¹ Jesus bire be de ndani yu'du ne zeebe lu neza xtibe. Ca discipulu xtibe bidxiñaca para gului ca laabe ca yoo ro' xti yu'du'. ² Huaxa Laabe bicabi be ne gudxi be laaca: "¿Laatu ruya tu guira ca ndi? Dxandipe Naa zaabe laatu, nin ti guie' que ziana luguia xti guie' sin que guzaaba cabe laa." ³ Laga guri Be lu dáni xti ca Olivu, ca discipulu bidxiña ca ra nuu Be ra chu' cabe laasi cabe ne gudxi cabe laabe: " Gudxi laadu ¿Pa dxi nga chi gaca ca ndi? ¿Xhinga chi gaca señal dxi lii gueedu ne xti ra guiluxhe guidxilayú?" ⁴ Jesús bicabi laacabe ne gudxi laacabe: "Lagapaga laatu guiruti quite laatu. ⁵ Ti xtale zeeda ca lu la'ya. Laacabe zani' cabe: "Naa nga Cristu" ne zine cabe xtale lu guenda riguite. ⁶ Laatu zunadiagatu de ra cadinde cabe, ne zani binni de ra nuu de tinde si cabe. Laguuya de que cadi guchibi cabe laatu, ti naquiiñe gaca ca ndi', huaxa caru di guiluxhe guidxilayú. ⁷ Ti purti ti guidxi roo siaza luguia xti guidxi roo, ne ti reinu siaza luguia xti reinu. Ziu gubiña ne zaca xu xtale ladu. ⁸ Huaxa guira ndi naca ni ra cuzulu yuuba. ⁹ Oraca zudii cabe laatu tiidi tu ra nagaana ne zuti cabe laatu. Zaca nanaladxi cabe laatu guira guidxi roo lu' la'ya. ¹⁰ Oraca xtale zateende ñee ne zudxi deche liza ca, ne saca nanaladxi liza ca. ¹¹ Xtale profeta ni cadi dxandi siaza ca ne zine ca xtale lu guenda riguite. ¹² Ti guenda runi ni nadxaba zadale, guenda ranaxhii zaniti lu' ndani ladxido' xtale. ¹³ Huaxa ni laa guzuhua dxichi dede ra guiluxhe, nga zalaa. ¹⁴ Ca diidxa xti guenda runi mandar xti Diuxi zui cabe ni guidubi naca guidxilayú casi ni guzihuini guira ca guidxi roo. Ne oraca zeeda ra guiluxhe Guidxilayú. ¹⁵ Nga runi, ora laatu guya tu guenda nayuudxu xti pabia' xhaguete ma bisaba guenda nana di', de ni guni' profeta daniel, suhua ra lugar nandxo, (ni gu'nda la? guiene), ¹⁶ Lagudi de que ca ni nu' ca Judea guxhoñe lu ca lu ca dáni, ¹⁷ Cadi gudi tu ni dxiba ique yoo guiete chi guyubi xiixha ndani lidxi, ¹⁸ Ne cadi gudii tu ni nu ra ñaa guibigueta chi guyubi laari dxaa xti. ¹⁹ Huaxa ¡Pobre si de ca ni naca xhiiñi, ne ca ni cugadxi ba'du huiini ca dxi que! ²⁰ La guini' ne Diuxi ti ora guxhoñe lú tu cadi gacani ca dxi nananda, ninca dxi guenda riziiladxi. ²¹ Ti ziu ti narooba guendanana, casi ca que huayuu ndani guidxilayú dede dxi guya' dede nagasi, co', ne que zui dxi chu'. ²² Pa cadi ca dxi que guirúgu lu' ca, nin ti binni que zala, pur ca ni ma bibii', ca dxi que sarúgu lu ca ni. ²³ Oraque pa tuuxa gabi laatu: "Biiya ¡Rari nuu Cristu! o ¡Rarica nuu cristu! cadi guni cree tu. ²⁴ Ti purti xtale Cristu ni cadi dxandi, ne xtale profeta ni cadi dxandi zeeda ca ne zului ca xtale señal ne xtale guenda ridxagaya, ti quiiteca, ne pa ganda , dede ca ni ma bibii'. ²⁵ Laguuya naa ma bizaya nirua ndi luutu. ²⁶ Nga runi pa gabi cabe lii: "biiya, Cristu nu' lu yude ndá, cadi guirelu. Ó biiya Laabe nuu be ndani ca cuartu dentru ca, cadi guni cree lu. ²⁷ Ti purti casi biani rayu ruzaani ladu riaazi gubidxa dede ruzaani ladu riazi gubidxa, zaca saca dxi gueeda Xhiiñi Binni Guidxilayú. ²⁸ Ra tiicasi chu' ti ni ma guti, raca zadxiña zo'pe. ²⁹ Huaxa naguenda pe tiidi si guira guendanana de ca dxi que la?, gubidxa sacahui, ne beu' ma que suzaani, ne ca belegui siaba ca de guibá', ne guiraa xixé ni nuu guiba' sanibidxacha ca. ³⁰ Oraca señal xti Xiiñi Binni Guidxilayú sahuini guibá', ne guira ca tribu xti guidxilayú zu'na ca. laacabe su'ya cabe Xiiñi Binni Guidxilayú zeeda lade ca zaa xti guibá' ne xtale guenda nandxo', ne xtale guenda naroo. ³¹ Laabe suzeendabe ca angel xtibe ne ti ridxi rooba xti trompeta, ne laacabe zuni ca tobi si ca ni ma guli'be dede guidapa ladu rigapa bi, de ti ladu guibá' dede xti ladu. ³² laguiziidi xixa de yaga du'ga que. Casi pe ná' yaga ca gaca nari'ni ne cue ni bandaga, laatu ma nanatu de ma chizulu chi gaca nandá. ³³ Zaca ca ora guuya tu ca ndi la? laatu naquiñe ganna tu' Laabe ma nuu be gaxha, ra puerta. ³⁴ Dxandipe naa cayabe laatu, ca binni de yana di que sadii'di ca, dede ora ma gu'ca guiraa ca ndi'. ³⁵ Guibá' ne guidxilayú zadidi ca, huaxa ca diidxa xtine que zadidi ca. ³⁶ Huaxa xi dxi ca', ne xi xhigaba xti ni, guiruti ganna, nin pe ca ángel ni nuu guiba', ninca Xiiñi Diuxi, Bixhoze si nu. ³⁷ Casi guca ca dxi xti Noé, zaca saca dxi gueeda Xiiñi Binni Guidxilayú. ³⁸ Ti casi ca dxi ante guiaba dxacha nisaguie dede bilahua que, laacabe cayoo cabe ne cayee cabe, cachagana cabe ne cudi cabe guendaxheela dede dxi Noé guyú ndani arca que, ³⁹ ne que ñanna cabe gaxti dede ora guendarilahua que beeda ne sine guiraa cabe, saca saca dxi gueeda Xiiñi Binni Guidxilayú. ⁴⁰ Ne oraque chuppa nguiu ziu' ca ti rañaa, tobi ca sacaa Diuxi laa, ne txobi ca siaana. ⁴¹ Chuppa gunaa' ziu' ca cayutu ca ne ti molinu; tobi ca sacaa Diuxi laa, ne xtobi ca siaana. ⁴² Nga runi lagataná, ti lii que ganu diou pa dxi Señor gueeda. ⁴³ Lagana ndi' pa xpixhuana yoo que ganna xhi xhigaba gubaana que gueeda, laabe sataná be ne que nudii be lugar chu' ndani lidxi be. ⁴⁴ Nga runi laatu laaca naquiiñe chu' chaui tu, ti purti Xiiñi Binni Guidxilayú seeda lu ti xhigaba ni laatu cadi cabeza tu. ⁴⁵ Nga runi ¿tu laa nga ruzhua lu xtiidxa ni runi xiiña xtobi, ne guenda nu xpiani, ni xpixhuana bica'bi laabe lidxi, ti guzuhua be xquendaro' ora pe jneza? ⁴⁶ Nu' ndaya luguia ni runi xhiiña xtobi ca, que ora xpixhuana be gueeda ne guidxela laabe cayuni be nga la?. ⁴⁷ Dxandipe naa cayabe laatu de que xpixhuana ca' zugu laabe gapa be guiraa xixé ni napa. ⁴⁸ Huaxa pa ti ni runi xiiña xtobi rini' ndani ladxido': "xpixhuana ma bindaa" ⁴⁹ Ne laabe guzulu quiñe be ca ni runi ne be dxiña, ne goo be ne guee be ne ca binigüe. ⁵⁰ Xpixhuana ni runi dxiña di sedanda ti dxi ni runi dxiña be di cadi cabeeza, ne ti xhigaba ni laabe que ganna be. ⁵¹ Xpixhuana be sani ná' laabe ne ra guiluxhe be nga laaca ra rie' ca binni chuppa diidxa, ra ziu' guenda ruuna' ne guenda ruxhidxi la'ya.