¹ Biyagaa, cadi gu'nu guenda nacha'hui nezalú si binni ti guchaa ca guenda naró' xtilu, paca' que zacaa diou gaxti de Bixhozo ni nuu guibá'. ² Ne ora gudii lu ti guuna la?, cadi gunitu ridxi casi ca ni runisi laaca ndani ca yu'du huini que ne ndani neza, ti gusisaca binni laaca. Dxandi'pe zabe lii, laacabe ma biaxa cabe. ³ Ne ora gudii lu ti guuna la?, que gudidiou ganna naalu biiga' ca xi cayuni naalu ndiga. ⁴ nga runi guuna xtilu la? bidii ni naga'chi'. Ne Bixhozo ni ruuya ra naga'chi zaguixe lii. ⁵ Ne ora guiní ne lu Diuxi la? cadi gaca lu casi ca binni ni runisi laaca, ti laaca nadxiica guzuhuaa ca ne guiní ne ca Diuxi ndaani ca yu'du huini que ne lu tapa lu ná' neza, ti zaca guuya dxi binni laaca. Dxandi'pe zabe lii, laacabe ma biaxa cabe. ⁶ Yanna lii la?, ora guiní ne lu Diuxi, guyu' ndani yoo xtilu. Bitaagu' puerta, ne guní ne Bixhozo ni nuu ra naga'chi. Ne bixhozo ni ruuya ra naga'chi la? zaguixe be li. ⁷ Ne ora guiní ne lu Diuxi la?, cadi guiní lu laca ngueca si casi runi ca ni cadi judíu, ti laacabe riní ique cabe ziu diaga cani rinni né cabe ca laacabe. ⁸ Nga runi, cadi gaca lu casi laacabe, ti Bixhozo runibiaa ni caquiñe lu zeeru guinabadiidxu ni la'. ⁹ Nga runi, guní ne Diuxi sicarí: "Bixhoze du ni nuu guibá', tobi lucha ne nandxo' nga La'lú. Gueeda guenda runi mandar Xtilu, ¹⁰ gaca ni naalu, ndani guidxilayú casi ca raca guibá'. ¹¹ Bidii laadu gueta tidi needu dxi. ¹² Bixhía ca ni nuzabidu', casi ca laadu ruxhiadu ca ni nuzabi laadu. ¹³ Ne cadi gudidiou guiabadu lu ni guquinde laadu, ne bilá laadu de lu ná' binidxaba. ¹⁴ Pa lii gusiaanda lu ca ni biche' ne binni lii la?, Bixhozo ni nuu guibá' laca zuxhia' xtonda lu. ¹⁵ huaxa pa lii cadi gusiaanda lu ca ni biche' ne binni lii la?, Bixhozo laca que zuxhia di ca xtonda lu. ¹⁶ Ne ora, guianu cadi goolo la?, cadi guluí lu nayati nuu lú lu, casi ca ni runii si' laaca, ti laaca runii ca lú ca nayati ti guuya binni cadi cayoo ca. Dxandipe' zabe lii, laacabe ma biaxa cabe. ¹⁷ Huaxa lii, ora guianu cadi goolo la?, guluu zá ique lu ne gudiibi lú lu. ¹⁸ Zacá cadi zului' lu binni cadi cayoolo, huaxa Bixhozo siou ni nuu ra naga'chi. Ne Bixhozo, ni ruuya ra naga'chi, zaguixe lii. ¹⁹ Cadi cú chahui lu ni risaca xtiu ndani guidxilayú di, ra bandaa ne be' runidee, ra ca gubaana richuu ca ne riba'na ca. ²⁰ Lága, bitale ni risaca xtiu guibá', ra nin bandaa nin be' que runidee ca, ne ra ca gubaana que richuu ca ne cuana ca. ²¹ Ti ra nuu ni risaca xtilu la?, raca'ca ziu ladxidolo'. ²² Guielú binni nga biani ruzaani cuerpu xti. Lága, pa guielú lu ca nacha'hui ni la?, guidubi naca cuerpu xtiu ca dxaa tipani ne biani. ²³ huaxa pa guielú lu ca cadi nacha'hui ni la?, guidubi naca cuerpu xtiu ca dxaa tipa ni de guendanacahui. Huaxa, pa biani ni napalu' ca yannadxí naca ni guendanacahui la? ¿Pabia' narooba guendanacahui ca ya?. ²⁴ Guiruti zanda gusisaca chupa señor, ti zandaca gaca nanala'dxi be tobi ca ne ganaxhi be xtobi ca, o laca zusisacabe tobi ca ne zucaa ná' be xtobi ca. Lii que zanda di gusisaca lu Diuxi ne laca gusisaca lu ca bidxichi' ca. ²⁵ Huaxa naa rabe lii, cadi cu' xa ique lu guendanabani xtiu, xi goolo o xi gue'lu o de cuerpu xtiu, xi gacu'lu. ¿Jñe cadi jmá nga guendanabani que guendaroo la?, ne cuerpu ca jmá que lári la?. ²⁶ Biiya ca mani ripapa lu bi ca. Que riguu ca biní ne que ribee ca guela, ninca que ruchá ca troja, huaxa Bixhoze lu ni nuu guibá' rudii ni gooca. ¿Jñe cadi jmá risaca tu que laaca'me la? ²⁷ ¿Tu de laatu runi nuu xizaa zanda uguu ca xti xhupa late gande nu xcayu iza jmá lu guendanabani xti ya? ²⁸ ¿Ne xiñee nuu tu xizaa xi gacu tu ya? Laguiní ique tu de ca liriu ndani ca layú ca, ximodo rigaa cani. Laacani que runi cani dxiiña, ne que riguiiba ca xhaba ca. ²⁹ Ne necape zacá naa zabe lii, nin Salomón de lu biá bisaca la? que nuzuchaahui casi laca ni. ³⁰ Pa Diuxi ruzuchaahui ca yaga guixhi, ni nuu yanna dxi ne guixhi ma biruugu ca ne ri lá ca luu beele ¿Caxape laatu jma ru guzuchaahui Diuxi, laatu ca ni huaxie runi cre ca?. ³¹ Nga runi cadi chuu tu xizaa ne guiní tu: '¿xi guidoono?' o, '¿xi guideenu?' o, '¿xi gacunu?' ³² Ti guiraa ndi la? ruyubi ca binni ni que runicree; Huaxa Bixhozo ni nuu guibá' la? nanna be caquiñe tu cani. ³³ Huaxa niru biyubi guenda runi mandar ne guenda nachaahui xti Diuxi ne de guiraa ndi la? zacou cani. ³⁴ Xisi la? , cadi chuu diou xizaa xi chi gaca guixí', purti guixí' ru nga chi guihuini xi chi gaca. Guiraa ca dxi ca napa cani guenda nagaana xti cani.