¹ Mah khe khan damuwa khan mannih kher sarnih khen warnin pir khon pir ankhan weh ah pennu wen khullim, tukkhu weh kher warghenin pir lihnyah weh penno wen khullim. ² Manih mah penum, tah ambih neh tah yuh khon tih mir khu phebebem? Kuma in meh menneh mer mun khon tah lihnyah. khu phebeh, tunda meh pennoh khisheh, mah lunghkhunih mar bagro yah tal-lahmam? ³ Mah pennum tah khameh neh tah mun khon tih anshuranoh yambam yah? balle khon khu. ⁴ Im mah mer wahwoh khonuh weh shapo weh yuhyuh palangh-palangh, mah lungkhu nih mer warrun paro shiran shei tih wehah an dimmoh yambam? ⁵ Neh tekkhemeh sheh lunghkhu nen gbughe mah yah vullum mah. Mannih ekkhe mannih dokh tih tal-lah mah weh tah bagroh yah tallah mah muhlanghyem? ⁶ Ammah khiji weh meh pennou, ambih dan shir p[aro shikh maolnih dan warrun pir khon, kuma tah doh ankho weh ah anbim. ⁷ Mah ekkhe dihyin fbangh tah lah -lahmeh anbin tehyeh shohkgho tah meh kasho. Mah lungkhunih khar dehhuy dahkhilan wam? lungkhunih khar menih manih shusheghon. ⁸ Ammah neh dahkhulgho weh tih manih, men shuhyehyuh, yehleh kuma mah muhlanghmeh. ⁹ Mah pennuh tah mir an wih yahbongh ar tulluh mulkinoh yamba? meh kha menuh kha shahwam, khan an jinah, khan an wahwuh khinimah khan anjinnah, khan karuwain kpwatin khan an shinnanih khan shabir. ¹⁰ Khan anjilih, khan anshol kulberh, khan anshe dihyo we h, khan an ful-loh ful-lih khan an la woweh, piuph yuh ar tullih piddihnoh yambam. ¹¹ Kuma khakhisheh manih tah tal-lahyuh, amma vuddighe meh im mun meh tih yamba, magrighemeheh kho-khomeh tah dohnoh yamba tah tal-tal shommo mungburemu yeso Almasihu kuma tih pinnoh jillim noh yamba. ¹² Piph weh tih pirnoh, wen wallah. Ammah ah piph weh ner yun fohro khan tem, piph weh wen wallah tih pinnoh, Amma nar mennih mannih wen khiwuh khunon. ¹³ Tohyoh gbwenneh lungkhu ahgho, ahgho kuma lungkhu gbwenneh, amma yamba tah fohyeh yun piph, Ah bagtuh shikh lungkhu jinnan, Lungkhu khihshe, shikh wennoh mungbure, kuma mungbure tah mundoh reh teh tah yun fohron ¹⁴ Yamba, illugon kha mungbure, kuma shakkhi tah illon kha munuh lungkhu banghnih. ¹⁵ Mah pennum, yahshikh meh gabobi noh mungburen? Ner sharu shiknoh mungbure nen shinna kha fohmin? Mah yamba shawuh. ¹⁶ Kuh mah penum, piph lihnya weh dihyih khan fohmin an mennuh kpwatin, yehleh dihgho shikh dokhim? Khiygah weh paro yamba tekkho, yehleh pellouyuh dihgho shikh. ¹⁷ Amma lihnyah weh dihyih doh khan mungbure, dihgho jihlim dokh khan shakhi. ¹⁸ Meh sheuroh yuh jinnah! piph dingh weh lihnyah yuhyih, yuhyeroh kha shikhnih. Amma an yuh jinnah, teireh talleh shikh khan jihlin. ¹⁹ Mah pennum shikh mah yahminah jihlim weh wallam? weh jihyih tah tal-lahmeh weh meh weu tih pinnoh yamba? mah pennuh tah shikmeh ah weh mem? ²⁰ Pilghemeh khga kulben gbeh, tukkhu khisheh meh wahwuh yamba kha shikhmeh.