¹ Paro woshina woh munani tijilim shua mupeno shikkhumu awani tih ghag dan mernan dikkho tei. ² Mekhenou khera khepeno weh pip pedean enyare apenweem. ³ Manou menjikhakhei yeso, tirereh pononin shakkhi. ⁴ Makhisshei, paro shuwoshina Jilim shua, mupeno dakkhilang Jilim tih khupebeye a manniwem. ⁵ Paro tah yeloyeyi tah yamba tipirin nongweh pir illani tih ghag nanti khupebeh khigfha weh yamba gbagh. ⁶ Tipirin munu yamba dok, tahmu tipirin shakkhi weh pip, munu diyani tiya shilani. ⁷ Yushuberye awememme pibim pishbi, memmeh tah mangho folimmiu, shunun shu weshinaye khigha yuan manna weh ti limmi. ⁸ Weshina an waemun yadoni yambam muna liyikhumu kha auwoh paro woshinam, mahmunashum muna maliyi yattem. ⁹ Lishighe tikhu weh munghe wane sheye a gbaddanim. ¹⁰ Yoh wala manni wehshigho, wekhan penno weh, peri shuweh timina jilim shua. Aparo khan yukyavulum dighero wata shuani jilim shuam. ¹¹ Paro penangho paro khulli limmi khan wenshua, sheleni yeso we murou, dakhulou. ¹² Makhe dakkhulo wetipirin mologho kha watu khen tenni kheyo khan yeso. ¹³ Makhisshei mawoshina likhegho tilimmi kheren kha addolom milang teyenari yuwe molono tah shughanim.