1 Chifumofumo mubuzuba butanzhi bwanvwiki, bakaza kucuumbwe, kuleta tunukilizho tubakalibambide. 2 Bakajana libbwe lyagushigwa acuumbwe. 3 Bakanjila mukati, pesi tibakaajana mubili wa mwami Jesu. 4 Cakacitika kuti, mbakacili kugambwa kiujatikizha ici, cakutangila, basankwa bobile bakaimikana ambabo abasamine zhisani zhimweka. 5 Mbuli bamakaintu mbubakanjilwa a bukandu amane bakavundama mashu abo anyika, bakaamba kubamakaintu " ino cinzhi comuyandaula bapona akati kabafu? 6 Taako ano, pesi wabushigwa! Amuyeeye cakaamba kuli ndimwe nakacili mu Galilaya, 7 Kaambo kuti mwana muntu welele kwaabwa mu maanza a bantu babishi amane agagailwe, amane buzuba bwatatu wabushigwa alimwi." 8 Bamakaintu bakayeeya mazwi aaya, 9 Amane bakapiluka kuzwa ku cuumbwe, akwaambila zhoonse izhi zhintu kuti bali ikumi awomwi amwi bonse. 10 Aboobo mariya magadalene,a-joana,a-mariya banyina jokobo,abamakaintu bamwi ambabo bakaamba izhi zhintu kuli baapostolo. 11 pesi makani aya akaba mbuti kuti ncaano kuli baapostolo, amane tibakabashoma bamakaintu 12 Pele petulo wanyamuka akubalikila kucuumbwe, wasondela akubona mukati, wakabona zhisani zhalike. Petulo mpoona wakaya kung'anda yakwe kanyonyene kuli cakucitika. 13 14 Ono,kuli baabo bobile baalinga kuya muzuba oobo mbubwena kumunzhi witwa kuti emmaus,wakali amamaile akali musani akomwe kuzwa ku Jerulema.Bakabandika kuli umwi aumwi kujatikizha zhoonse zhintu zhakucitika. 15 Cakacitika kuti mbuli mbubaali kubandika akubuzhanua antumwe,Jesu walo wakasika akuya ambabo. 16 Pesi menoo aabo akajalwa kuti batamuzhibi. 17 Jesu wakaamba kali mbabo ,"lno lmwe nobile mwaamba kujatikizha nzhi nomuya bweenda?''Bakaimikana kabuboneka kunyema. 18 Umwi ali mbabo ,waliina lya cleopas,wakamunvwila,"Sandiwe bo muntu eentu mu Jarusalema utazhi zhintu zhacitiks kuya bazuba aaho?" 19 Jesu wakaamba kuli mbabo,"Zhintu nzhi?" bakamunvwila, "Zhintu zhijatikizha Jesu wa Nazareta, walinga mushinshimi, ujisi nguzu mu milimo akumazwi kumbele lya Leza aku bantu boonse. 20 Alimwi mbli bapaizhi abeendelezhi mbubakamwaba abetekwe a lufu akumugagaila. 21 Pesi twalicite lushomo kuti ngonguwewali kuya kunununa Israili. Eyee atala awo, akwana ono mazuba otatwe kuzwa zhoonse izhi nizhakacitika. 22 Pesi alimwi, bamwi bamakaintu bankamu yesu bakatugambya, kabainkile kucuumbwe cifumofumo. 23 Nibatakaujana mubili wakwe, bakaza, kabaamba kuti abalo bakabona cilengaano cabangelo bakamba kuti wakali muumi. 24 Bamasankwa bakali andiswe bakainka kucuumbwe, akujana mbubwena mbuli bamakaintu mbubakaamba. Pesi tibakamubona." 25 Jesu wakamba kuli mbabo, "No basankwa bafubafuba amyoyo icelwa kushoma zhoonse bashinshimi zhobaamba! 26 Cinzhi citeelele kuti klisitu apenge zhintu izhi, akunjila mubulemu bwakwe?" 27 Mpoona kutalikila kuli Musa kwiinda mubashinshimi, Jesu wapandulula kuli mbabo zhintu zhijatikizha nguwe mumangwalo woonse. 28 Mbuli mbalinga kusika kumunzi kubalinga kuya, Jesu wakacita mbuli uyanda kwindilila. 29 Pesi bakamukombelezha, baamba "kala andiswe, nkaambo liya kumabbililo amane buzuba buyanda kumana." Aboobo Jesu wakainka mukati akukala abalo. 30 Cakacitika kuti, nakakala anshi ambabo kuti aly, wakacilanga cinkwa, wacileleka, akucikomauna, wakacipa kuli mbabo. 31 Mpoona menso aabo akajaluka, amane bakamuzhiba, amane wakabazeluka amenso abo. 32 Bakaamba kuli umwi aumwi, " Sa myoyo yesu tiyalinga kupya mulindiswe, nalinga kubandika kulindiswe muzila, najalula mangwalo kuli ndiswe?" 33 Bakanyamuka lwoola ndilyona, akupiluka ku Julusalema. Bakajana bali ikumi aomwi antomwe, abamwi bakali ambabo, 34 Baaba, "Mwami wabuka ncobeni amane wabonekela kuli Simoni." 35 Aboobo bakaamba zhintu zhakacitika muzhila, alimwi mbuli Jesu mbwakaboneka kuli mbabo nakalinga kukomauna cinkwa. 36 Mbuli mbubaali kubandika izhi zhintu, Jesu lwakwe mukamwini wakaimikana akati kabo, akwamba kulimbabo lumuno lube andimwe." 37 Pesi bakagambwa akuloonda, mbuli kuti babona musangu. 38 Jesu wakaamba kuli mbabo, "Ino cinzhi ncomupengekana? ino cinzhi mibuzho cizwa mumyoyo yenu? 39 Amubone maanza angu amaulu angu, kuti ndime Mwini. Amundijate amane mubone. Nkaambo musangu taujisi nyama amafuwa, mbuli mbomundibwe kandicite." 40 Nakamana kwaamba ici, wakatondezha maanza akwe amaulu akwe. 41 Kabatana akushoma nkaambo kakukondwa, amane akugambwa. Jesu wakaamba kuli mbabo, "Sa mulicite coonse cakulya?" 42 Wakamupa cituli canswi yakuyoka, 43 Amane wakaibweza akwilya mumenso aabo. 44 Wakaamba kuli mbabo, "Nindalingaandimwe, ndakamwambila kuti zhoonse zhalilembedwe mumulawo wa Musa amubashinshimi amutembauzho zhelele kuzuzikizhigwa." 45 Aboobo wakajalula miyeyo yabo, kuti banmvwishishishe malembe. 46 Wakaamba kuli mbabo, "Mbubo mbokulembedwe, kuti Klisitu welede kupenga, akubuka alimwi kuzwa kubafu mubuzuba bwatatu. 47 Kweempa akulekelela kwa zhibi kwelele kukambaukwa munyika yoonse, kutalikila ku Jerusalema. 48 Muli bakamboni bazhintu izhi. 49 Amubone, ndamutumina ico Taata ncakashomezha. Pesi kamukele mudolopo mane mukapegwe nsana zhizwa kujulu," 50 Mpoona Jesu wakabatola bazwa mane baakusika afwafwi a Betani. Wakanyamuna lyaanza lyakwe akubaleleka. 51 Cakacitika kuti awo nakali kubuleleka, wakabasiya amane watolwa kujulu. 52 Aboobo bakamupaila, amanebapiluka ku Jerusalema akukondwa kupati. 53 bakali mu Tempele lyoonse, kulumbaizha Leza.