¹ Sheyeh minan linya weh banighemu,kha shebbehni kiristi khan an shuppiyoh tukkhuyanni khullini Yamba. ² Tikhu weh bohmi an gbuttu weh an menan din khulli. ³ Lunkhu tipirin khan nei dighero kon mun tom tipirin khan khei khan pit kon. Lunkhu nei nah kon khunom. ⁴ Nah pennom kha yuwan ye tipir konnim ti khunom, lunghu she ah diyoh nah an ding.Lunghu an konnoh nin Tahmun. ⁵ Bonje mekha foroh fok tikhu weh phidang ah liyannin khu shilah, tiyah dohnih Tahmun wattun. Shakhi ta wattu kha ahlang tipiri khan tukkhiya pirin dilli khan Allan khu yah losho. phonon ta khewu pir wau tipirin Yamba. ⁶ Ɓonje, yamminano, Nei banau chiram khokho tikhunou khan Apollos lunghu khughou,lunghu tipirin khan muno kheri penou khu tewan, kheren kha kho tikhu ballanni."Lunghu ekkhen manimem mah kha shokhoroh khunim tikhu chinimanim. ⁷ Mah nong wayichik yah shakkhi no khan mollonih? Makhe khan nih weh ah munghonim? Makkhe khekhou m wahnei, mah shokhirang khui khigha kha yuh chiram? ⁸ Elenkhu meh khan pip weh meh menji! meh an kparah! khe khekhou gburani_khan shop chigo tipiri khan muno! Bonje, nei khur kha gburan kho, lunghu mun gbure kha shabir. ⁹ Nei Ningho Yamba khan limun an shuber tikhu mi weh linyah tikhu kho kho khan shiram mi weh liyou ti kho kho muroh. Yelleh khan diyoh an teuwani ti khu phephe_khan an bahbuk, khan shukkhoding. ¹⁰ Mun ankhankhum elenkhu Yeso, lunghu mun an phenan tipirin Kiristi. chimom muntirannih, lunghu chimon kpang. Meh gbuttu walla, lunghu yelleh khurou kha gbuttu. ¹¹ Tikhu weh bonje khuyam khan ischiya fok, mun an kinni khekhou chimon, munnoh gbukhilanni, mun ekkhen khan wem. ¹² Meh fbangh tah lah -lahmeh anbin tehyeh shohkgho tah meh kasho. Mah lungkhunih khar dehhuy dahkhilan wam? ¹³ lungkhunih khar menih manih shusheghon. Ammah neh dahkhulgho weh tih manih, men shuhyehyuh, yehleh kuma mah muhlanghmeh. ¹⁴ Nei yu meh ballan nen mummeh kunyam, nen kparemeh men diyoh menan chimbanoh. ¹⁵ Elenkhu mammeh khan lutto kpummoh an millandeh ti pirin khan kiristi, meh ekkhen ta mun gbeh. Elenkhu neh minan tammeh tipirin Yeso kiristi tipirin khan an shuber. ¹⁶ Nei tipir dimmemeh meh diyoh an chiramnoh ¹⁷ Lunkhu tein neh shuttu Timi, an menannoh khan lahwu an Shiloh Tahmun. Shakhi tah diyoh an khantemeh tih khokkhoni Kristi khigha weh Nei shuppilghemeh tih khoton khan tipir dimmah. ¹⁸ Bonje biddimeh diyou an shockhroh khui, khigha narih Nehru pirin khan mem. ¹⁹ Nei tah wattu pirin meh bonge, tikhu menan Tahmun. Nei tah pena ahri khu teppilan paro weh an ɓanfok, nei weh shik ɓanyun kha ɗoo no. ²⁰ Elenkhu pirin khan Yamba ah diyoo pir parom pir fhor dok. ²¹ Mah meh menji nii? nei wattu kha shanda? ko kha menan khan jillim mun kpang?