1 Mbungano yoonse yakanyamuka akutola Jesu kuli pilato. 2 Bakatalika kumupa kaambo, kabaamba kuti, "twamujana uyu musankwa ulengawida cisi cesu, ulakasha kupa mitelo kwa kaisala, amane waamba kuti ngu klisitu, mwami." 3 Pilato wakamubuzha, wati, "sa ndiwe mwami wa Juda?" Jesu wakamuvwila wati, "waamba." 4 Pilato wakaamba kubapaizhi bapati akumbungano, "Tindajana mulandu uli woonse mumuntu uyu." 5 Pesi balo bakaidilizha kwaamba, "unyonganya bantu, uiishi bantu boonse bamu Judaya, kutalikila ku Galilaya akushikila kubusena obuno." 6 Aboobo Pilato nakamvwa ici, wakabuzha kuti na muntu wali kuzwa ku Galilayan. 7 Ono nakazhiba kuti wakali mubwami bwa Heroda, wakamutuma Jesu kuli Heroda, walo wakali mu Jelusalema kuciindi ico. 8 Ono Heroda nakamubona Jesu, wakakomana kapati, nkaambo waali kuyanda kumubona kwacindi cilafu. wakamvwa kujatikizha nguwe amane waalicite lushomo lwakubona malele acitwa nguwe. 9 Heroda wakamubuzha Jesu mumajwi manji,Pesi Jesu kunyina ncakaingula. 10 Bapaizhi bapati abalembi bakanyamuka, bamutamikizha kaambo cankondo. 11 Heroda abashikalumamba bwakwe bakamutukana Jesu akumuseka. mpouna bakamusamika zhisani zheebeka amane bamupilusha kuli Pilato. 12 Aboobo Heroda a Pilato bakaba muntu amwezhinyina buzuba oobo mbubwena, nkaambo kacitana sika ici baalisulene. 13 Pilato mpoona wakaita antomwe bapaizhi bapati abeendelezhi alimwi ambungano yabantu 14 Akwaamba kuli mbabo, "Mwaleta kuli ndime nmuntu uyu mbuli muntu usololela bantu kuti bacite zhibi, amane amubone, ime, nindalinga kumubuzha mumenso anu, tindajana mulandu uli woonse mumuntu uyu kujatikizha zhintu zhiya zhimwamutamikizha. 15 Pepe, awalo Heroda, aboobo mbwamupilusha kulindiswe, amubone, taaku ncakacita ceelela lufu. 16 Kikaako ndamupa cisubulo, amwaangulule." 17 Awo Pilato wakalijisi mulimo wakuti angulule amwi kaba Juda apobwe. 18 Pesi bakongolola antomwe boonse, bati "azwe awo uyu muntu, amane utupe barabbas!" 19 Barabbas walinga muntu wakabikwa muntolongo mubuzangi bubwi mu dolopo amane abujai. 20 Pilato wakababunganya alimwi kayandisha kwangulula Jesu. 21 Pesi bakompolola bati, "mubambule, mubambule." 22 Wakaamba kuli mbabo catatu, "Ino nkaambo nzhi? ncibi nzhi muntu uyu ncacita? tindajana cili coonse ceelela lufu mulinguwe. aboobon adamana kumupa cisubulo, ndamwangulula." 23 Pesi bakazumanana amazwi mapati, kwaamba kuti abambulwe. Aboobo mazwi aabo akamukoma pilato. 24 Aboobo Pilato wakabapa kuyanda kwabo. 25 Wakaangulula uyo walo ngubalinga kulomba waalibikilwe muntolongo nkaambo kalupyopyongano abujai. Pesi Jesu wakamwaaba mukuyanda kwabo. 26 Mbuli mbubaali kumutola, bakajata umwi Simoni waku cyrene, kaazwa kucishi, amane babika ciingano alinguwe kuti anyamune, kacilila Jesu. 27 Mbungano ineneyabantu alimwi anbamakaitu bakausa akumulila, baalinga kumucilila. 28 Pesi wakacebuka kuli mbabo, Jesu wati, "Nobakaitu baku Jelusalema, mutalilili ndime, pesi amulilile nobamukamwini abana benu. 29 Nkaambo alashikan mazuba ngobakamba kuti, 'Bali acoolwe batazhali amadda ayo atakazhala alimwi ankolo zhatakanyonkwa.' 30 Mpoona bayotalika kwaamba kumalunda, ' amutuwile,' alimwi akulundu kuti , 'amutuvumbe.' 31 Ino kuti bakacite zhintu eezhi alya cisamu kacitontola, ino cinzhi ciyocitika caakuyuma?" 32 Bamwi bamasankwa, bajai bobele, bakatolwa anguwe kuti bakajaigwe. 33 Nnibakashika kubusena bwetwa kuti " kaanza," okuya bakamubambula, alimwi abajai-umwi kululyo alimwi umwi kulumwenshi. 34 Jesu wakati, " taata, kobalekelela, nkaambo tabazhi ncobacita. "Mpoona bakauma cisolo, akwabana zhisani zhakwe. 35 Bantu bakaimikana kwebela abalo beendelezhi bakamuseka, bati, "Wakavuna bamwi. Alifutule mukamwini, na kuti ngu Krisitu wa Leza, musale wakwa." 36 Bashikalumamba abalo bakamusamwina bakaza alinguwe, bamatambika waini ulula, 37 Amane baamba, 'Na kuti uli mwami waba Juda, kolifutula," 38 Kwalinga alimwi lugwalo atala lyakwe, "oyu ngomwami wa Juda," 39 Umwi wabajai bakabambulwa wakamutukana kaambo kuti, " Sa teeshi ndiwe krisitu? kolifutula alimwi andiswe." 40 Pesi umwi wakamutapatila, wati, "Sa iwe tomuyowi Leza, nkaambo andiwe uli buyo mbuli ndime? 41 Swebo ncobeni tuliwano kuliluleme, nkaambo twambula celede aamilimo yesu. Pesi uyu muntu taaku cibi cacita." 42 Mpoona wakati, "Jesu, ukandiyeye wakuza mubwami bwako." 43 Jesu wakaamba kulinguwe, "Ncobeni ndakwambila, sunu unooli andime mu-paradaiza." 44 Ono calinga ciindi camashikati mudima wakaza kunyika yoonse kushikila kumangolezha. 45 Mbuli lizuba mbulyakashiya. cisani camu Tempele cakanduka akati. 46 kalila alizwi lipati, Jesu wakati, "taata, daupa Muuya wangu mumaanza ako." Nakamanakwaamba ici wakafwa. 47 Mweendelezhi wabashikalumamba nakabona cakacitika, wakalumbaizha Lza, wati, "ncobeni uyu muntu waliluleme." 48 lino mabunga abantu oonse akasza antomwe kupa bumboni kubusena nibakabona zhintu zhakacitika, bakapiluka baya bulyuma acamba. 49 Pesi abo boonse bakakumuzhi, alimwi abamakaitu bakakumucilila kuzwa ku Galilaya, bakaimikana alamfu, kabalangilila zhintu izhi. 50 51 Lino, kwakalinga muntu waliina lya Josefu, walinga umwi wababeteshi. walinga muntu mubotu alimwi ululeme. uyu muntu takavuminide akubeteka kwababeteshi alimwi akucita kwabo. wakalinga kuwa ku dolopo lya Judaya waku arimateya; alimwi walikulangaula bwami bwa Leza. 52 Uyu muntu, wakainka kuli Pilato, akubuzha mubili wa Jesu. 53 Wakautola anshi, wauzambaila mucisani cibotu, akubika mucuumbwe cakabambwa amabwe, mwalo oomo taakwe naba omwe wakabikwa kale. 54 bwakalinga buzuba bwakulibambila alimwi nsabata yalikuyanda kutalika. 55 Bamakaintu bakaza aa Jesu kuzwa ku Galilaya bakalilila akubono cuumbwe alimwi amubili wakwe mbuwakabikwa. 56 Bakapiluka, akubamba tunukilizho amafuta. Mpoona mansabata bakapumuna kwendelanya amilawo.