¹ Gudxi'ba' Jesús ndaani' ti canuá, ne gudidilaaga be cherica' nisado' que, yendabe laaca xquídxibe. ² Ne bedané cabe ti nguiiu ni que rizá nexhe lu ti luuna'. Ra biiyabe guendaruni cré xtica', gudxi Jesús nguiiu ni que rizá que: "Xiiñe', bieche', ca guendaruchee xti lu' ma bixiáca'." ³ Ne caadxi de ca escriba caní' saa ca' ; "Hombre dii' caní' diidxa guidxa" ⁴ Jesús nanna xi caní xpiaani cabe ne rabi be laaca: "¿Xi ñee riní' ique tu ni nadxaba' ni riree ndani ladxidó' to? ⁵ ¿Xi jma que igaana guinie: Ma bixhiaya ca donda xtii lu' o gabe laabe: Biasa ne guzá la? ⁶ Huaxa ti ganna tu Xiiñi Hombre napa guenda nandxó' ndaani guidxilayú de guxhia xtonda binni, Labe gudxibe' xuta que: "Biasa, bitopaa xluuna' lu', ne guyé ra lidxu'." ⁷ Ne ra que ru hombre que biasa ne ze ra lidxi. ⁸ Ne ra biiya guirá binni que ndi la?, bidxagayaa ca ne bisisaca cabe Diuxi, nii laa bidii guenda nandxó' di binni. ⁹ Ra Jesús biree de ra que, biiya Be ti hombre lá Mateu, zuba cuquixe impuestu; Laabe gudxi be laa "Dananda Naa". Laa biasa ne zinanda laabe. ¹⁰ Ne ra Jesús gurí chi to gueta ra yoo que, malasi beeda xtale ni ruquixe impuestu ne ni dxi'ba donda ique ne gudooxhi nee ca Jesús, ne ca discipulu. ¹¹ Ra bi'ya ca Fariseu que ndi' la?, gudxi cabe ca discipulu xtii be: "¿Xi ñee Maistru xtii tu rooxhi nee cani ruquixe impuestu ne cani dxi'ba donda ique pue? ¹² Ra Jesús binadiaga ndi la? na: "Ca binni ni nazaca nuu cadi caquiiñe ca medicu, cani huará nga riquiiñe ca tobi. ¹³ Laatu napa tu xi guiziidi tu xi riní ndi: Naa racaladxe gacane tu xtobi, ne cadi laga guti tu mani huiini gudii tu Naa. Ti Naa bendá' cadi cuyuube ni nacha'hui ni gusaana ni cadi jneza, laga zeda yuube cani ruchee." ¹⁴ Ca discipulo xti Juan beeda ca' ra Nuu be' ne na ca: "¿Xiñee laadu ne ca Fariseu runidu ayunu gatiga, ne ca discipulu xtiu' que runni ca ayunu pue?" ¹⁵ na Jesús rabi laa ca': "¿Ñee zanda xa chú' gundu' ca ni guliidxi cabe ra guenda xheela, laga nuu ru novio que ne laa ca' la? huaxa zedandá dxi ziaadxa novio que laade cabe, ne dxi ca ru zuni cabe ayunu. ¹⁶ Guiruti que ruquiidi tindaa lari cubi luu ti lari yooxho', ti lari cubi que la? zacheeza ni lari yooxho' que, ne jma ru si xirooba zareeza ni. ¹⁷ Ne laaca guiruti qué rigaa vinu cubi ndaani ti odre yooxho; pa guni cabe ni zaaca la? zareza guiidi qué, ne zaxii vinu qué, ne zaruxe odre qué. Huaxha, pa ca' cabe vinu cubi ndaani odre cubi guiropani ziuu chaahui cani. ¹⁸ Laga Jesús cayabi ru ca ndi' laacabe la?, beeda ti xaique yu'du' bizuxibi xañee Be. Gudxi laabe: "Nagasi guti xiiñe, huaxa guda' ne gulaqui ná' luguia be, ne laabe zabani be." ¹⁹ Ra que ru'Jesús biasa ne zinanda laabe, ne ca discipulu xtii Be. ²⁰ Ne ra que la?, Ti gunaa ni caxii rini ma raca chii ne chupa iza, guyuu be neza deche Jesús ne guda'na be ñee lari ni nacu. ²¹ Ne gudxi be laca laabe: "Neca xhába' Be ca ni gana, naa ñanda'". ²² Jesús bidxigueta lu' biyadxi' laabe, ne gudxi laabe: "Xiiñe, gucuaa xtipa, guenda runi cre xtiu ca ma bisianda lii." Ne gunaa que bianda ca. ²³ Ra Jesús guyuu' ndani lidxi xaique yu'du que, biiya Be cani cuxhiidxi guee're ne guira xixee ca' binni cayuni riidxi. ²⁴ Laabe gudxibe laaca': "La guiree, dxapa huini di cadi guti di be', nisiaasi si be." Laga bixidxi si ca' , ne cuganda ca' Laabe. ²⁵ Ra biree guiraa xixee binni que, Laabe guyu be' ne gunaze be' ná, ne dxapa huini que biasa. ²⁶ Ni guca di bireeche ni guira xixee ca' guidxi que. ²⁷ Laga Jesús zidiidi neza que la?, chupa nguiiu ni nacheepa lú zinanda' ca' Laabe. Laaca bicaa ca' riidxi Labe ne na ca': "¡Xiñi David, gupa xilase de laadu!" ²⁸ Ra Jesús guyuu ndaani' yoo que' la?, ca nguiiu ni nacheepa lú que guyee ca ra nuu Be. Jesús gudxi lacabe: "¿Ñe rabitu zanda gune nga la'?" Laaca bicabi ca': "Zanda, Señor." ²⁹ Ra que Jesús gudaana' lú cabe' ne gudxi laaca be': "Gaca ne laatu bia' guenda runi cree xtii tu'." ³⁰ Ne biaani ca lú cabe'. Ne Jesús biinda ca lú cabe' : "La gapa gaa' guiruti gana ndi." ³¹ Huaxa guiropa nguiiu que guyee ca ne bicheeche ca ni guca que guira xixee ca guidxi que'. ³² Laga guiropa' nguiiu que zeda guiree ca de ra que la?, malasi ti nguiiu ni que rini', nuu binidxaba laa, yené cabe laa ra nuu Jesús. ³³ Ra binidxaba que biree de laabe la?, nguiiu ni que riní' que guní'. Guira xixee ca binni que' bidxagayaa ca' ne na ca': "¡Que huayú dxi guihuinni ndí' ndaani guidxi Israel!". ³⁴ Laga ca Fariseu na ca': "Guni xaique xtii ca binidxaba nga, ribee be binidxaba." ³⁵ Jesús guyé guirá ca guidxi ro' ne ca guidxi huiini . Laabe guzaa ru be ne ye gusiidi be ndani ca yudu huiini, canayuí' Be de guenda runi mandar xti Diuxi, ne cana gusianda Be' guirá xixee yuuba ne de guirá xixee guenda huará. ³⁶ Ra bi'ya Be guirá xixee binni que, gupa Be xilase' de laaca, ti laaca gadxe ra nu' xpiani ca' ne nagundu' nuu ca'. Laaca be' zeda gaca cabe' casi ca dendxu nuu xtubi nin tu gapa laaca'. ³⁷ Laabe gudxibe ca discipulu xtii Be: "Dxandipe' la? xiroba layú ni guca dxiiña ma cudii, huaxa ni guni dxiiña chi gutopa ni nga huaxié'. ³⁸ Nga runi la guiní' né Diuxi xtii layú que, gusenda tu chi gutopa ca ni."