¹ Meyu wewala khanei, neiwe walla yeso. ² Neripiri mungho gburegho kha gbangno pip tiya weyoh khigha weh yugheme. ³ Nemenji menpeni yeso shakkhi miyam gbure enya lagbantim shakkhi miyan gbure fomin yamba shakkhi gbureni yeso. ⁴ Enyan weh shakkhi yoh dimma (anashi) khakhu liyoh khutiya shenghau. ⁵ Fomin wehyoh dimma khan (anamshi) akhel shumma tiya khurum dakkhulo khuro. ⁶ Fomin weh anumyi khurom khosho-khuro mah walam mah moto numkhuro. ⁷ Gbattin arighau khunim, pisshipisshi shakkhi yukheni penna shiramni yamba fomin wewala tipirin mannaro. ⁸ Gbattin ayuninnin formini, fomin yoh ningbattin. ⁹ Mayo gbattin ninfomin dan fomin yoh nin gbattin teh tipirin yamba. ¹⁰ Teye weyoh fomin ayuwallam yumile tin wosho yakhu wanem. ¹¹ Tipirin yeso fomin enghe khan we tah yohni fokhurum. ¹² Yofomin tipirin gbattin dan gbattin tipirin fomin pipi werh wanna tipirin yamba. ¹³ Munshabbo tikhugho, yowall fomin dimmo yamba khaya wane? ¹⁴ Weyeh awayo nin yamba tipiri yumu shuber tah mah gbattin khan shok joli tiya khuni awalammah? ¹⁵ Aweh yoh nin yamba tah fomin khan shok joli weh wallaya? tah shok weh munghero mah nbum khui. ¹⁶ Miya memen khum piri paroye mun enghe khan manni paro ti khum, munu enghe khan manni parom wehyo tiya shommoni yamba wall. ¹⁷ Tukhu tewen paroyeh, natemme mame gbakkho khume, paro we sakkhilani we ta yohni ti tom. ¹⁸ Wekha fotrom makhrshilou tei mamme wanna pirdok ti mina ghautou kham ninforo tiya talla me tom tiya tallai nekhungho piri. ¹⁹ Khume a ghawanim mewe khunghe piri ta liyu tipirin gbang. ²⁰ Mameh wanna pirdok agbanni yeso gbangme gbang we mira shuani. ²¹ Makhe shou makhedong shushegho shina pen biddi shushyu. Manni piri yallo khuyam ero khengho kha amshau. ²² Enghe me khan mina pirin we mira shuani men she. Tiyattei. ²³ Wene khenna tipirin yeso wewene mungheme, shakkhi yeso, khapiri milan khurenin sharo weni jukdan ju. ²⁴ Khayabbi weforovok badilo yattei tah teye shino yohparome, Yukherin khanton pir shino. ²⁵ Khayabbi shakkin sharlabidim tighag tah labidim wenfoye tiya tomno, sheweh kherin khatton pirshino. ²⁶ Palan palan mirin shui merin shei yun khisheye meri khatton bido shenomena. ²⁷ Shu Jukdan juk she labidin tiya shommoni yeso khaforan foni shakkhi paroni (guilty) khashini khan tomni yeso. ²⁸ Mamiya mai khuni khakhau tiya khokho teye mashakkhi shori jukdanju manshen khn shori labidim. ²⁹ Miwe shou, sheu enghe yititi paro shik. ³⁰ Gbag titallame shiyu yung khan pira gbag titallame tashughani. ³¹ Mamu maikhumu, anyumu khonim. ³² Mah yeso yughemu khon muyo pekroo muna wosho we khu pebe. ³³ Mah molono mame wanna yashuwe medank shabir. ³⁴ Miya weri piri yallo khuyam shakkhi mashu wetimina manne wanna pirdok enghe paroi khon, khan paro shoriwe khe ballou mame wanna nera temme.