¹ Meh ban khunguh jilim, elen khu boing kher yuh perya. ² Linya an-yuh fohk jilim ar pir yuwanih tih linyam tih yawanih tih yamba. Ingen linya weh shiligenim elenkhu shakkih tekkho weh kha tukher trih jilim. ³ Linyah weh yuh perya tekho tih mem. Men elen khu man digyuna man munjun bang yah vulum, khan mah tunneyu., ⁴ Linyah an yuh paroh perya tih dig khunih, linyah peryah tih digminah waw-wah. ⁵ Bonje kiche pip meh tah yuyi fohk jilim. Tah kho-kho kishirai neh ningih kher yuh peryah, ⁶ Linyah an-yuh p[erya wallah tih khu linya an yuh fohk jilim (Sheh mannih mangoh fohkg elen khu mah minah waw-wah gburiy). ⁷ Bonje, mullanno, mah neh wannah piringo khu foh jilim, mah ner khum tomongoh kha yaggai? Ner wawanim, sheh ner yuh paroh khan me kha ruha, kho kha shigon, kho kha peryah, kho kha shuber. ⁸ Mah weh, weh ah fohdih shunnah, khigah mah butu-tu khan moloh, elen yun ah perih wallam, mah elen khu mannih tah pen weh khe pir piyanih kho gbuganih? ⁹ Mah piy gbagah wallam, mah nong tah yuh dammah kih? kiche tiyah tallameh. ¹⁰ Mah meh yoh paroh khu manih fokg, mah linyah tah pen weh khe pir tewwanih kha yaggai? kher yuh paroh ingen linya weh tah shilanim. ¹¹ Khan fohk shiram-shiram tih khuphebeh, ingen weh ah shilim. ¹² Ner diyih mibah tih an-tewwanih, an tewwanih tah diyoh mibah tih pirin nei, kiche tih tipirin meh liyoh bong kha khungah jilim peh, meh men ban pernan tiyah khunguh weh dig mina waw-wah, Linya an-yuh foh jilim mah dimmoh penan penguloh fohkg. ¹³ Mah neh pir yuh dimmah kha fohk jilim, jilimno mah you dimmah mah yabongnoh kpananih. ¹⁴ Mah ner yuh nih? Ner yuh dimmah kha jilimno, ner yuh mannih dimmah kha yabongnoh. ¹⁵ Ner yuh follong khan jilimno, khan ner yuh follong khan jilinoh. ¹⁶ Mah kichen mah khe pawoh yamba kha jilim, mem-mem ah pen yambam tah tewwan tah yaggai, "Pammoh" mah khe pir pammoh yamba mah yeleh pen weh khe pir tewwanim? ¹⁷ She munjih mannih pammoh wallah, ahminah monnih ah diganim, Neh pammoh yamba weh neh khokhemeh teuu fohk jilim. ¹⁸ Ahmmah tih minah waw-wah ner teuu alparoh fat kha fohnah elen khu moh shoriti shilinah, tih khu paroh jilim luttuh kpammoh. ¹⁹ Mullanoh, meh kha diyoh yitih shibah tiya bongmeh. Mah tiya limmih, diyoh peddoh. Tiyah bonggoh khe gburanih. ²⁰ Tiyah fohran fohk ballanih "Kha mibah linya khan kha dak mibah, ner yuh paroh kha mem-mem. Kho milang yeleh ah shiliyenom". Tekho nin yamba. ²¹ Ahmmah milang, dak shuwan weh, ah tih mem-mem weh pennoh yambam, ahmmah tih mem-mem weh ah pen yamba. Yuyi peryah elen khu shuwanih, ah tih mem-meh weh pennoh yamba. Mah kiches shoriu minala waw-wah (Churh). ²² Tah watuh pip yahyuh fohk jilim, mem-mem pebeh khan linyah weh ah kheu yambam lihnah, yeleh ar tewwanih tah lung tih khumem? ²³ Mah meh piryu peryah pip mem-mem weh ah kheu yamba khan linya pehbeh mah lihnah shakkih tah men pip weh shukkih shilloh. Tah menanih liyah bongnih kha paroh pip. ²⁴ Tukkhan weh tiyah bongnih tah pettuh pebeh, elen khu kiche, tah gbol khunih dimmoh yamba, shakklih tah tewwanih kullih yamba kham tiyah tallamun. ²⁵ Mah mannih nih mulannoh? mah meh diyoh dok, kho-nong khan Zabura, khan an-shuber, khan paroh peryah, tam (Ruya), khan dak, kho kho khan penguloh foh paroh yuh weh pip elen khu mah khen dig minuh waw-wah. ²⁶ Mah mannih yah parfoh fohk jilim, mah yeleh kha diyoh pelou kho gbunum, ²⁷ khonong tah yuwanih, mannih weh tah penguloh fohkgim, mah pip yun meloh tih minah waw-wai. ²⁸ Mah linya yuh paroh khukhunih kho khan yamba. ²⁹ Mah an-shuran pelou kho gbunum muh yuh paroh, mah dishi gannoh khumoh kha paroi. ³⁰ Mah dok tiyah dishi gawwan mem-mem, mungu piri mah. Mah yuh paroh, pip linya weh tiyah minah waw-wah mah meloh. ³¹ Mer yuh peryah kha dok-dok elen khu shgorih tah mangani bong tah neg yah vulum yun. ³² elen khu jilim an-shuran, tih lungnih an-shuran, yamba ah-janguloh khum, shakki yamba gau-khui. ³³ Teyeh minan kho-khoi tih mina waw-wah an-khumen pip. Fohmin weh tah diyan kha fohroh tih minah waw-wah. ³⁴ Ah munjun kho-kho parom. ³⁵ Elen khu kicheh mah yeleh mun gbure khiga weh ballan paroh tek-kho. ³⁶ Mah yeleh minji man shupeyun kha manni wei, mah yeleh mai mannayun tih minah. ³⁷ 38Tah diyoh lun tih fohmin yuh paroh tih minah waw-wah. ³⁸ Paron yamba wannah tipirin khai? Kpadan khai weh shillou? ³⁹ Mah mannih ningih tih khunih mah shakkin diyon an-shuran kho an jilim, mah shakkih pen weh neh balligemeh paron. ⁴⁰ Tah mun gbure mah linya ah pen teyem, mah shakkih kha penum.