¹ Ngue runi ra runi mandar Diuxi nacani casi chii binni dxapa ni gucuaca biani xti ca ne zee ca zi guchaga lú ca novio. ² Gaayu' de laca nahuati ne gaayu' ca nu xpiani. ³ Ora ca binni dxapa nahuati que gucuaca biani xti ca la? , laaca que nicadica za. ⁴ Huaxa ca binni dxapa nu xpiani que la? gucua ca za xti ca. ⁵ Laga novio que bindaa', guiraa cabe bidaa bacaanda lú ca be ne gusi ca be. ⁶ Huaxa galaa gueela que bicaa ca be ti riidxi: ¡la gu'ya, novio que! la guiré la guchaga lú laabe. ⁷ Ne ora que ca binni dxapa que biasaca ne bizucha'hui ca biani xti ca. ⁸ Ca ni nahuati gudxi cabe ca ni nu xpiani: La gudi ladu cadxi de za xtitu ca ti ca biani xtidu ma cazui'. ⁹ Huaxa cani nu xpiani que gudxi lacabe.' Co', Que ziudi xtale para ladu ne latu, la che ra nu ni rutoo ne la síí cadxi xtitu. ¹⁰ Laga zisii cabe, novio que beeda ne ca ni ma nu cha'hui, zinecabe labe ra chigaca zaa xti guenda xheela, ne biegu puerta que. ¹¹ Gudidi si de ngue, ca xcadxi badu' dxapa que laca beeda ca ne na ca: 'Maistru maistru, laguxhale laadu.' ¹² Huaxa laabe bicabi be: dxandipe cayabe laatu, naa que rune bia'ya laatu. ¹³ Lagataná, ti laatu que ganadi tu xi dxi nin ca dxi xhigaba. ¹⁴ Nacani casi ti nguiu ni ma nuu chee xti guidxi. Laabe bizenda cabe ni runi dxiña xti be ne bidibe laca guira ni rizaca napabe. ¹⁵ Tobi de laaca be bidii be laa gaayu' talentu, xtobi bidii be laa chupa, ne xtobi bidii be laa ti talentu. Guiraa gucua bia' laacabe nanna cabe gunicabe, ne nguiu que biree zee. ¹⁶ Ne ora queca ni laa gucua gaayu' talentu que guyee ne bí'ni ne ni dxiña ne bidii ni laabe xcaayu' talentu. ¹⁷ Ngue ca ni gucua chuppa talentu bíni xhuppa. ¹⁸ Huaxa ni runi dxiña be ni gucua ti talentu si que la? guyee ne gundaa' ti huecu ndani yú ne bica'chi be bidxichi xti xpixhuana be. ¹⁹ Yanna gudidi si xtale dxi, xpixhuaana ca be bigueta ne gulidxi laaca be runi dxiña. ²⁰ Ni gucua gaayu' talentu beeda ne bedanee xcaayu' talentu, laabe na be: 'Xpixhuaana li bidii naa gaayu' talentu. Biiya yanna naa bine xcaayu' jma. ²¹ Xpixhuaana be gudxi laabe: "¡Biasi bi'nu, nacha'hui ne que riree chu lu'! lii ma bini lu neza de lu ni huaxhie gucua lu. Na zugua lii lú ni jma narooba. Guyuu lu guenda nayeche' xti xpixhuaana lu'." ²² Ni runi dxiña be ni gucua chuppa talentu que la? beeda ne na: Xpixhuaana', li bidiu naa chuppa talentu. Biiya, na biine xhuppa talentu jma. ²³ Ne xpixhuaana be bicabi laabe: ¡Biasi bi'nu, nacha'hui ne que riree chu lu'! lii ma bini lu neza de lu ni huaxhie gucua lu. Na zugua lii lú ni jma narooba. Guyuu lu guenda nayeche' xti xpixhuaana lu'. ²⁴ Ne ni runi ni runi dxiña xti be ni gucua ti talentu beeda ne na: 'Xpixhuaana na nanna que lii ti nguiu ni naduxu'.Lii rindisa lu' ra que nudxiiba lu' ne lii rutopa lu' ra que nuche'che lu'. ²⁵ Naa bidxibe, ne guyaa ne bica'che talentu xtiu ndani yú. Biiya, rari nuu ni xtiu'. ²⁶ Huaxa xpixhuaana be bicabi laabe ne na: Lii ni que guiquiiñe' ne ni que runni xhiiña, lii nanu que na rindisa ra que nudxiiba ne rutopa ra que nucheche. ²⁷ Ngue runi lii nudi lu' ca bidxichi xtine ca ni runni dxiña ra riapa bidxichi, ne na ni bigueta ni caa bidxichi xtine ne ni ma bisigaleni. ²⁸ Nga runi lagaxa laabe talentu ca ne la gudiini ni napa chii talentu ca. ²⁹ Ti guiraa ni napa la? jma ru saca, ne zudii ca be nila ne jma xtale. Huaxa cani que gapa gaxti la?, ne ca, ni napa saxa cabe ni laa. ³⁰ Ne ni runni dxiña que guiquiiñe la? la gulaa laabe fuera ra nacahui, ra ziu' guenda ruuna' ne guenda ruxhidxi la'ya. ³¹ Ora Xiiñi Binni Guidxilayù gueda lu' guenda nandxo' ne guiraa xixé ca ángel nee Laabe, ne Laabe sabibe de lu' bangu de guenda nandxo'. ³² Ra lú be siu cabe tobisi dede guira ca guidxi roo, ne Laabe zuxhale be ca binni que tobi de xtobi, ne casi ti ni rapa dendxu' ruxele be ca dendxu' de ca chiba. ³³ Laabe zuguu be ca dendxu' ca lu ná' be derechu, ne ca chiba ca ladu biga. ³⁴ Ne ora que Rey que za ní cani nuu lu ná' be deruchu: 'Latá, laatu cani ma nuu tu ndaya xti Bixoze, ti guiana ne tu de guenda runni mandar ni Laabe ma bisucha'hui be latu dede dxi bizulu' guidxilayú. ³⁵ Ti naa bindaana ne latu bidii tu ni gudahua; Naa biate nisa ne laatu bidii tu ni guee; que runi bia'di tu naa ne laatu gucuatu naa. ³⁶ Naa huyua xielade ne laatu bigacutu naa lari'; guca huaraya ne laatu gupatu na; naa bidahuayua ne laatu yeganatu naa. ³⁷ Ora que ca ni runni xneza zucabi ca ne zani ca: Señor, ¿Pa dxi biiya du candaanu ne bidiidu ni goolo?¿ o pa dxi cayati lu nisa ne bidiidu lii ni guee lu'? ³⁸ ¿Ne pa dxi biduyadu lii casi ni que runibia'du ne gucua du lii?¿o cadi nacu lu lari ne bigacu du lii lari? ³⁹ ¿Ne pa dxi biduya du lii huara lu o daguyoo lu ne yeganadu lii? ⁴⁰ Ne Rey que sucabi laatu ne zani: dxandi pe sabe laatu ni bi'ni tu pur ni jma nahuini de ca bi'che rari, naa bi'ni tu ni. ⁴¹ Ora que laabe zabi be ca ni nuu ladu bigae ná' be: 'La guixale de Naa laatu binni ni nadxaba ca, lu gui' ni que riziu ni ma gutacha'hui para binnidxaba ne ca ángel xti. ⁴² Ti naa bindaana ne que nudii tu ni ñahua, biate nisa huaxa que nuditu ni ñee. ⁴³ guca ti ni guiruti que runni biaa ne laatu que nicatu naa; xielade ne que nugacutu naa lari; guca guaraya ne bidaguayua ne que ñapa tu naa. ⁴⁴ Ora que laacabe laca zucabi ca be ne zani ca: Señor ¿Pa dxi biduyadu lii candaana lu' o cayati lu' nisa o casi ni ti que runibia'du o xieladi lu o huara lu, o daguyoo lu, ne que ñacanee du lii? ⁴⁵ Ora que Laabe zabi be laaca ne zani be: dxandi pe cayabe latu ni que ñuni tu pur cani nahuini di la?, que ñuni tu ni pur Naa. ⁴⁶ Ca ndi sieca ra chiguiaba ná' ca ne que saluxe, huaxa ca ni nacha'hui sieca lu guenda nabani ni que zaluxe."