¹ Paroh lahunguh jilim mullanoh nah minji meh khuchoh pencin nim meh pennou weh pirah. ² Mah khen-no-nim meh dewiy biuh kundul weh ah yuyi paron mah elen khu nih meh pir deu biyunim. ³ Mullanoh neh minji temmeh iongen linyo weh jilimnih yamba yuyin paroh weh tah tewwanih tah. ⁴ Yeshu shamanih . Ingen linya tah tewwanim, yeshu tah; ⁵ sheh kha jilim mun peh. ⁶ Bonjeh kham shiram khunguh jilim doh. ⁷ Khan minah wao wah gbe yeyi shommon yamba; khan shiram fohroh gbe, shommon yamba weh jowiyih shileh tih linyah. ⁸ Bonjeh khonong mungon khunguh jilim elen khu mah yun fohroh pip khan tei. ⁹ Linyah mah jilim munnan paroh khon walluh, mannih mungon paroh shigah khja jilim dok. ¹⁰ Mannih mungon khumen ban kha jilim dok, tih mannih jilim dagoh, ban kha jilim dok. Tih mannih fohroh bang, khan mannih pertiyah, tihn fohk tih mannih penguloh fohk. ¹¹ Pip weh fohroh khan mungouh nin jilim dok, mungouh khunguh tih linyah pip. Khigah weh shakkhi shakkau. ¹² Khigah weh shik dok khan ghuluim ghulumroh, almah tih shik dok dok khigah krishtih, khga jilim dok weh bingemun ahm (baptishma) tih shik dok. ¹³ Khoh yahudawah kho greek kho khedan linya kho bindan linya, pip yun sheyih tih jilim dok. ¹⁴ Shik ah sherlih d okrom, yeleh gbe. Mah shoh tah "elen khu nah shilam, nah tiyah tallah ghulum shikgim teueh ah yimrih mannih weh tih shini tiyah shikgim. ¹⁵ Khumoh tah tewwanih tah: elen khu nah andom nah tiyah tallah ghullum shikgim ar ymro mannih weh tiyah shikgim. ¹⁶ Mah dishih shik pip tah an do mah pir shiloh paroh tah diyanih tih tong? mah tah dishih shik piup tah khumoh mah pir shunoh weh tah diyanih tih tong? ¹⁷ Yamba lidiyah ghulum shik tih pirin weh shukkih juduwuh mah tah yeleh diyih tih piri dok, mah dishih shik tah diyanih tih tong? bonjeh yeleh ghulum gbe ban shih dok. ¹⁸ An-do ah tewwanih tih shilah, kheingen kha fohroh tih pirin-non. ¹⁹ Kho gulun-khu tennah tih shoh tah, neh ingen khan fohroh khan khem. ²⁰ Dishih shik weh ningih khigah ingeb khan fohron yeleh minan an fohroh. ²¹ Kha kiche weh ningih shorih shik kha ningoh janah, bakrih ningeyun mannih. ²² Dishinshik weh wallah ah sheh bakroh mannih shiyunim. ²³ Bonje mun-gbudinahmun yeleh ar dinimoh man gbudeyunim, elen khu yungolon yeleh gbuddanih. ²⁴ Yamba gagkho khu ghuilum pip, shakkih mungoh gbureh tih mih weh ingen kha tem. ²⁵ Shakkih yoh tel kiche elenkhu ingen bwaloh shabir tiyuh shikgim tah mah ghuluim mah ningho shabir kha mennan weh dok. ²⁶ Mah ghuluni dok shoh vereh, pip yunshoh veneh. ²⁷ Mah dok weh gbure, pip yun tah yuh gayak. ²⁸ Bonje mah shin krishtih khan ghulum yatanih. Yamba shakkho an-yuh fohroh tih minah waw-wah tih tomnin an-shurannih, pelou an-yuh paronih, gbunum an-shuber, khan mem-mem an yuh bang wen kpang, ²⁹ khungah dagoh, linya an-milah, khan miyan shuran meleh kha minah wawa-wah, khan linya an-shidiloh. ³⁰ Pip yun an-shuran? pip yun an-yuh paron yamba? pip yun an-shuber? pip yun weh yuyi bang fohron yamba? ³¹ Pip yun an-dagoh? pip yun an-yuh paroh dak? pip yun pengilih fohk? yuh mushi bang khungun bang. Ner shukho kho-khon kpang.