¹ ono bonse bashikutelesha abashizhinyonyoono bamwi bakalinga ku za kuli Jesu kuti bamumvwe. ² Bafalisi abamalembi bakatongauka kuli umwi aumwi, bamba, "uyu muntu ulatambula bashizhinyonyoono, alimwi ulalyaabo." ³ Jesu wakamba uyu mukonzhano kulimbabo, waamba, ⁴ "Nguni palindimwe, na kacite mbelele zhutakonzhi kuzhishiya zhili makumi aali fuka azhili fuka mushokwe, akuya kuyandaula izhiminine mane ayijaane? ⁵ Ano ayijana, ulainyamuna pamafuzhi aakwe akukondwa. ⁶ Ashika kug'anda, ulaita pantupomwi beenzhinyina abashimukobonyina akwamba kulimbabo, 'amukondwe andime, nkambo ndaijana mbelele yangu yalinga kuzhiminine. ⁷ Ndamwambila bwenkaubo kuti, kalaakuba kutangala kujulu palishizhibi omwi wasanduka kwiinda bantu balulami bali makumi aali fuka abali fuka bateezhile kusanduka. ⁸ Na bwanakazhi nzhi ucite masheleni ansiliva aali kumi, na wasowekelwa yomwi utakonzhi kunyasha kalaiti, kapyanga mug'anda akuyandaula kabotukabotu kushikila ayijaane? ⁹ Aijana ulaita pantupomwe beenzhinyina abashimukobonyina, akwamba amukondwa andime, nkaambo ndakaijana sheleni yalinga kuzhiminine.' ¹⁰ Bweenka ubo ndamwambila kuli kutangala kubaangilo ba Leza pali shizhibi wasanduka omwe." ¹¹ ono Jesu wakamba, "muntu umwi wakalinga kucite bana basankwa bobile, ¹² Mushoonto wakamba kuli baushi, 'Ta, amumpe cibeela calubono cinjelele. 'aboobo wakandanya lubono lwakwe pakatikabo. ¹³ Tanaakavula mazuba, musankwa munini wakabungika pantupomwi zhonse nzhakalinga kucite akuya kucishi cakulaamfu,kulya wakasowaila lubono lwakwe loonse lwaakwe mukupona cabuyamba. ¹⁴ Ono naakamanizha zhoonse, nzala inene yakashika mucishi ico, alimwiwakapenga . ¹⁵ Wakaya akulishisha kuli uumwi wamucishi ico, wakamutuma kumyunda yaakwe kuti asanine ngulube. ¹⁶ Wakalombozha kulya zhakulya zhangulube nkaambo taaku wakalinga kumupa kufumbwa cintu. ¹⁷ Pesi mwana musankwa naakayeeya, wakaamba, 'balibongaye basebenzhi mbacite taata bacite zhakulya zhiinji, pele ime ndikuno nshifwa nzala! ¹⁸ Ndazhwako kono akuya kuli bata, amane ndakwamba kuli nguwe, "Ta, ndabishizha lijulu andimwe. ¹⁹ nshiceeleli kuti ndimwanaanu; mumpaange mbuli uumwi wabasebenzhi banu.''' ²⁰ aboobo mwaana musankwa wakazhooka akweenda kuya kuli baushi. Kacili kulamfu, baushi bakamubona akumvwa nkumbu, amane bakamucijila akumukumbata akumumyonta. ²¹ Mwaana wakaamba kulinguwe, 'Bata, ndabishizha lijulu andimwe. nsheeceeleli kwiitwa kuti ndimwanaanu.' ²² Ushi wakaamba kubasebenzhi baakwe, ' amulete cakufwambaana cakusama cibotu, amana mumusamiki akukyanza lyaakwe nwenwe, ampato kumampata aakwe. ²³ Amana mulete moombe wiinine mumujaaye. Atusekelele alipobwe! ²⁴ Nkambo mwanaangu wakalinga kufwile, pele ono ulapona. kazhiminine pele ono wajanika. 'amana bakatalika kusekelela. ²⁵ Ono mwanaakwe munene katawo wakalinga mumuunda. Ambuli mbwaakalinga kuza akushika pag'aanda, wakamvwa nyimbo akuzhana. ²⁶ Wakaita uumwi wabasebenzhi akubuzha izhi zhintu nzhinzhi. ²⁷ Musebenzhi wakaamba kulinguwe, 'mukwaanu waza amane bauso bajaya moombe wiinine nkaambo wajoka kabotu.' ²⁸ Mwaana munene wakakalala alimwi taaku naakanjila mukati alimwi baushi bakazha akumulomba. ²⁹ Pesi mwaana munene wakumbula akwamba kuli baushi, 'bona, iiyi myaaka miinji ndakusebenzela, nshinaatyola nuba mulawo waako omwe, pele tona mpeleko kapongo kashoonto kuti nsekelele abeenzhinaangu, ³⁰ Pele mwanaako nashika, wanyonyauna kupona kwaako abamavuule, wamujaila moombe wiinine.' ³¹ Baushi bakaamba kuli nguwe, 'mwanaangu lyonse uli andime, azhangu zhoonse nzhaako. ³² Pesi cali cibotu kuli ndiswe kupobola akukondwa, nkaambo oyu munyoko kafwile, ono ulapona; kazhiminine, pele ono wajanwa.'''