¹ Cadi gudxiiba tu donda ique xtobi, ti cadi quiiba donda ique tu. ² Ti casi cudxiiba tu donda ca la?, zacaca zaguiiba donda ique tu ne casi ca cu' bia' tu ca la? bia' caca zaguu bia' cabe laatu. ³ ¿Xiñe cayuya lu guiixi huiini nuu ndani lú bi'chi lu ne cadi cayuya chaahui tu guiixi ro' ca luutu ca?. ⁴ ¿Ximodo zanda gaabi lu bi'chi lu: Danee naa cue' guiixi huiini ni nuu lú lu ca, laga lú lu ca ti guiixi ro'? ⁵ ¡Cani runii si ca laaca! niru la cue' guiixi ro' ni nuu ndani lú tu ne zacá zanda guyatu' guiixi ni nuu ndani lú bi'chi tu. ⁶ Cadi gudiu' ni nandxó' ca bi'cu' ne cadi guza'bidiou ca perla xtiu' nezalu ca bihui, ti zanda ca guxhata ñee came ni ne oraca gunidee came li. ⁷ La guinaba ne zacaa tu; la guyubi, ne zadxelatu; la guxhidxi ná' ne zuxhale cabe. ⁸ Ne guira' ni guinaba la? ricaa' ne guira' ni ruyubi la? ridxela ne ni ruxhidxi ná' la? zuxhale cabe chu'. ⁹ ¿O tuu hombre de lade tu, pa xiiñi guinaba la tindaa pan, zudii labe ti guie? ¹⁰ ¿O guinaba laabe ti benda zudi laabe ti beenda? ¹¹ Nga runi, pa laatu neca nadxabatu nanna tu gusigade tu ni sicarú ca xiiñitu, ¿Pabia ru jmá Bixhozetu ni nuu guiba' zudii be laatu ni sicarú ni laatu guinaba tu? ¹² Nga runi inticasi ni gacaladxi tu guni cabe laatu la?, zaca'ca laguni laca'be; ti ndi nga ná Ley ne ni bicá ca profeta. ¹³ Laguiu' neza puerta nabé' ca, ti xilaga nga puerta ne naro'ba nga neza ni rine' guendaguti, ne xtale tu rididi ndani ni. ¹⁴ Ti nabé' nga puerta ne nabé' nga neza ni rine' guendanabani, ne huaxié' si tu ridxela la'. ¹⁵ Lagapa laatu de cani cadi dxandi' profeta laaca, cani ridxiña ca casi ti dendxu', huaxa dxandipe' naca ca gueu' ni ruxuuxe. ¹⁶ Pur ca cuananaxhi xti zunibia' tu laacabe. ¿Ñee rutopatu uva lu ca yaga guichi ca o duga lade ca yaga guixhi la?. ¹⁷ Ne zaca'ca, ti yaga sicarú zudii cuananaxhi sicarú, huaxa ti yaga que iquiiñe zudii ni cuananaxhi que zaquiiñe. ¹⁸ Ti yaga sicarú que rudii di ni cuananaxhi ni que zaquiiñe, ne ti yaga que iquiiñe que rudii di ni cuananaxhi sicarú. ¹⁹ Guira' xixé yaga ni que rudii cuananaxhi sicarú la? zuga' cabe laa ne zunda' cabe laa lu beele. ²⁰ Nga runi, zunibiá cabe laa, guni ca cuananaxhi xti. ²¹ Cadi guiradi ni rabi naa: 'Señor, Señor' ziu' ndani guenda runi mandar xti guibá', cani runi si ni na Bixhoze ni nuu guibá'. ²² Ne dxi ca la? xtale tu zabi Naa: 'Señor, Señor', ¿Cadi lu lá lu gunídu' xi chigaca ne cadi lu lá lu guleedu' binidxaba ne lu lá lu binidu' guenda nandxo' la? ²³ Naa zabe laaca: '¡Que ñuu dxi ñune bia'ya laatu!' '¡La guixale de naa, cani runi ni nadxaba!' ²⁴ Zaca'ca, guira xixé ni runa diaga ne ruuna ca diidxa Xtine, zaca casi tobi hombre nu' xpiani ni bicuí lidxi lu guie. ²⁵ Biaba' nisa guie, biré guiigu', bindubi bii ne bidxelasaani yoo que: huaxa yoo que la? que ñaba di ni, ti guya'ni lu guie. ²⁶ Huaxa guiraa ni runa diaga ne que ruuna ca diidxa Xtine, zaca casi tobi hombre huati ni bicuí lidxi lu yuxi. ²⁷ Biaba nisa guie, biré guiigu', bindubi bii ne binidé ni yoo que, ne biaba yoo que ne bixá guidubi naca ni. ²⁸ Ne biluxe guní si Jesús ca diidxa di, guirá binni que cadxagayaa ca cani cusiidi be. ²⁹ Ti Laabe cusiidi be casi tobi ni napa ti guenda ne cadi casi ca escriba.