelani tih pirin tahli a menah man skun shukkuro kui tih gagkhim shaku tin gbuku ku bhilihnih. ¹⁵ Saku tah yamba mah yuni khumen kui neh an Nohdahn weh. Teh tih tehme miya mah phenkulo. ¹⁶ Miyanih dihmah dihmah a khikha surokhim meh tah yuh gbuhdoh gbuhdoh kui sakhu ta gbohl kui meh weh gbolou kha kunnoh gbuhdoh gbohdoh kui ta yuhni. ¹⁷ Memme sunu wannan nineh lahpedoh, paro shakhun nauula sik yih kan shibbah fukni un niho kitseyeh tah sun kham nattehyuh. ¹⁸ Yeshuh yehkhenyu tip pirimih sakhu tah meh wuhso shibbah yith tih tih mah wato pirinih kerehu meh mekah kuram tah khu. ¹⁹ Jukkheh yamba wehyuhn munghan netih piri temme meh weh a keu kujukkneh yamba khikha ²⁰ lau muntophim khulih atih weh liyanin manih gbureh an kho tohn memme sunu mai kheni tah ansupir anyuh weh wallah meh wehnin weh narah. ²¹ Yuhni nehn wehn shedoh lotso tah warun dughu yeshuh tekheni tah khe yehkheni Anyuweh wallah. ²² Engiyem mannih An yuh wen wallam yamba dongnin khe phenu Dhangyih, tah khekha yuh zinnah meh. ²³ Shekha yuh gbuhko gbukom meh kheka yuh Jillim mah khekka tew kulleh tih paro shawam khen. ²⁴ Manu gbureh An leekho kan Anlehkon fominah miya an kho tohn tah weye weh pip neh wushiyon phekhan nita launtop. ²⁵ Yeshuh saki shilloh khitseye sakuta kheni weh dok gbaddanih tah dihyoh khen phelun kha weh menakho khen buahdilah tih An manyina dhahn kera weh ghahrah tih gag. ²⁶ Meh wattuhmhen dattuhehni tah miyahu gbahrah shillo wehye sakhu kham yuh dehn khullih paro sakhu Angbahrah bihn. ²⁷ Yeshuh mingho yah bohghnih gbanou sakhu tah dekker mitah an gbahrah lihyoh khu jukknih yamba, tah dihyani kan phirah yauneh tah lih. ²⁸ Khubbeh yuhlih, kham an gbahrah tah lihyuh yah khujukneh yamba. ²⁹ Meh weh yele shiloh paroyeh yehlle tah mah, kitseye mah nong tah khumghayeh? Yeshuh menon mah weh khoko bahg minya meneh tih pirin yamba. ³⁰ Bitru sakhu tah meh nengho mieh wusou weishila mu, muhn Dattuh bihgo yeshuh sakhu tehkenyuh khulih nehtih pir temme Engeyeh miya wetah. ³¹ Wosho minanih kham mannamih khan mah molonnih khan mah tahnikham shibbahnih tah paro khu JUkkneh yamba, sakhu awahm weh gbah kham. ³² Gbah tih ku phepehyeh kham lotso weh dhuhu tih khu phepeh weh tah wattu. ³³ Sakhu gagkouyuh gbomoh kham pheleun kham khan tehson mehn nehnho munti piryuh. ³⁴ Melleh weh waru Urusalima weh-weh sun kham tei pip weh balau paro lamih miya tih yah shilani Angbakha sun tah mehnamih meh phenu yelle tah. ³⁵ Khekoh mungho tah shila memmeh sumutah yuho suloh kan venneh sun fuson Elik sunutah yuhko gbang sun gbalekho tih palang gbunom saku tah. ³⁶ Tah Ilau yehlo a phenum dok tih shekhi weye paroye tukani tih pirin sunu a phenu weh yelleh tah tewanim. ³⁷ Saku mennah Jarikho kan nin Andowaleh dehyah deyi tih fukjeleng khokho tih piriyu dehnma saku shillo eleh gawan memmen sunti pir kwanih kwani. ³⁸ Suku khan yuh manya ta ma yakha? memmeyeh sunta tih saki yeshuh banazarat tih pir kwaikwai saku an duhleye saku yuh yeh kha gbah sakuta. ³⁹ Yeshuh lanih Dauda wattu khin millenu me weh suntih tohn sun kha Jamanih sun tekhini tah ma sakhi melleu saku khan yuh mani yehyi kha elleh khuleh sakutah lannin Dauda wattu khan millenuh. ⁴⁰ Yeshu khan shelani kha tewon mah watenih ka Anduwalih pirin sakhu sakhu Anduwali kham. ⁴¹ Wattu nemi yeshuh khan mayenih ma wani khe menji nin yukwai? sakhuta mungbuhreh neh minji nin weh yahiri. ⁴² Yeshuh tekhinetah Andokho mah weh yapiri wekullii ma Auwu Andohkho tip phesirereh Andoh kham Auwamih sakhu kham dattu bihnih sakku. ⁴³ Wauwu yamba nihn kani khiseye dihgshi memme sumi kham wauwu yamba.