¹ Ora Jesús biete lu daani que, xtale binni yenanda Laa. ² Malasi tobi hombre huará napa lepra, bidxiña Laabe, ne bizuxibi xañee be, ne na: "Señor, pa Lii racala'dxu la?, Lii zanda gusianda lu naa." ³ Jesús bisigaa ná ne gudaana laabe, ne na: "Racala'dxe. Bianda." Ne oraqueca biandabe de lepra que. ⁴ Jesús na rabi laabe: "Biiya cadi chi tidxu gaxti guiruti. Guyee neza zeu, ne biluí sacerdote ma bianda lu, ne bisigade Diuxi xixa casi bisaana Moisés gaca, ti ganna cabe ma bianda lu." ⁵ Ora Jesús guyuu ndani Capernaúm, ti xaique xti ti gayua dxu' beda naba laabe, ⁶ ne na: "Señor, ni runi xhiiña nexhe huará ra liidxe, que ganda guiniibi ne napa yuuba roo." ⁷ Na Jesús rabi laabe: "Naa ziá ne zusianda laabe." ⁸ Xaique tigayua dxu que bicabi ne na: guiruti naca para guiu'lu ra lidxe; guní si diidxa ca ne ni runi xiiña zianda ca. ⁹ Naa la? laca napa tu ruzuuba xtiidxa ne napa dxu ni runi ni rabe. Naa gabe laa: 'guyee la?' ne laa zié; ne xtobi, 'gudá la?,' ne laa zeeda; ne ni runi xiiña: 'bi'ni ndí la?,' ne laa zuni ni." ¹⁰ Ora Jesús binadiaga ndi la?, Laa bidxagaya' ne gudxibe cani nanda laabe que: "Dxandí zabe laatu, que huadxela dia guiruti ni runi cre ndani Irael bia runi cre hombre di. ¹¹ Naa zabe laatu, xtale zeda de ladu rindani ubidxa' ne de ladu riazi ubidxa', ne zabí né ca Abraham, Isaac ne Jacob, ndani ra runi mandar Diuxi. ¹² Huaxa cani nexhe pe' guiuu zalaa ca' ra nacahui ra guuna ca ne dede guxhidxi laya ca." ¹³ Jesús na rabi xaique tigayua dxu que: "¡Guyé! Casi ca bini cre lu ca? zaca ni canaba lu'." ne ni runi xhiiña be que bianda oraqueca. ¹⁴ Ora Jesús yendà ra liidxi Pedro la? Laabe biiya be suegra Pedro nexhe naze xindxá la'. ¹⁵ Jesús gudaana ná be, ne xindxá que biree de laabe. Ne ora que gunaa que biasa ne bidii ni gudoo Be. ¹⁶ Ora gunda huadxi la? guiraa binni que yené cabe ra nuu Jesús xtale ni caguite binidxaba ique ca. Ne ti diidxa si gulee Be ca binidxaba que, ne biasianda guiraa cani huará que. ¹⁷ Ne zacá beda gaca ni casipe' guní Isaías, xa profeta que, ne na: "LÁPE BE GUCUA BE CA GUENDAHUARÁ XTINU NE YENÉ BE CA YUUBA XTINU." ¹⁸ Yanna, ora Jesús biiya guiraa binni gurii zissi laa? Gudxi be laaca chee ca cherica de Nisadoo xti Galilea. ¹⁹ Ra que ti escriba guyee ra nuu Jesús ne na: "Maistru, zinanda lii ratica si chee lu'." ²⁰ Jesús na rabi laabe: ca mixtu gui'xhi napa ca guiru yú ra riu' ca', ne ca mani ni ripapa laca napa ca lidxi ca', huaxa Xiiñi Hombre que gapa ti ra guizii la'dxi." ²¹ Xtobi de ca discípulu xtibe na rabi Laabe: "Señor, bidii lugar naa niru chi gucache bixhoze." ²² Laga Jesús na rabi laabe: "Gudananda Naa, ne bisaana ca guetu cá gucachi ca sa guetu ca'." ²³ Ora Jesús gudxiba ndani ti canuá, nanda ca ca' discípulu Xtibe gudxiba ca. ²⁴ Ne ra qué biasa ti bí xubi lu nisadó que, dede que rihuini canuá que ti izaa na soo cayasa nisa que. Ne Jesús nisiasi. ²⁵ Ne beda ca discípulu xtibe que ne bicuaani ca Laabe, ne na ca: "Bilá laadu, Xpixuana du; ¡ma yaca gati nu!". ²⁶ Na Jesús rabi laacabe: "¿Xi ñee cadxibi tu, laatu cani huaxié runi cre?" Oraque Laabe biasa be ne bicabe ridxi bii ne nisadó' que. Oraque ru gutadxi cani. ²⁷ Ca xpini be que bidxagayá ca ne na ca: "¿Tu hombre di pue, dede bii ne nisadó ruzuba xtiidxa be?" ²⁸ Ora Jesús yendá cherica nisa que ne nuu be xquidxi ca Gadarenu la?, chupa hombre ni riguite binidxaba ique bidxagalú ca laabe. Laaca zeda ree ca lade ca bá que ne izá riaxha ca luguia binni, nga runi guiruti di randa rididi neza que. ²⁹ Ne ra qué, biguá' ca riidxi ne na ca: "¿Xi napa né du lii, Xiiñi Diuxi? ¿Ñe beda guniná lu laadu zeeru izá dxi la?" ³⁰ Yanna, cadi zitu de laacabe nuu xtale bihui cana yó ca'. ³¹ Ne cadi cayana dxi ca binadxaba que de guinaba ca Jesús: "Pa Lii cueu laadu la? bisenda laadu luguia ca bihui ca." ³² Jesús na rabi laacabe: "!Lachee!" Ca binidxaba que biree ca ne guyú ca luguiá ca bihui que. Ne guirá xixé ca bihui que, biaba ca de lu daani ndani nisadó ne guti ca. ³³ Ne ca hombre ni cayapa ca bihui que la? bixoñe ca. Ne ora laaca biu' ca ndani guidxi que, bidii ca diidxa de guiraa ni guca, jmá ru pe ni bizaca ca hombre ni gudxite binidxaba ique ca que. ³⁴ Ne oraque la? guidubi naca guidxi que biree ca yedxaga lú ca Jesús. Ora biiya cabe Laabe la?, gunaba cabe Laabe guiree be de ndani guidxi xti ca.