¹ Biludxe si Jesus de gunni guiraa xixe ca didxa que gudxibe ca discipulu xtibe: ² "Laatu nanna tu de que ma xhupa gubidxasi guedanda Pascua, Ne xiiñi Diuxi zudicabe ti guica lu cruz." ³ Ngueruni ca xha ique xti yudú' ne ca binigola xti ca binni que nuu ca tobisi ndani yoo lahui xti sumo sacerdote, ni la Caifas. ⁴ Laacabe cuyubicabe ximodo guinaze caabe Jesus naga'chi ne guti caabe laabe. ⁵ Ti laacabe na caabe: "cadi ora cayacadi saa que ti cadi guiaya di ca binni que." ⁶ Yanna laga Jesús nuu be Betania ra lidxi Simón ni napa lepra que la?, Jesús zuba rua' mexa, ⁷ Bidxiña ti gunaa laabe ne ti frascu nisa ni rindá naxhi ne risaca xtale ne laabe bixhii be ni ique. ⁸ Ne ora bi'ya ca discipulu xti be ndi la? bidxi'chi ca ne na ca: ''¿Xi ñee bixhii si be ni pue? ⁹ Ñanda nidoo ni ne nisaca ni xtale bidxichi ne ni caa ca ni que gapa gaxti ni.' ¹⁰ Peru Jesus nanacaabe ni, ne raabi be laaca: "¿ Xiñe cuchichitu gunadi pue? Pa laabe ma binnibe xixa zicaru para na. ¹¹ Dede guira dxi zapatu cani que gaapa gaxti laadetu, peru cari de guiradi dxi zapatu na. ¹² Ti ora laabe bixhii be nisa rindá naxhi que luguiáya la?, laabe bi'ni be ni ti guiquíñe ni ora ma guigache'. ¹³ Dxandí nga cayabe laatu, ra ticasi guireche xtidxa Diuxi ndani guidubi naca guidxilayú la? zietenala'dxi cabe de gunaa di ne ni bi'ni be di. ¹⁴ Ne tobi de ca chii ne chuppa que la?, Ni lá' Judas Iscariote, guyé ra nuu ca xaique yu'du. ¹⁵ Ne na be: "¿Xi nuu tu gudii tu naa ti gudie' laabe laatu ya? "Gudixe ca be la' gande ne chi nda' plata ti guicaa ca be laabe. ¹⁶ Ne oraque ca, laabe biyubi be ximodo gudii be laaca laabe. ¹⁷ Yanna, niru do' dxi ro ca be pan sin levadura ca discípulu beeda ca ra nuu Jesús ne na ca: ''¿Para racala'dxu guni cha'hui du' ti go' xhi' lu pascua di ya? ¹⁸ Laabe rabi be laaca: "Laaché ndani guidxi ra nuu ti nguiu' ne lagabi laabe: 'Na maistru: 'Ma cadxiña ora xtine. zutide pascua di ra lidxu ne ca discípulu Xtine." ¹⁹ Ca discípulu que b'ini ca modo gudxi Jesús laaca ne bi'ni ca be guendaró xhi' xti pascua que. ²⁰ Bixhíñi si que la?, Laabe gurí be ne gudó xhi' né be ca chi ne chuppa discípulu xti be. ²¹ Laga ca yoo ca be rabi be laaca: "Dxandipe' nga cayabe laatu de que tobi de laatu zudxí deche tu naa." ²² Laacabe bigundu ca be xtale ne tobi tobi ca be canaba diidxa ca be laabe: " Dxandipe naa la co nja, ¿Señor? " ²³ Labe bicabibelaa': "Ni laa cunna ndani bladu nenaa' laa' nga ni sudxideche naa'. ²⁴ 24Xiñi hombre ca siee', Casi ca ca'a ni pur laabe'; peru ¡gapagasi hombre ca ni laa pur xiñi Hombre bidxideche! Ma galan para hombre ca que ñale'." ²⁵ Judas, ni laa chi udxideche naa': "¿Saca ni naa', Rabí?" labe gudxibela'a: "Lii cou inilunni'.!" ²⁶ laaga cayoo caabe, Jesus ucua pan, ulube ndaya ni ne undabe ni. Ne biidi be canni ca discipulo ne oraque naabe: "la ica ne laago. ndinga xcuerpua." ²⁷ Labe' ucuabe' ti vasu ne bidibe' xquixepe', ne bidibenila'a ne nabe: "Laguenni', iratu'. ²⁸ Purti ndi nga rinni ni bitaguania didxa latu ni bixi' pur xtale paraixia ira ni ma bichenecabe'. ²⁹ Peru na rabelatu', quezedia xti tiru de cuananaxi de enda nabanidi' dxi na guenianilatu' ndanni' enda runni mandar xti bixhoze." ³⁰ Biluxe biinda si cabe, guyecabe ra dani xti aceituna. ³¹ Ti ora que jesus gudxi laacabe: "Guiratu zaxaletu gueela di runi naa, purti cani: "ZAGUIÑE PASTOR NE CA DENDXU HUIINI NUU NDANI CURRA ZAXALECA'." ³² Peru, guiasa sia', ziaa nirua' lutu Galilea. ³³ Peru Pedru rabi Laabe: "Neca guiracabe guiduuba cabe runi lii, naa que ziu di dxi guiduuba." ³⁴ Jesus rabi laabe: "Dxandi'pe gabe lii, gueela pe di' ante guunda gayu, zuni negarlu naa chona tiru." ³⁵ Pedro gudxi laabe: "Neca pe' naquiiñe ne lii, naa que zune negar dia' lii." Ne guira' ca discipulu que ngueca guni'ca. ³⁶ Ti ora que Jesus yene laacabe ra ti guidxi la' Getsemaní ne gudxibe ca discipulu be: "Lacui ga rari' laga chaa rarica ne gune orar." ³⁷ Yenebe Pedro ne iropa xiiñi Zebedeo ne Laabe, ne bizulube biguundube ne bidxe lube. ³⁸ Ti ora que: "Ladxidua' nabe nagundu nuuni, dede ora guedanda dxi gate'. Laguiaana rari' ne lagapane naa." ³⁹ Guzaabe xti ndaa bisabalúbe ne guni'nebe Diuxi ne guni'be: "Bixoze, pa ganda si tidi copa di de naa; peru, cadi ni napa dia' ganna, sinu que ni gapu ganna." ⁴⁰ Veedabe ra nuu ca discipulu que ne vi'yabe nisiaasica', ne rabibe Pedro: "¿Xilaa, que ñanda ñapa netu naa ti hora? ⁴¹ Lagapa ne la guini'ne Diuxi ti que quite cabe laatu. Espiritu dxandi'pe nap ganna, pero beela natende." ⁴² Laabe bidxiñabe iropa tiru ne guni' nebe Diuxi; Laabe guni'be: "Bixoze, pa ndi que zanda tidi' sin guee ni la, gaca ni naalu'." ⁴³ Laabe bibiguetabe xti tiru ne bidxelabe laaca nisiaasica', purti ze'gu luca. ⁴⁴ Ti ora que guyebe ne bisaanabe laaca xti tiru; guni'nebe Diuxi guiona tiru ne ngueca si ca diidxa guni'be ⁴⁵ Ti ora que Jesus beeda ra nuu ca discipulu ne gudxibe laaca: "¿Nisiaasi rutu ne cazii la'dxi tu la? Lagu'ya, ma zeda dxiña hora ne xiiñi Diuxi ma cudxii deche cabe laa lu na' ca ni ruchee. ⁴⁶ Laguiasa ne chuu. Lagu'ya ni cudxii deche ca nuu gaxha." ⁴⁷ Laga cani' rube, bedanda Judas, tobi de ca chii ne xhoopa que. Nabe xtale de ca sacerdote gola ne ca binigola que bedandaca' ne laabe. Neeca guiiba ne bara. ⁴⁸ Yanna hombre chi gudxii deche Diuxi que bilui' laacabe ti señal, ne guni': "Ni gudie' bixidu, Laabe ni. La guinaaze laabe." ⁴⁹ Orapequeca beeda ra nuu Jesus ne guni': "¡Padiuxi, Rabí!" ne gudo ti bixidu laabe. ⁵⁰ Jesus rabi laabe: "Xamigua, bi'ni ni beda gunu'." Ti ora que laacabe veedacabe, gulaqui na' cabe laage ne gunaaze cabe laabe. ⁵¹ Lagu'ya, tobi de ca ni nuune Jesus que bisugaana', gulee xquiiba ne bichendabe ni sirviente xti' sacerdote gola que, ne bigabe diaga. ⁵² Ti ora que Jesus gudxi laabe: "Guluu xquiiba lu' luxcar, purti guira' ni gu'ti de guiiba, laca de guiiba gati'. ⁵³ ¿Raabu naa que ñanda nucaa ridxe bixoze, ne Laabe nuzeendabe naa chii ne chupa batallón de ángel? ⁵⁴ Peru, ¿ximodo nga izaa ca xtiidxa Diuxi ya, pa gaca' ndi sicari'? ⁵⁵ Ti ora que Jesus gudxi guira' ca binni que: "¿Biree netu xquiiba tu ne ca bara tu ti quiñetu naa casi ñaca tu ubaana? Guira' dxi gurie' ndaani yu'du cusiide, ne que ninaaze tu naa. ⁵⁶ Peru guira' ndi bizaaca ni ti guizaa ca ni ca lu xtiidxa ca profeta." Ti ora que guira' ca discipulu que bisaana ca' laacabe ne bixoñelú ca'. ⁵⁷ peru cani gunaze Jesús yene' cabe laabe ra nu Caifás ca xhaique ca sacerdote, raca' escribas ne ca binni gola bidxiña cabe. ⁵⁸ Peru pedru llenanda laabe zitu huini lu patiu xti xhaique ca sacerdote. Guyube ne gurinebe ca ni rapa para guyabe xhi biana gunine cabe laabe. ⁵⁹ Na ca xhaique peca ' ne guira ca xhaique ca ndani yudu cuyubica gusiguicabe ra gulucabe xqueja Jesús, ti ganda lacabe guni condenar cabela ne guenda guti. ⁶⁰ Lacabe que ni dxeladicabe gaxti, necape xtale tu la bidxiña bisigui. Peru oraque beda xhupa ⁶¹ Ne gunica: "Hombre di guni: 'na zuxhiaya yudu xti Diuxi ne lu guina gubidxa zandisani." ⁶² Ca xhaique sacerdote biasaca ne guni: "¿que capu xhi gucabu na? ¿xhinga biyacabe ne cani cabe de lii?" ⁶³ Peru Jesús bigani. ca xhaique ca sacerdote gudxilabe: " cayabe lii pur Diuxi ni nabani, gudxiladu pa linga cristu, xhiñii Diuxi. ⁶⁴ Jesus bicabi: "Licaa ca nilu;eru cayabe lii que de yanadxi para ne dede guirá dxii zuyalu xhiñii hombre zuba ladu ndiga de boxhozenu, ni zeda de lu zaa de xha guiba'." ⁶⁵ Ora queca xhaique xti ca sacerdote bichezabe xhaba ca ne naa': "gunibe didxa guidxa. ¿xhiñe caquiñe runu tu guini?. laguya, yanala ma guyudiaga tu ca didxa guidxa. ⁶⁶ ¿Xhi rinii xpianitu?"lacabe bicabi cabe ne nacabe: "laabe naquiñe be' gatibe." ⁶⁷ Ne oraque bicha' xhinii cabe lube' ne gudiñe cabe laabe, ne gudiñe cabe labe ne bata nabe', ⁶⁸ Ne nacabe'. "biní profetizar ladu, cristo xtilu. ¿tu ma gudiñe lii?" ⁶⁹ yana pedro zuba fuera lu patiu, ne ti ni runi dxiña beda ra nube ne naa': "lii laca nu neelu Jesús de Galilea. ⁷⁰ "neza lu de guira binni cadi dxandidi ni , nabe: "que gana dia xhi de caya'bu naa." ⁷¹ Ora laabe birebe de ra puerta ra riucabe, xti ni runi xhiñaa biya laabe ne gudxibe ca ni nu raca: " Hombre di laca guyunebe Jesús de Nazaret. ⁷² "Ne xti tiru bidibe xtidxabe : " na querunebiaya dia Hombre ca'." ⁷³ Gudidi si ti ratu cani zuhua gaxha qur ne gudxi cabe Pedro: "dxandipe nacalu tobi de lacabe purti modo rinilu ca cului ni li. " ⁷⁴ Oraque labe bizulub ne cugu dibe ne canibe didxa guidxa: " na rune biaya Hombre di," Ne orape queca ti gallu bínda'. ⁷⁵ Pedro beda silu laa' ca didxa gudxi Jesús que laabe: "ante gúnda ti gallu lii chona tiru ma gunilu que runibiadiou naa'. Ne oraque birébe' ne bína' nanabe'.