¹ Mun khungho tah meh shinyih kha shabirmeh, shirin weh koh mijih weh pennuh yamba mah ah yuhyim. Neh shiloh trah dokh tih tal-lammeh shinjih khan mannanoh tahnih. ² Kuma mentih tih yuh, fahariya tekkhui khadangh. A maimgko men dihnah tah khuiyim? Mah perrun kha mihya weh yoh shiram wehyeh tah tal-lahmeh piph. ³ Amma, lungkhu neh ekkhe khan meh tah shikhim, amma tah jihlim khammeh doi. ⁴ Neh righo neh kpadoh fokh khon lihnyah weh yoh fohroyeh . ⁵ Neh yoh khihsheyeh lungkhu mah nem munnih tih limmih mah buhghu shikh weh tih pehbeyeh lungkhu ma jihlimnin weh war pirno yeso pallanghreh. ⁶ Shehlan yahbongh meh ah yuh Mah ekkhe dihyin fbangh tah lah -lahmeh anbin tehyeh shohkgho tah meh kasho. Mah lungkhunih khar dehhuy dahkhilan wam? lungkhunih khar menih manih shusheghon. Ammah neh dahkhulgho weh tih manih, men shuhyehyuh, yehleh kuma mah muhlanghmeh. pennuh lah yis lahwiu dan dakhu yah dunkulem? ⁷ Meh vuddoh khumeh kha manyan yis lunghkhu meh weh dunkule mun fohyeh. Shiram khum bam weh ekkhe yisim. Lunghkhu mungho lanoh yamba hadaya lah dinyih weh idi. ⁸ Tukkhu sheh, khameh kha yuh idi mum kha manyan yisim, wato yis tabi'a khan yanji lunghkhun shei, khameh yuh bukimu kha kumbam weh ekkhe yis weh aminci khan khulliu. ⁹ Neh balligheme tah pallah weh neh munghe meh ner mah meh kha gaukhu khan lihnyah an jinnam. ¹⁰ Nah teuyih lihnyah anjinnah shiram weh tih khu phrebeyen. ¹¹ Koh ansholkulbe, koh an lauwoh weh shen koh anwahwuh khundul, koh an fullo-fulloh, koh an shehdihyoh weh, shiram mishe khar meh shuh weh khan shunnum. ¹² Lungkhu tah wannih kho-kho ner tah yuh khen tih mir weh ah pennuh yamba? ¹³ Ammah yamba neh an yuh khon tih khu lihnyah weh tih pebbeh, meh perrun kha lihnyan shu'ah reh tah tal-lahmeh.