¹ Bhonje neh mehnji men pheni meh mah mohlono, an sharu pharoni yamba neh tih piri tehweme wei wah weh kekou khan tih kuh tei mah selkoun. ² Khan tih tei mah mehi dehoow bhagh, tah mah sharoko zauwal tih ku alpharo dahn ne tah suppheme mah kehceyem tejwan kullehmu, biyow ya waw wah ne. ³ Neh wei neh tih piri teppileh me weh dhog wai wahlka tah neh wai neh munji keh wani, taih kiristi muhkou Ehglehg kuh dehg sikmu wei tekou nin alpharoh, pharoni yamba. ⁴ Tah nahgkeni tah shaku khan Illeku tih tsennin gbunum wai tekkoun nin alpharo pharoni yamba. ⁵ Kiristi phehnna tih yah dehoyin puht tih dohohni sipas khan shibbah fokni gwamo tuhla pheleui. ⁶ Shaku khan phehtun tih yah dohyuh suhnu khokou sik, sik sau fait pheep kehren muhlang dok gbahi yuh tih cehki bhanbiri khan dohyuh, tih cehkin yu mahnni sihngehyu dohtson. ⁷ Tieh pheshirerei shaku khan phetu tih yah dohohni yakub pheepyu khan (Apostles) neh nah pheenu tahi tah yehnu khan (apostles). ⁸ Gbahdahn khui phehp shaku pheetu tih pheren khan nehi, mah tah mahni lehw lahw waih tehleh lehpheri a gbadohm. ⁹ Neh (apostles) tah nehi a lehyahn kpang wai tah yehno khah apostle tah pharoh nei yunkohn vehne khan lehnyahni yamba. ¹⁰ Bhohnje khan mehnani shaku yamba, ankuya neh lehnya tih cehki lehnya khahn mehnani tih phirin khan shaki a tih kwani wahnani khan khitse nehtah yuhkho fooroh wahnem. ¹¹ Khan khitse nehtah yuhkho fooroh wai kpang tih khan suhnu pheep, tah bhonje pheehdahge a nehm tah khan khumihn neh yamba, shirerei kham khan neih. Bhohnje mahne mehne nehii dahn phemehya muhnu yuhkhenyun suhpher mai mehnikon. ¹² Bhohgje mah kiristi shan sharehyu kheka suhnu Illeh tih yah kuh fohle, mai tih cehkime Ehykiye meh wei Illiekow tih ku fohleh mah? ¹³ Tah mah mai ehgiyeh Illahu phahlang Ilan muhro an phenleu, dahng Ehngiye kiristi Illiekhom. ¹⁴ Tah kiristi shahku a illohm dahg supphermui biehgejnoh yah, waw khan wayu kullii mah wahro tiehya wahwu. ¹⁵ Khan, muhnu waihnamu khan tehwu pharon gbahim tih khuni yamba tah pharoh muhnu tai yamba illihkon kha kiristi h=tih muhroni. ¹⁶ Tai shaku atih illohn kha shakhin tah malitah wahwahni tah khummo atih illahim. ¹⁷ Tah mah khummoh atih illahnim, tah meahni a kiritim khan illahni. ¹⁸ 19Tah meh wai suhnu shinje yuh ndutson tih kiriti tah yuhyun kwain. ¹⁹ Mah kheren tehye tih yahtta lotso lehyan bhogh tih kiristi tih phiri lehgya pheep munu khame pheep kehlani. ²⁰ Mahi bhongjeh kiristi mah illou tieh kah muhru waih shaki murkou kihka leah vuhroh waih leaw foohyohi tih meh suhnu shimkou. ²¹ Tah phietsi kuhmo wahna enlegku mehya khan shaku wahna pharoh phikrahni tih mohro. ²² Mah kihka Adamu suhnu muhtuw khan tih kiristi pheepyun suhnu tah dehyahni dohoyun. ²³ Tai keh nohg keh kan tehwani kiristi mah nohg shakhi leah vuhro, khan meah wai tih cehgnu kiristi shakuh tah dehyani tih mealeh wai tah tih wahtuyeh. ²⁴ Tai tah dehro mealeh wai kha kahn Gbahdahn phalang mah shaku tah whotso foohro kuh jukkub yamba, shaku thamun dahn mah shakutah (abolish) khu khereb pheep khan mohnanfok, bhogh. ²⁵ Khika shakhi tah suhna kub tah shaku tah dehnun Anbahnyoh tih guhnni soonni. ²⁶ Anbahnnniyohi waih kha biehye tah tahpheeyes khan mohro. ²⁷ Taih shaku dehnkhon waih pheep tih gunni sooni taih mah yehlo tai mah shaku lehkon waih pheep". Tah akha tuhgkerum wahye atih gahwun khan dok wai dehgkohn weh pheep tah muhnu khoko pharoh tih phirin khan shakhi. ²⁸ Maih wai pheep, kehren tih phirin khan shaki khan tai mah lahni shaku kha dohni tah dehyam forforuye khan tih phirin khan shaki, tah dok mahke nohg wai deghnkon wai pheep tih yahtai forforui welh tih phirin khan shaki. ²⁹ Tah yahkai meehwai tah yuahni phietai biehnikeyu pharo muhroiyah? Tah mah kuhmo a illohm forkdogs tah may pharo ne yukeyun bienekohn khan suhnu? mah. ³⁰ Tah yakai muhnu khame tih yahta phieran waiya. ³¹ Suhnu tehnkhoh anyiem tih palang. shaku muryi phalang palang tehyye kulle khakhia khikha neh tih gohdoro sikno tih phirin khan shakhi neh mah nehkhan tei tih yah sikni kiristi yeso thamun gbureh. ³² Neh, khgam mah ne waiyi ne tih phirin soohkoh digh wai neehghoo mai tah ne wawo kham wahlaro tieh afisawa mah dahn a illoun kha muhrom? Tah muh khama sohru khan cehni wahkha dooyi muhtah murani. ³³ Kehren mah manni kha dogkekuhm dagkhilang shiramyu anjijilo wahglah wahi. ³⁴ (Sober) Ghag whosikhime wenkpang tah mah mehkha wuhtso digk tih sikm mem pharo manimei tih cehkime engiye khan uluk kweimin yambam neh tih phir tehwe meh tehye tih yatta yuhgsikme. ³⁵ Tai mahnimi tah tehwanbi mah tiekhai mieyi wai murkou shunu illienai tah mah shiram sikne tahi suhnu tah wahtu? ³⁶ Mah an luhg mahkeh yuhko pheeyen atih phitu khan sikrom mah mohroi phenin waih mohrani. ³⁷ Waih mahkhe pheeyu atla sikro waih tah pheetum tah alei shine tah pheetu siktah shani shon siktah suhghani. ³⁸ Shaku yamba, tah mohnun sikhi kihka weake shakoui allehroi pheep tih siknohuni. ³⁹ A tah leloh pheep keren waih dohkm shiram dogkm tah klhicenye tah mani look tih sookodigk khan nin mani loohi wah looh anphali tah kham mani loohlye tah deuyo dan mani wai shilip. ⁴⁰ Kham nihn mahnni sik waih tihrah khupheephe khan sikro tah khughoo kuh phephe sikro dogk sihramroi khan kungkani khu phephe to shirerei mahnni. ⁴¹ Tah kham nin khungkani phalang khan mahnni khugkahni teeleh dahg kha mahni tih phaiyal phaiyal dagk kheren kha dogk dogk khan mahni phaiyal tih ya khungkani. ⁴² Tai mahni phalang Ilan meh wei yealih muturous mah tah phinani tah yakai tah yourun kwan kwan mah dah nih ilou tih phesiye. ⁴³ Tai sookoi engiye muh nan gbure tehye illiena tieh yahtta kungka tai phenna tih an phiel yahlotso tai illou tih yatter dehghi bhohg. ⁴⁴ Taih sukkou jihrenm sikhi khalang khan ilahi tih yattal jilim sikhi bielang atih phihnkutum akha kha toohmem tai jihrem khan taih jilimin sikhi. ⁴⁵ Bhan taih bhahlani bhali mehya wai kohbihna toohm shakhi Adamu shaku ankuiya shakhi dogk khan dohni an takkiyoh adamu shaku dehyo tah lehdihyo shiramni sohkko dihg khan muhnau jilim. ⁴⁶ Tai jilim sik khan guhlum sik a tih wator dokum jilim dehyehro kha fook khuro. ⁴⁷ Shaku mehya waih lehkehni kha doohm tih ku pheephe yuhkehni kha illih. An pheelehwii mihya shakhu sahna tih ghaigk. ⁴⁸ Bhan chikah suhndokhi pheehna tih yah ilih tai mah mooloh wai yuhkeko kha illih, khan miehya kihka miehya watihg ghagk, teiyeye mah mieye mah bhan tih ghagkih. ⁴⁹ Bhan kihyikha muhnu waih lehdikehmu khakha shiramni mieya waih pheenna tih yahtta illihi phihpmu muhdh dehyani khakika shakih mieyah waih tih ghagkih. ⁵⁰ Bhonjeh tehye, mohlonmu with tih yah lotsik khan toohm a tih wahwo cehddoh kuh juk kuhne thahnim yambam, Attih youhnim khan pharo yourohn kwaih tih tih wahwo cenddoh wai attah youruhn pharoi kwahnum. ⁵¹ Meah yuh neehgho wahla nehtah tehwehme (Mastry) pheepmun muh kehren kah shihna dotso nehm tai mah muhnu yubru way wai kohkou kitrsei. ⁵² Tah muhnda koh kitsai tih ndohnw, Tie cehkih shibbah zohni pheeleu wai muhn tih nehkahni tih Andoh, kahn phalang pheeyu john loh. ⁵³ Tai Johnloh eahleh meahnduh kahn mieyi wai suhnu muhturou phietsi suhnu illirilahni tah suhnu ehgiyeh kahn yuhru kwaihn tih kuh yunum khan jihruhm sikyuh yeh tah dehnuntih yah immortality. ⁵⁴ Tah bhonje pharo kwahyeh kwahn lotsik tai tah lieyani trih yahta meahna phiri neetsoi atih wahrenim phiri kwanim khan lotsiknim tai tah wahtun kah pharo wai tik tehphilani taih bhalirironi tah illih kahn dehlou wahru kuhmohi. ⁵⁵ Kuhmoi mahi tohg kuh fihlenkoi? kuhmo, mahi tohg kuhsting? ⁵⁶ Wahlah fohro dagkilang way muhro. khan muhnan fok wai dihg khan dehro kuh kehreb. ⁵⁷ Tah mah yuh phammoh tih yamba an kuhiya wai shaku muyhukehmu kokoi wai warkehmu phirihn thahmu gbure yeso kiristi. ⁵⁸ Mah yuhkoi kihsehye meh mah mohlono meh lierun dohomeh (immovable). Phalang phalang meh yuh dehyah kah yuh fooroh fooroh tih thahmon gbuhren pharo mah pheenoh touhn foorohnme tih phirin thahmon gbureh atih kwahni whanehm.