¹ Ono wakaamba mukonzhano kuli mbabo kujatikizha mbubeezhele kuna kapaila lyonse akutatyompokezhegwa, ² Waamba, "mumuzhi umwi mwakalinga mubeteshi watakalinga kuloonda Leza alimwi katalemeki bantu. ³ Ono kwakalinga mukamfwiilwa mumuzhi oyo, wakalinga kuza lyoose kulinguwe, kaamba, ' komvuuna mbetekwe ashinkondoma.' ⁴ Kwaciindi cilaamfu taku nakayanda kumujafwa, pesi cibe ciindi wakaamba kuli lwaakwe mwiini, naambi nshiloondi Leza olokulemeka muntu, ⁵ Nkaambo kakuti uyu mukafwiilwa wampenzha, ndamujafwiilizha kabetekwa, kuti atampenzhi akuza kwaakwe lyoonse.''' ⁶ amane mwami wakaamba, "amunyumfwe ncaamba mubeteshi utaluleme. ⁷ Ono sa Leza takaleti bubotu kubasale baakwe balila kulinguwe mashiku amashikati? sa ulaakumuka alimbabo? ⁸ Ndamwambila kuti ulaakaleta bubotu kulimbabo cakufwambana. Nambi mwanaamutu aakuzha, sa ndushinizho ulaakujana lushomo anyika?" ⁹ Amane wakaamba amukonzhano kuli bamwi bakazulwa mumyoyo yabo kuti bakalinga balulami abakalinga kusampaula bantu bamwi, ¹⁰ "Basankwa bobile bakanjila mu Tempele kuti ba paile -umbi wakalinga mu falisi umbi wakalinga shimutelo. ¹¹ mu Falisi wakaimikana akupaila zhintu iizhi kujatikizha lwaakwe mwiini, 'Leza, ndakalumba nkaambo nshili mbuli bantu bamwi-babba, bantubataluleme, bashimamambi-olo nakuba mbuli uyu shimutelo. ¹² Ndaliimya kobile mumvwiki. ndapa cakumi kuli zhoonse nzhimbweza.' ¹³ Pesi shimutelo, kaimikele palaamfu, taaku anaakalanga kujuiu meenso aakwe, pesi walyuuma pa caamba caakwe, waamba, 'Leza, mfwile nkumbu, ndishizhibi.' ¹⁴ Ndamwambila, uyu muntu wakajokela kug'anda yaakwe kalulamwikilwe kwiinda umwi, nkambo kufumbwa uuli sumpula mwiini ulaakubombeshegwe, pesi kufumbwa ulibombya lwaakwe mwiini ulakusumpulwa." ¹⁵ Bantu bakalinga kuleta kulinguwe twaana tushoonto kuti atu jaate pesi Bashiciiya nibakabona ubo, bakabakasha. ¹⁶ Pesi Jesu wakabaita kuli nguwe, wamba, "amuzumizhe baana baniini kuza kulindime, alimwi mutabakashi nkaambo bwami bwa Leza mbwabo. ¹⁷ Ndushinizho ndamwambila, kufumbwa utatambuli bwami bwa Leza mbuli mwaana taakabunjili." ¹⁸ mweendelezhi umwi wakamubuzha, waamba, "Omuyi mubuntu ncinzhi ncinga ndacita kuti nkakone buumi butamani?" ¹⁹ Jesu wakamba kulinguwe, " nkaambo nzhi wajiita ayi mubontu? taaku mubotu cita Leza eenka. ²⁰ Uliizhi milawo-utaciti bumambi, utajayi, utabbi' utaambi zhakubeja, lemeka baiso abanyoko," ²¹ Mwendelezhi wakamba, " zhoonse izhi zhitu ndazhilemeka kuzwa kuciindi nshicili mwaana." ²² Naakanyufwa ubo Jesu, wakamba kuli nguwe, "nkocili cintu comwi ncotacite, ulyelele kuulisha zhoonse nzucite akupa bacete, amana ulaakujata lubono kujulu-amana uze, uncilile." ²³ Pesi mweendelezhi nakanyumfwa zhintu izhi, wakausa, nkaamba wakali vubile maningi. ²⁴ Ono Jesu, naakamubona, wakausa maningi akwamba, "Nciyumu buti kubavubi kunjila mubwami bwa Leza! ²⁵ Nkambo ncuuba ku nkamele kunjila muliinso lya nyeleti, kwiinda ku muntu muvubi kunjila mubwami bwa Leza." ²⁶ Abo bakanyumfwa bakaamba, "ono nguni unga wafutulwa?" ²⁷ Jesu wakaigula, "zhintu zhiyumu kabatu nzhuuba kuli Leza." ²⁸ Petulo wakaamba, "ncibotu, iswe twashiya zhonsu akucilila ndiwe." ²⁹ Ono Jesu wakamba kulimbabo, "ndushinizho, ndamwambila kuti taaku waakashiya g'anda, naba mukaintu waakwe, naba banyyina, naba bazhali, nibaba baana, nkaambo ka bwaami bwa Leza, ³⁰ Eeshi akabula kantabula kuunji munyika ino, amunyika iza, buumi butamani." ³¹ Naakamana kubunjika bali kumi a bobile kulinguwe, wakaamba kuli mbabo, "Amubone, tutokuya ku jelusalema, alimwi zhonse zhintun zhakalembwa abashinshimi kujatikizha mwanaamantu zhila a kuzuzikizhigwa. ³² Nkaambo ulaakupegwa kuli bamashi, alimwi ulaakucapwa, alimwi ulaakusampaulwa, akushipilwa. ³³ Bakumana kumukwipa, balaakumujaya, mubushiku bwatatu ulaakubuka alimwi." ³⁴ Taaku ncibakamvvwisha a zhintu izhi, alizwi ili lyakalinga kusisilwe kulimbabo, alimwi taaku nibakamvwisha zhintu zhakaambwa. ³⁵ Cakacitika kuti mbuli Jesu mbwaakushika mujeliko, ulimwi muntu moofu waalikushite muuzhila kalombelela, ³⁶ Nakanyumfwa imbunga kaiya bweenda, wakabuzhacakalinga kucitika. ³⁷ Bakamwambila kuti Jesu wa nazaleta wakalinga kwinda. ³⁸ Moofu wakoongolola, waamba, "Jesu, mwana wa Davidi, komfwiila luse." ³⁹ Aba bakalinga kweenda bakanyumfwa akumukasha moofu, bamwaambila kuti aumune. Pesi wakaindilizha koongolola, "mwana davidi , komfwiila luse." ⁴⁰ Jesu wakaimikana akulailila kuti muntu uyo aletwe kulinguwe. Ano muntu moofu naakashika kufwaiifwi, Jesu wakamubuzha, ⁴¹ Ncinzhi ncuyanda kuti nkucitile?" wakaamba, "Mwami, nyanda kuti mbone alimwi." ⁴² Jesu wakaamba kuli nguwe, "bona. Lushomo lwaako lwakuponya." ⁴³ Peenkaapo wakabona akumucilila, walemeka Leza. bantu bonse, nibakabona iici, bakalumbaiuzha Leza.