1 Jesu nakamana zhoonse zhakali kwaamba mumatwi abantu, wakanjila mu Kapernauma. 2 Ono mwendelezhi wabashilikani walijisi muzhike ngwakalikuyandishisha, amane walinga kuciswa kayanda kufwa. 3 Elyo mwendelezhi wabashilikani nakamvwa kujatikizha Jesu, wakafuma kuli nguwe bapati bama Juda, kumumba kuti ashike aponye muzhike wakwa. 4 Nibakaza kuli Jesu, bakamulomba kabotu kabotu, baamba, " Ulelele kwaamba kuti amucitile ici, 5 Nkaambo alaciyanda cishi cesu, amane nguwatuyakila Synagogo. 6 Aboobo Jesu wakazumana kuya ambabo. Pesi nakasena afwafwi ag'anda, mwendelezhi wabashilikani wakatuma benzhinyina kuti baambe kuli nguwe, "Mwami, utalipenzhi omukamwini, nkaambo sheleli kwaamba kuti iwe uze kung'anda kwangu. 7 Kikaambo kaako kidalibona ndimukamwini kuti sheleli kuza kuli ndiwe, Pesi kwaamba buyo lizwi amane muzhike wangu ulapona. 8 Aboobo andime ndimuntu buyo wendelezhewa a mulawo, abashilikanibaali mushi lyangu. Ndaamba kuli oyu, 'koya,' amane ulaya, alimwi kuli umwi, 'koza, amane ulaza,' alimwi akumuzhike wangu, 'Cita ici amane ulacita." 9 Jesu nakacimvwa ici, wakagambwa ali nguwe, amane walanga kumbungano kamucilila waamba, "Ndaamba kuli ndime, kanyina nokuba mu Israili mundakajana lushomo oolu." 10 Ono abaya nakatumwa nibakajoka kung'anda bakajana muzhike wapona. 11 Ono ono nicakainda ici, Jesu wakaya ku dolopo itwa kuti Nain, amane abashiciya bakwa amabunga bunga abantu bakaya anguwe. 12 Nakashika kufwafwi akumanjililo a dolopo, wakabona, muntu wakalifwide kabamutola, walo bo mwana musankwa ngobakajisi banyina (wakali mukamufu), amane ambungano mpati kuzwa ku dolopo yali nguwe. 13 Ono Mwami nakamubona, wakanjilwa kapati alubomba kuli nguwe amane wamba kuli nguwe, "utalili." 14 Mpona wakaya ajulu akujata manela acisamu pubabikide mubili, amane bali kulila bakaimikana. wakaamba, "Omwana mushoonto, ndaamba kuli ndiwe, buka," 15 Muntu waalifwide wakakala akutalika kubandika, amane Jesu wakamupa kulibanyina. 16 Mpoona kuyooya kwakabanjila boonse, amane bakalumbaizha Leza, kabaamba, "mushishimi mupati wabuka akati kesu" alimwi "Leza wabalanga bantu bakwa." 17 Eyi mpuwo ya Jesu yakamvwigwa mu-Judaya moonse alimwi amashi woonse azhingulukide. 18 Bashiciya ba Johani wakamwambila kujatikizha zhoonse zhintu izh. 19 Mpoona Johani kakaita bashiciya bakwe bobile amane batuma kumwami kuti baamba, "Sa ndime uza,na kuti tulange bo umbi?" 20 Nibasika afwafwi a Jesu , basamkwa bakaamba, "Johani mubbizhi watutuma kuli ndime twaambe kuti, 'Sa ndime uza, na tulangebo umbi?"' 21 Kuciindi eci wakaponya bantu banji kuzwa kumalwazhi akuciswa akumyuya mibyabi, amane aboofu baanji wakabapa kubona. 22 Jesu wakaingula akwaamba kuli mbabo, "Mwamana kuya muzhila zhenu, mwambe kuli Johani Cimwabona akumvwa. Boofu balabona, balemabaleenda, bashicisenda balasalazhiwa bashinkile matwi balamvwa, bantu bakafwa balabushigwa kuza kubuumi, abalo bacete balaambilwa makani mabotu. 23 Muntu utaleki kushoma muli ndime kaambo kamicito yangu ulilelekedwe. 24 Nibakainka batumwa ba Johani, Jesu wakatalika kubaambila bantukujatikizha Johani," Ino ncinzi ncomwainkile kubonamunkando? 25 Ino ncinzi ncomwakakubona, muntu usamine zhisani zhiteete? Amubone, abayabasama zhisanizhindula abakala kabotu bali mumanda abwami. 26 Ino ncinzhi ncomwakakubona? mushishimi? Ee, Ndamwambila ,akwiinda amushishimi. 27 Uyu ngonguwe wakalembwa, 'Amubone, ndatuma mutumwa wangu kumbele lya bushu bwako, Uti kalulamika inzila kumbela lyako.' 28 Ndamwambila kuti,akuti kabaanbo bazhalwa kubakaintu, taaku munenekwiinda Johoni .nokubaboobo uyu mushoonto mu bwami bwa Leza munene kwinda." 29 (Ono bantu boonse nibakanvwa ici ,kusangunya abashimutelo ,bakazumma kuti Leza ulasalala, nkaambo bakabbizhigwa alubbizho lwa Johani. 30 Pesi ba Falisi abashimulawo bama Juda bakacikaka Leza cakababambila, nkaambo kakati tibabbizhigwa a Johani) 31 "Ino nkuli cili buti, amu, kwinga ndakozhanisha bantu bamusela umo? Ino bali mbuli nzhi? 32 Bali mbuli bashoonto basobana mumasambalilo, 'kabakele akwitana kuti, 'Twakamuimbila pesi timwakazhana. Twakaimbalwimbo lwamalila, pesi timwakalila.' 33 Aboobo Johani mubbizhi wakaza katali cinkwa katanwi waini, amane mwamba kuti, 'Ulijisi daimona.' 34 Mwana muntu wakaza kulya akunwa, amane mwamba kuti, 'Amubone, muntu shindya amane ngucakolwa, mwenzhinyina abushimutelo abashizhibi!' 35 Pesi busongo bulazulila kubana boonse bambabo." 36 Ono umwi waba Falisi wakamwita Jesu kuti balye anguwe. Aboobo Jesu nakamana kunjila mung'anda ya mu Falisi, wakakala atafule kuti alye. 37 Ono, kwakalinga mwanakazhi umwi mu dolopo wakali mubishi. Nakazhiba kuti walikele atafule mung'anda yamu Falisi, wakaleta mafuta anukila kabotu. 38 Mbuli mbwakaimvwi kuze lyakwe afwafwi amampata akwe, kalila, wakatalika kutontozha mampata akwe amisonzhi, amane wakaipukuta amisusu yakumutwi kwakwe akumyonta amane waananika amafuta anukila kabotu. 39 Ono ulya mu Falisi wakaita Jesu nakacibona ici, wakaliyeyela, akwamba, "kuti uyu muntu naali mushinshimi, namuzhiba mukaitu uyu aumujata kuti nguni, kuti ngushizhibi. 40 Jesu wakaingula akwaamba kuli nguwe, " Simoni, ndicite cakwaamba kuli ndiwe," wakaamba, "kocaamba, Omuyi!" 41 Jesu wakati, "Muntu umwi walicite bashinkogole bobile. Umwi walicite nkongole yamasheleni aali inyanda yosanwe, amane umwi makumi osanwe. 42 Nibaakalilwe kubbadela, wakabalekelela boonse. Aboobo, nguli ukonzha kumuyanda kwiinda?" 43 Simoni wakamvwila akwaamba, "Ndayeeya kuti nguulya ngwakalekelela kapati." Jesu wakaamba kuli nguwe, "watelaika kabotu." 44 Jesu wakalanga kumukaitu amane waamba kuli Simoni, "wamubona mukaintu uyu. Ndajila mung'anda yako. Tiwakandipa maanzhi a maulu angu, Pesi walo wasanzha maulu angu amisonzhi yakwe akwapukuta amisusu yakwe. 45 Tiwakandimyonta pe, Pesi kuzwa ciindi nindasika taaleka kumyonta maulu angu. 46 Tiwananika mutwe wangu amafuta, pesi wananika maulu angu amafuta anunkila kabotu. 47 Aboobo ndaamba kuli andwe, zhibi zhakwe, zhaali zhinji, zhalekelelwa-nkaambo wakayandishisha kapati. Pesi uyo ulekelelwa anini, ulayanda anini." 48 Mpoona wakaamba kuli nguwe, "zhibi zhako zhalekelelwa." 49 Abo baalikede anguwe bakatalika kwamba akati kabo, " Ino nguni uyu ulekelela zhibi?" 50 Mpoona Jesu wakaamba kumukaitu, "Lushomo lwako lwakufutula. Koya mulumuno."