¹ Ono ipobwe lya cinkwa citacite mamena lyalinga kuswena afwafwi, lyalinga kuti pasika. ² Bapaizhi bapati abalembi bakabandi mbobakonzha kutola Jesu kulufu, nkaambo baaliyowede bantu. ³ Satani wakanjila muli Judas, Isikarioti, wakalinga wabamwi baali ikumi ababili. ⁴ Judas wakainka ku bapaizhi bapati abashikalumamba akubandika ambabo mbuli mbwakozha kumwaaba Jesu kuli mbabo. ⁵ Bakakomana, akuzumina kuti bamupe maali. ⁶ Wakazumina, akuyandaula ciindi cakumwaaba kulimbabo kulamfu ambungano yabantu. ⁷ Bwakasika buzuba bwamukamu utacite mamwna, obo bwa pasika mwana mbelele mbwayelede kupaizhigwa. ⁸ Aboobo Jesu wakatuma Petulo a Johani, wati, "kamuya kuti tucilye." ⁹ Bakaamba kuli nguwe, "Nkuli koyanda kuti swebo tukaakulibambile?" ¹⁰ Wakabamvwila, "Amutelele, mwamana kunjila dolopo, muntu umyamwide nongo yamaanzhi ulamuswanganya. Mumucilile kuya mung'anda. ¹¹ Mumwambile mukamwini ing'anda, "Mwiyi waamba kuli ndime, "Ino injili ing'anda, mwenditilide pasika abashiciya bangu?" ¹² Ulamutondezha ing'anda pati ibammmmbilwe kabotu yamutulu. Mukalibambile mumo amuya. ¹³ Aboobo bakainka, akuja na zhoonse mbubonya mbuli mbwakabambila. Mpoona bakabamba cakulya capasika. ¹⁴ Ciindi nicakasika wakakala abapositolo. ¹⁵ wakamba kuli mbabo kuti. "Nbayandisha kapati kutindilye pasika iyi andimwe kanditana akupensa. ¹⁶ Nkaambo ndamwambila, Tanditikaillye limbi, kushikkila ikazuzikizhigwe mubwami bwa Leza." ¹⁷ Mpoona Jesu wakabweka nkomeki, amane nakamana kulumba, wati, "Amubweze ici, amane mwabane akati kanu. ¹⁸ Nkambo ndamwambila, shikanwilimbi mucelo wamasansa kushikila bukasike bwmi bwa Leza." ¹⁹ Mpoona Wakabweza mukamu, nakamana kulumba, wakaukomauna, akuupa kuli mbabo, awti, "uyu ngomubili wangu wapangwa kuli ndimwe. Amucite ici mukundiyeya." ²⁰ Nibakamana kulailila wakamweza nkomeki, wati, "Nkomeki iyi ncizuminano cipya mubulowa bwangu, butikile kuli ndimwe. ²¹ Pesi amupakamane. uyo undyaaba uli andime atafule. ²² Aboobo mwana muntu ulainka mbubwaena mbucibede. Pesi maawe kuli uyo muntu kwiinda muli nguwe umwaaba!" ²³ Bakatalika kubandika akati kabo nguni ali mbabo inga wacita ici. ²⁴ Mpoona kwakaba kuzwangana akati kabo kujatikizhq kuti nguni ngbaalikuyeyela kuti ngumunene. ²⁵ Wakaamba kuli mbabo, "Bami babamasi balabalela kuli mbabo, alimwi aabo baaamnbwa kuti mbapati kulimbabo baitwa kiti mbaabo bacita zhibotu kubantu babo. ²⁶ Pesi taceelede kuba oobo kuli ndimwe. kokuti, amuleke uyo mupati akati kanu abe mbuli munini, amane awalo uyo uli mbuli uyandika kapati abe mbuli muzhike. ²⁷ Aboobo nguni mupati, ukele atafule, na uyo ubeleka? sa taali ooyo ukele atafule? pesi ndili akati kanu mbuli ubeleka. ²⁸ Pesi ndimwe mwazumina andime mumasunko aangu. ²⁹ Ndamupa bwami, mbubwena batata mbubapa bwami kuli ndime. ³⁰ Kuti mulye akunwa atafule lyangu mubwami bwangu, amane muyokala azhuno kubeteka mishobo ili kumi abili yamu Israili. ³¹ Simoni, Simoni langa, Satani wazuminizhigwa kuti akabweeze, kwamba kuti akululule mbuli maila. ³² Pesi ndakupaila, kwamba kuti lushomo lwako lutalelwi. wamana kusanduka alimwi, ubayumye banyoko." ³³ Petulo wakati kuli nguwe, "Mwami, ndilibambilide kuunka andiwe koonse kuntolongo akulufu." ³⁴ Jesu wakaingula, "Ndakwambila, Petulo, mukombwe katana akulila sunu, ulakunditama zhiindi zhotatwe kuti tondizhi." ³⁵ Mpoona Jesu wakatikuli mbabo, "Nindakamutuma kamutajisi cikwama, acoola naanka indyasho, sena mwakabula cili coonse?"bakamvwila, "peepe." ³⁶ Aboobo wakati kulimbabo, "pesi ono, uyo ucite cikwama, acibweze, aikomwe mbubona. Uyo utajisi iciba aulishe ingubo yakwe amane aule yomwe. ³⁷ Aboobo ndamba kuli ndimwe,cilembedwe kujatikizha ndime ceelele kuzulila, 'walinga kubalilwa kuli bacita zhibi.' Nkaambo makani akaambwa kujatikizha ndime alazulila." ³⁸ Mpoona bakati, "Mwami, bona! ngaya maceba obilo, "wakaamba kuli mbabo, "kuli kabotu." ³⁹ Jusu wakainka, mbuli mbwakali kucita, kuci Lundu ca Olive, abolo bashiciya bakamucilila. ⁴⁰ Nibakashika, wakati kuli mbabo, "amupaile kwaamba kuti mutanlili mumasunko." ⁴¹ Wakazwa kulimbabo wabashiya mbuli mafusilo alibwe, amane wafugama wapaila. ⁴² Wati, "Taata, na kuti kuyanda kwako, gusha inkomeki iyi kuli ndime. Nakuba boobo takuli kuyanda kwangu, pesi lwaako alucitwe." ⁴³ Mpoona mungeli kuzwa kujulu wakabonekela kuli nguwe, kumuyumyayumya. ⁴⁴ Kaaali mumapenzhi, wakapaila maningi kapati, amane inkasaalo yakwe yakaba mbuli makoto abulowa alokaukile anshi. ⁴⁵ Nakanyamuka kuzwa kumupailo, wakaza kuli bashiciya bakwe, amane wabajana baloona nkaambo kakuusa kwabo, ⁴⁶ Amane wababuzha wati, "cinzhi comoona? Amubuke mupaile, kwaamba kuti mutanjili mumasunko." ⁴⁷ Mbuli mbwakacili kubandika, kwakashika inkamu yabantu, kabali a Judas, umwi wabali inkmi ababili, kabasololela, wakaza afwafwi a Jesu akumumyonta, ⁴⁸ Pesi Jesu wakati kuli nguwe, "Judas, waaba mwana muntu akumumyonta?" ⁴⁹ Aabo bakali a Jesu nibakabona calinga kucitika, bakati, "Mwami, sena tulwane amaceba?" ⁵⁰ Mpoona umwe wabo wakafusa ceba kumubeleshi wamupaizhi mupati, akukosola litwi lyakwe akumuponya. ⁵¹ Jesu wakati, "mbubo!" wakalijata litwi lyakwe akumuponya. ⁵² Jesu wakaamba ku bapaizhi bapati, aku beendelezhi bamu Tempele, akubamapati bakaza kulinguwe, "Sa mulaza mbuli mwazila kabwalala, amaceba amankoli? ⁵³ Nindaali lyoonse andimwe mutempele timwandijaka. Pesi ici ciindi cenu, aisana shamushinzhe. ⁵⁴ Bakamujata, bamutola, akumuleta mung'anda yamupaizhi mupati. pesi petulo wakacilila kaali alamfu. ⁵⁵ Amane bakayasha mulilo akati kalubaza akukala antomwe, Petulo wakakala akati kabo. ⁵⁶ Umwe mwanakazhi mubelishi wakamubona nakali kukala mumumuni wamulilo, akulanga kulinguwe amane wamba, "uyu musankwa awalo walinga anguwe." ⁵⁷ Pesi Ptulo wakakaka, waamba, " O mwanakazhi tandimuzhi." ⁵⁸ Nikwakainda kaindi kashonto aumwi wakamubona, amane waamba, "andiwe uli umwi wambabo." Pesi Petulo wakati, "Musankwa shili ndime." ⁵⁹ Nikwakainda iwoola lyomwe aumwi musankwa wakazumanana wati, "cobeni uyu musankwa awalo wakalinga anguwe, nkaambo ngwa ku Galileya." ⁶⁰ Pesi Petulo wakati, "Musankwa, Tandizhi ico ncobandika." Mpoona, nakacili kubandika, mukombwe wakalila. ⁶¹ Wakacinduluka, mwami wakamulanga Petulo, amane Petulo wakayeeya majwi a Mwami, nakaamba kuli nguwe, " Mkombwe katana akulila uyonditama zhiindi zhotatwe." ⁶² Petulo wakaika asengwe akulila maningi. ⁶³ Mpoona bamasankwa baalinga kulindila Jesu bakamusampaula akumuuma. ⁶⁴ Bakamumvwumba amane akumubuzha, bati, "Shinshima! nguni uyo wakuuma?" ⁶⁵ Bakaamba zhintu zhinjizhinji kulinguwe Jesu, zhakumutukana. ⁶⁶ Nibwakaca, beendelezhi babantu bakabungana antomwe, boonse bapaizhi bapati abalembi. Bakamutola kulubeta ⁶⁷ Amane bati, "Na kuti ndiwe klisitu, twambile, "Pesi wakati kulo mbabo, "Na kuti mwambile, tamukozhi kushoma, ⁶⁸ Alimwi na kuti mubuzhe, tamukoingula. ⁶⁹ Pesi kuzwa ono, Mwana amuntu uno kele kulyanza lyalulyo lynsana sha Leza." ⁷⁰ Boonse bakati, "Sa ndiwe mwana a Leza?" Jesu wakati kulimbabo, "Mwamba kuti ndime." ⁷¹ Bakati, "Ino ciinzhi ncetuyandila kamboni? Nkaambo iswe tobeni twatelela kumulomo wakwe."