¹ Khigah neh yuyi paroh kha foh linya khu kha foh an-fochoh. Mah nah ingen kha menan nim neh diyoh khigah mangalim kho gogem. ² Mah khiyah neh khan khunguh perya khan pen pip tukkhan kullih khan shigah, khan neh khan khumen for gulleh. Mah nah ingen khan menan- nin, nah manih wem. ³ Khigah neh mungoh pip weh neh khan tei man khaulon an-khinnih, khan neh mungoh shinoh mah khuluh. Mah neh ingen kha menan-nin, nah yuh wem. ⁴ Menan, shummih locho khanyuyi wen wallah, mennan ah yuyi mushim, ah fuhlim. ⁵ Ahgbudi khum, ah yuyi bang fohkgim, ah waw-wih khum, ah kpaniyih yabon khumun-nim, ah khawih kpanan yabong, ah yuyi gayak tiyah dingim, yuyi gayak tiyah dingin. Khumen. ⁶ Sharih weh pip, khumih weh pip, khan bang shik tiyah tallah weh pip, khan shummih weh pip. ⁷ Menan ah kpadim. Mah kham perya, tah khowanih. Mah kham dak tah shelanih. ⁸ Mah khan mun tah khowani. Mun pennoh tiyah ghulum khan mun penneh muh yuyih peryah tiyah ghulum. ⁹ Mun kpang wannah mennan yong weh neh lauh, neh yuyi paroh ¹⁰ khigah lau, neh yimmih yabo khigah lauh, neh yufunih khunah khigah lau, weh neh gburous neh windoh weh shibah. ¹¹ Bonje mun ningih jilim khumun tiyah bokah, bommeh munda wehnih ando-khan-ando. ¹² bonjeh penan-noh gag-gag, Tih pallangrai ner penanih khigah weh neh pengon: ¹³ Bonje tei gbunum, banbirih: khumen bang tih tom, khan menan. Wallah yah tallayun nin menan. Meh tammoh pir shimeh kha menan.