¹ Tukkhu paro weh meh balloh, Ah wahlah lihnyan nawuh shikh fohminin. ² Ammah lunghkhu dahlak khan fohron jinah weh yoh gbeh, tah yuh wallah mah kohwani kpwatin dihyah khan mannanih kuma mah koh wani fohmin dihyah khan mannaro. ³ Mah kho nongh yuh fohro yamina dihgha, tallah kpwatin khan fohmin pephyuh. ⁴ Mah kpwatin munuh tah mannanih piph weh teh menjih, fohmin mah, teh munaun teh ,mannaro weh khakkhi menjih. ⁵ Meh kha kpwatoh shabir meh kha shikh mem, sah kha mennanmeh tih lokaci weh meh mennoh. Meh yuh khisheyeh lungkhu mahmeh dimmoh yamba. Tih pihshe, mehn shuh gabs kha shinanih, lungkhu kar mah limmih kha dohkhemmeh kha rashi gbutto khumem. ⁶ Neh tehshemeh yeh lunghkhu men pennih ah lungkhu neh shokhemeh dohlem. ⁷ Neh menjih tah mah koh nongh tah khiygha neh, ammah koh nongh khan baiwa weh yamba yuhnenih. Mannih khan shiram baiwa yeh, mannih khan shiram teireh. ⁸ Khiygha anvoroh khan mihyih weh mannayuh murrou, tah yuh wallah mah yelleh dihyah ekkhe dihgan, khiygha neh. ⁹ Ammah mah yehleh ar wahwoh gbutoh khuyum, toh mah yehleh yuh dihgha lunkhu tah kwejuh khui sunun yuh dihgha khan tukweh wihyih tah aryun lungkhu dahlak. ¹⁰ Tih khumeh weh meh khan dihgha, neh tehshemeh paroyeh, ah neh tah teumem ammah mungbureh kar mah fohmin khan ghapoh khan mannarom. ¹¹ Ammah mah teh ghapoh khan mannaroh, mah teh dihya ekkhe dihgham, koh mateh wagroh tal-tah roh khan shakkhi. Kpwatin mah ah menuh man for shillah khan mannanim. ¹² Ammah tih shorimeh, neh teshemeh ah mungburem, mah mannih kham khan fohmin weh ah pennuh yamba, kuma mah mennoh dih khan shakkhi, mah shakkhi kha forton shillam. ¹³ Mah fohmin kham khan kpwatin weh ah pennuh yambam, mah mehnoh dihyanih khan teh, mah teh kha gbuk dihgharom. ¹⁴ Lungkhu kpwatin weh ah khewuh yambam, nashanih lungkhu mannanih, Sannan fohmin weh ah khewuh yambam, tehmah tah nashanih lungkhu mannaro weh anbih, mah khgishem, shibba mah ar dihyah shibban kpwanghim ammah khulih yehleh nashanih. ¹⁵ Ammah mah shelleh andihgha weh ahanbin pergho, mah wohshenin kwenih, Tih shiram sheh, molnon kpwatin khan fohmin mah gbuto alkawali mam, yamba yehghemun tah mah khameh dihyah khan tommon yah losho. ¹⁶ Mahyih pennoh klhanih shira for mannayih tah dingh nih? Koh mah khe pennoh khanih kher kpwatin kher for mannagho tah dinghrei? ¹⁷ Bari mah koh nongh yuh, rayuwa khigha weh mungbureh tekkho mah shakkhi yuh, khiygha weh yamba yehnanin. Tehyeh shirano weh neh menjih ikilisiya piph yui. ¹⁸ Lihnyah kham khan khallan bwale pennen yirenih tih khokho menuh yamba? Khahfgha dingha petuh khiyghan luhnyah weh ah khaluh bwalenim, billangh lihnyah ekkhe khan lohbam tundah khekho yamba? mah shakkhi kha bih khallan bwalem. ¹⁹ Lunghkhu khallam bwaleh koh ah khallanim, tehyeh ah paroh illoh yahbonghim. Weh tah illoh yahbangho shine khan yuh weh yamba menjih khen yui. ²⁰ Mah khonongh sheluh tukkhu yeh weh yamba yehnanin pallagh weh khekhonin. ²¹ Mannih meh shebeh palangh weh, yamba yehnenmeh? kar meh kha Kpwanuh yah bonghom, ammah mah khe khan kho-kho weh weh fokkhugho, waruh khen yui. ²² Lunghkhu weh mungbure yehnenin palan weh shakkhi shebbeh. ²³ Ammah mungbure wattuh bidenih kishemah mah, linghyah weh bidahnih pallan weh khekhon yamba, shebbeh neh tah doh mungbure. ²⁴ Pilghemeh kha kulben gbeh lunghkhu khishe muh kha dihya shebbeh tih pir lihnyani. Mah mulanghnoh tih tah-lah kohnih weh munta teh pallan weh yehghen mun kha mun fohlosho, khameh sheluh khishe khan yamba. ²⁵ Menjeh tihkhu mir weh ah nau yuh dihgham, neh ekkhe khan mannih dohka tih pir lannoh yambam. Ammah neh munyih fokhnoh khiygha lihnyah, weh tih tal-lah yungh yahbongh noh yamba, weh mennan. ²⁶ Tukkhu khishe, lunghkhu yinglangh weh tih pir wattuh benjeh-benjeh. Tah yuh wallah mah lihnyah dehnih khiji wen pishih. ²⁷ Mah khe khelanih kha parohj fohmin? to khar kha banuh yanci tih pirtom khah khelanih khan paro fohminim? Toh khar kha ban dihk fohminim. ²⁸ Ammah mah khe yoh dihgha mah ah dahkhilanim, koh fohmin weh ekkhe khan dihgham, yoh dihgha mah mohtoh ah dahkhuloh wem. shekho mir weh khan jihgha, tah sheh venneh iri-iri tih lokaci weh yehleh dihyih doi, neh menjih ghape man khan tei. ²⁹ Tehyeh wehneh tih pir teh wemeh mah muhlanghnoh, ekkhe lokacim. Mah mir we h khan shelep, mah yuh rayuwa khioygha shun ekkhe khan tem. ³⁰ Mir ankhuyih mah yuh khiygha shun tih pir yuh shullo, miyih antommon yah bongh meh yuh khiygha yahbongh yuh kpananih mir anpilan weh mah yuh khiygha shun ekkhe khan wem. ³¹ Mir weh tih shuh khu phebe, mah yuh yuh kheygha shuhnar pir shuhwem. lunghkhu kaida khu phebeyeh wannah tah kpadanih. ³² Mir weh tih pir shuh khu pheber, mah yuh yuh khuygha shuhnar pir shuhurem. Lunghkhu kaida khu phebeyeh wannah tah kpadanih. ³³ Neh menjih formeh tah tunani weh gbeh, mihyah weh ekkhe khan dihghan shoshi loshonih tih khu fohronh mungbure, yadda tah muttenih yahbongnih. ³⁴ Amma mihyah an dihgha lihyih loshonih tukkhu weh khu phebe. Yadda shakkhi tah multoh yahloongh mannanih. Yahbonghnih ghapanih fohmin dihgha koh lah fohmin, lihyih loshoro tih khu paronoh mungbure. Yadda weh tehre gbultoh khuro tah shikh khan tah JIlib. Amma fohmin dihgha, lihyih loshoro tih khu weh khu phebe kha yadda weh ter mutton yahbongh mannaroh. ³⁵ Neh teshi wisheh lunghkhu meh, ah lunghkhu neh mashemem. Neh tekkho sheh lunghkhu wen wallah, yadda mer bin mungbure ah kha mannih ghapoh yahbonghi mem. ³⁶ Amma mah mannih balyih yahbonhnih tah shakkhi ahyuhyih wen wallah tih lah-khunyohnim, mah terh kho-kho sheneh dihgha, sheh digho doleh man shakkhin yuh weh yah bonghnih mengho, ekkhe damuwa yehleh tah wahwoh yuh dihgha. ³⁷ Amma mah yahbonghnih ah sharui paro fohmi nim, kuma shiknih moshiyin kuma gbutiyih khunih, har lihyoh teh bongnih tah shakkhi ar nau shikh lah khunyonih, wen shakkhi banyim, nan sheh yoh wallah . ³⁸ lunghkhu sheh, mah lihnyah weh dihkho lah khunyonih yoh wallah. Amma lihnyah weh khuroh dihk lahkhunyonih khoh-kho khu. ³⁹ Doka dihgha kham tukkhu fohmon im mah mannatoh kham tih khu phebe, ammah mah shakkhi murrou, kham khan yanci ten dihghu lihnyah weh teh menjih tah bonghro. ⁴⁰ Amma tah shennoh, yahbonghro tah yuh tommon im mah tah yuh dihgham. Neh yuhyih tunnayeh ney khan jihlim yamba.